រាជធានីភ្នំពេញ ៖ បុរសម្នាក់ទើបមកពី ប្រទេសជប៉ុន ស្រាប់តែជួបគ្រោះថ្នាក់ចរាចរណ៍ស្លាប់យ៉ាងអាណោចអាធ័ម បង្កឲ្យមានការភ្ញាក់ផ្អើល កាលពីវេលាម៉ោង១រំលងអាធ្រាត្រឈានចូលថ្ងៃទី១១ ខែមករា ឆ្នាំ២០១៧ តាមបណ្តោយមហាវិថីព្រះនរោត្តម នៅចំណុចមុខមន្ទីរពេទ្យ ព្រះអង្គឌួង ស្ថិតនៅក្នុងសង្កាត់ផ្សារចាស់ ខណ្ឌដូនពេញ ។
ជនរងគ្រោះដែលស្លាប់ឈ្មោះ ស៊ីម សុភ័ក្ត្រ ភេទប្រុស អាយុ៣៥ឆ្នាំ ស្នាក់នៅម្តុំរង្វង់មូលទួលគោក សង្កាត់បឹងកក់២ ខណ្ឌទួលគោក ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញជនរងគ្រោះជិះម៉ូតូម៉ាក NLAJESLY ពណ៌ស អត់មានស្លាកលេខ ធ្វើដំណើរតាមបណ្តោយមហាវិថីព្រះនរោត្តម ក្នុងទិសដៅពីត្បូងទៅជើង ខណៈពេលមកដល់ចំណុចកើតហេតុមុខមន្ទីរពេទ្យព្រះអង្គឌួង ដោយសារជនរងគ្រោះស្រវឹងស្រាផង បើកម៉ូតូលឿនផង ស្រាប់តែជ្រុលទៅបុករថយន្តម៉ាកឡិចស៊ីស៥៧០ ពណ៌ខ្មៅ ដែលកំពុងឈប់រង់ចាំភ្លើងស្តុបពីក្រោយពេញទំហឹង បណ្តាលឲ្យដួលបោកក្បាលរងរបួសធ្ងន់ធ្ងរ បន្ទាប់មកក៏ស្លាប់នៅនឹងកន្លែងកើតហេតុ ចំណែកឯម៉ូតូខូចខាតខ្ទេចមួយកំណត់ខាងមុខ រីឯរថយន្តឡិចស៊ីស៥៧០បានបើកចេញទៅបាត់ បន្សល់ទុកជនរងគ្រោះនៅកន្លែងកើតហេតុ ។
ក្រោយពេលកើតហេតុ រថយន្តសង្គ្រោះគ្លីនិកឯកជន មកដល់កន្លែងកើតហេតុបម្រុងដឹកជនរងគ្រោះយកទៅព្យាបាល តែពេលពិនិត្យឃើញថា ជនរងគ្រោះសល់តែដង្ហើមចង្រិត មិនបានដឹកយកទៅព្យាបាលទេ ភ្លាមៗនោះមានបុរសស្រវឹងស្រាម្នាក់បានជិះម៉ូតូម៉ាកស៊ុយស៊ីគីលេត ពណ៌ស មកដល់កន្លែងកើតហេតុអះអាងថា ខ្លួនត្រូវជាមិត្តភក្តិរបស់ជនរងគ្រោះ បានជេរថយន្តសង្គ្រោះ ដែលមិនព្រមដឹក ជនរងគ្រោះយកទៅព្យាបាល ទុកទាល់តែជនរងគ្រោះ ស្លាប់បែបនេះ មិនតែប៉ុណ្ណោះបុរសរូបនោះខឹងទាំងអ្នកសារព័ត៌មាន និងសមត្ថកិច្ចដែលមិនជួយហៅ រថយន្តសង្គ្រោះមកដឹកជនរងគ្រោះយកទៅព្យាបាលទៀតផង ។
ប្រភពពីសាច់ញាតិជនរងគ្រោះ បានបង្ហើបឲ្យដឹងថា ជនរងគ្រោះទើបតែមកតែវិលត្រឡប់មកពីប្រទេសជប៉ុន មកធ្វើការនៅភ្នំពេញ ស្រាប់តែជួបគ្រោះថ្នាក់ អកុសលបែបនេះតែម្តង ។
សពជនរងគ្រោះ ត្រូវបានដឹកយកទៅតម្កល់ទុក នៅវត្តទឹកថ្លាដើម្បីធ្វើបុណ្យតាមប្រពៃណី ចំណែកម៉ូតូជនរងគ្រោះ ត្រូវសមត្ថកិច្ចយកទៅរក្សាទុក ឲ្យនៅអធិការដ្ឋានខណ្ឌដូនពេញ ៕
ប្រភព៖ កោះសន្តិភាព
ក្រឡេកមកមើល ព័ត៌មានចាប់អារម្មណ៍មួយផ្សេងទៀត៖
ប្អូនស្រី ថៃ នរៈពិទូ បដិសេធ មិនលូកដៃពាក់ព័ន្ធនឹងរឿងបងប្រុសខ្លួន ចែកចាយគ្រឿងញៀនទេ ព្រោះ...!
បាត់ដំបង៖ បន្ទាប់ពីមានរឿងភ្ញាក់ផ្អើលមួយកើតឡើង ទាក់ទងនឹងអតីត Freshie Boy រូបស្រស់សង្ហា លោក ថៃ នរៈពិទូ ព្រមទាំងប្រពន្ធ ត្រូវបានប៉ូលិសចាប់ឃាត់ខ្លួនទាំងពីរនាក់ ពីបទចែកចាយគ្រឿងញៀន កាលពីយប់ថ្ងៃទី ៩ ខែមករា ឆ្នាំ២០១៧ កន្លងទៅថ្មីៗនេះនៅចំណុចខារ៉ាអូខេ ដឹសោនហ្វាមីលី (The Sound Family) ក្នុងខេត្តបាត់ដំបង។
ក្រោយមានផ្ទុះរឿងអាស្រូវនឹកស្មានមិនដល់នេះ អ្នកនាង ថៃ នារីសុជាតា ដែលត្រូវជាប្អូនស្រីបង្កើតរបស់លោក ថៃ នរៈពិទូ ក៏បានបដិសេធមិនធ្វើការឆ្លើយតប ឬក៏បកស្រាយអ្វីទាំងអស់ទាក់ទងនឹងរឿងជួញគ្រឿងញៀនបងប្រុសខ្លួន ព្រោះពេលនេះ អ្វីដែលសំខាន់បំផុត នាងបារម្ភពីអារម្មណ៍របស់ឪពុកម្តាយខ្លួន ស្របពេលដែលមានរឿងដូច្នេះបានកើតឡើង។
អ្នកនាង ថៃ នារីសុជាតា ដែលជាអតីត Freshie Girl ដូចជាបងប្រុសខ្លួនដែរ បានថ្លែងឱ្យដឹងនៅលើហ្វេសប៊ុកនាងថា៖
« at the moment i really don't have anything left to say and care all i care now is my Parents' feelings and how we going to get through this hardship as a family. Please stop asking us and sending us. i can't even look at my phone right now because i can't deny that my feelings are seriously hurt. thanks to real friends who cared but i think it's sad to know some people really enjoy seeing people have problems and take the time to humiliate eachother which is kind of sad but kinda where we are right now.»។
(នៅពេលនេះគ្មានអ្វីដែលត្រូវនិយាយនោះទេ ហើយអ្វីដែលខ្ញុំត្រូវខ្វល់នៅពេលនេះ គឺជាអារម្មណ៍របស់ឪពុកម្តាយខ្ញុំ និងដំណោះស្រាយបញ្ហានៅក្នុងគ្រួសារ។ សូមបញ្ឈប់ការសួរដេញដោល និងផ្ញើសារមកកាន់ពួកយើងទៀតទៅ ព្រោះពេលនេះខ្ញុំមិនអាច សូម្បីតែសម្លឹងមើលទៅទូរស័ព្ទដៃរបស់ខ្លួនឯងបាន ព្រោះខ្ញុំមិនអាចបដិសេធនឹងអារម្មណ៍របស់ខ្ញុំថាពិតជាឈឺចាប់ខ្លាំង។ សូមអរគុណដល់មិត្តពិត ដែលបានយកចិត្ដទុកដាក់ ប៉ុន្តែខ្ញុំគិតថាវាជារឿងឈឺចាប់មួយ ដែលស្គាល់មនុស្សមួយចំនួន ដែលកំពុងរីករាយពេលឃើញគេមានបញ្ហា ហើយឆ្លៀតឱកាសនេះដើម្បីបំបាក់មុខគ្រួសារអ្នកដទៃ ដូចអ្វីដែលគ្រួសារខ្ញុំកំពុងតែបានជួបប្រទះនៅពេលនេះ។)
គួររំលឹកផងដែរ អ្នកនាង ថៃ នារីសុជាតា ក៏ជាអតីត Freshie Girl មួយរូបដែរ ដោយនាងបានជាប់ចំណាត់ថ្នាក់លេខ២ សម័យប្រលងកាលពីឆ្នាំ២០១០។ ក្រោយមកក៏បានរៀបការ និងមានកូនប្រុសម្នាក់ ជាមួយអតីតស្វាមីខ្លួន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]