ខេត្តកំពង់ចាម ៖ វាពិតជារឿងដែលធ្វើឲ្យក្រុមគ្រួសារ កូនក្រមុំមានការអាម៉ាសយ៉ាងខ្លាំង ដែលរោងការបាន សង់រួចទៅហើយ ស្រាប់តែកូនកំលោះដ៏សង្ហារ ហើយវ័យក្មេងទៀតបែរជារត់ចោល រោងការបាត់ស្រមោល បណ្ដាលឲ្យពិធីអាពាហ៍ពិពាហ៍ត្រូវបានរលាយដូចអំបិលត្រូវទឹកអ៊ីចឹង ។ រោងការដែលគ្មាន កូនកំលោះនេះកើតឡើងកាលពីថ្ងៃទី៩ ខែមករា ឆ្នាំ២០១៧ នៅភូមិត្រពាំងឈូក ឃុំតាអុង ស្រុកចំការលើ ខេត្តកំពង់ចាម ។
ប្រភពព័ត៌មាន នៅកន្លែងកើតហេតុបានឲ្យដឹងថា រោងការនេះមាន កូនកំលោះឈ្មោះ ខែម ចាន់ធូ អាយុ២៥ឆ្នាំ ជាបុគ្គលិកបម្រើការងារ នៅក្រុមហ៊ុនទូរស័ព្ទចល័ត Smart មានទីលំនៅខេត្តស្វាយរៀង ចំណែកកូនក្រមុំឈ្មោះ កែម ចំរើន អាយុ៣១ឆ្នាំ រស់នៅភូមិត្រពាំងឈូក ឃុំតាអុង ស្រុកចំការលើ ខេត្តកំពង់ចាម ។
ប្រភពបន្តឲ្យដឹងទៀតថា ភាគីខាងកូនកំលោះ ដែលបានមកបម្រើការងារនៅស្រុកចំការលើបានឲ្យចៅមហា និងមេបា ចូលដណ្ដឹងកូនក្រមុំតាមប្រពៃណី ដោយព្រមព្រៀងគ្នា និងកំណើតថ្ងៃអាពាហ៍ពិពាហ៍នៅថ្ងៃទី៩ ខែមករា ឆ្នាំ២០១៧ នៅគេហដ្ឋានខាងស្រី ស្រាប់តែដល់ថ្ងៃចូលរោងការ កូនកំលោះបែរជារត់ចោលរោងការបាត់ស្រមោលសូន្យឈឹងទៅវិញ ធ្វើភាគីកូនក្រមុំទទួលរងនូវ ការអាម៉ាស់យ៉ាងខ្លាំង ហើយថែមទាំងខាត បង់លុយកាក់មួយចំនួនធំទៀត ដោយត្រូវក្នុងការបង់ទៅថ្លែភ្លេង ចុងភៅ សំអាងការ និងក្រុមតន្ត្រីដែលជួលមកសម្រាប់ រៀបចំពិធីមង្គលការនេះ ។
ប្រភពព័ត៌មាន បានឲ្យដឹងទៀតថា នៅព្រឹកថ្ងៃចូលរោង គេក៏បានឃើញកូនកំលោះបើកឡានមកជិតរោងការដែរ ប៉ុន្តែបន្តិចក្រោយមកស្រាប់តែ កូនកំលោះរូបនោះបានបើកឡានទៅវិញបាត់ ធ្វើឲ្យអាពាហ៍ពិពាហ៍ ដែលរំពឹងថានឹងមានការត្រេកអរ និងសប្បាយរីករាយ បែរជាត្រូវរលាយដូចអំបិល ត្រូវទឹកទៅវិញ ព្រោះតែគ្មានកូនកំលោះ ។
រហូតមកដល់រសៀលថ្ងៃទី១១ ខែមករា ឆ្នាំ២០១៧ម្សិលមិញនេះ កូនកំលោះដែលត្រូវបានគេចោទប្រកាន់ថា រត់ចោលរោងការ «កោះសន្តិភាព» មិនទំនាក់ទំនងសុំការបំភ្លឺបាននៅឡើយទេ ៕
ប្រភព៖ កោះសន្តិភាព
ក្រឡេកមកមើលព័ត៌មានកម្សាន្ត គួរឲ្យចាប់អារម្មណ៍មួយវិញទៀត៖
សមាជិកនៅក្នុងក្រុមរាំ របស់ ទេព បូព្រឹក្ស ម្នាក់នេះ ស្រស់ស្អាតអស់ទាស់ ប៉ុន្តែ...!
ភ្នំពេញ៖ Pinky គឺជាសមាជិកនៅក្នុងក្រុមរាំ របស់កញ្ញា ទេព បូព្រឹក្ស តារាចម្រៀងនិយមច្រៀងបទញាក់កន្រ្តាក់អារម្មណ៍ នៅក្នុងផលិតកម្មរស្មីហង្សមាស។
បើមិនប្រាប់ទេ ប្រាកដជាមិនដឹងថា Pinky គឺជាភេទទី៣នោះទេ ព្រោះរូបសម្រស់របស់នាង គឺពិតជាស្រស់ស្អាតខ្លាំងណាស់ ដូចជាមនុស្សស្រី ទាំងមុខមាត់ រូបរាង នារីល្មមសុំចាញ់ នឹងសម្រស់របស់ Pinky។ រហូតដល់មានអ្នកខ្លះ ច្រឡំស្មានតែជាតារាកូរ៉េទៀត ព្រោះនាងស្អាតខ្លាំងពេក។
កាលពីមុន Pinky គឺតែងខ្លួនធ្វើជាមនុស្សប្រុសទេ ដោយគេគឺជាសមាជិកម្នាក់នៅក្នុងក្រុមរាំរបស់កញ្ញា សុខ សីឡាលីន ហើយក៏ជាកម្លោះរូបសង្ហាម្នាក់ផងដែរ និងមានអ្នកស្រលាញ់រាប់អានជាច្រើន ព្រោះស្រស់សង្ហាជាងគេនៅក្នុងក្រុមរាំ។
ចំណែកឯស្រីៗអ្នកគាំទ្រភាគច្រើន ក៏នាំគ្នាចូលចិត្តបុរសសង្ហាម្នាក់នេះជាងគេដែរ ប៉ុន្តែក្រោយមកគេក៏បានផ្លាស់ប្តូរក្រុមរាំមករាំជាមួយក្រុមកញ្ញា ទេព បូព្រឹក្សវិញ និងបានតុបតែងខ្លួនធ្វើជាស្រីស្អាតតែម្តង ហើយគឺស្អាតដាច់គេទៀតនៅក្នុងក្រុម។
ប្រសិនបើបញ្ចេញសម្លេងនិយាយ គ្រប់គ្នាពិតជាលង់ស្នេហ៍ និងស្មានតែ Pinky គឺស្រី១០០ភាគរយទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
