រាជធានីភ្នំពេញ ៖ បុរសម្នាក់បានយកកូនកាំបិត ចិតបន្លែអារអណ្ដាតខ្លួនឯង ហូរឈាមកក្លាក់ ត្រូវបានម្តាយដឹកទៅ ឲ្យគ្រូពេទ្យព្យាបាល តែពេលទៅដល់មន្ទីរពេទ្យបុរសរូបនោះមិនព្រមឲ្យ ក្រុមគ្រូពេទ្យព្យាបាលឡើង ទាល់តែចាប់ជិត ១ម៉ោងទើបអាចព្យាបាលបាន ។
ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង១២ និង១០នាទីរំលងអាធ្រាត្រឈានចូលថ្ងៃទី១១ ខែមករា ឆ្នាំ២០១៧ នៅចំណុចម្ដុំពោធិ៍ចិនតុង សង្កាត់កាកាប ខណ្ឌពោធិ៍សែនជ័យ ។
ជនរងគ្រោះឈ្មោះ ឡាយ មេសា ភេទប្រុស អាយុ៣០ឆ្នាំ ស្នាក់នៅកន្លែងកើតហេតុខាងលើ ។
ប្រភពព័ត៌មានពីម្ដាយជនរងគ្រោះ សុំមិនបញ្ចេញឈ្មោះបានឲ្យដឹងថា កូនរបស់គាត់បានសេពគ្រឿងញៀន តាំងតែពីគេនៅរៀនម្ល៉េះ ។ កាលពីឆ្នាំ២០១៦ កូនរបស់គាត់ធ្លាប់មានសភាពបែកថ្នាំ រហូតយកកាំបិតមកចាក់កខ្លួនឯង ម្តងរួចមកហើយ តែត្រូវបានក្រុមគ្រួសារ របស់គាត់ជួយសង្គ្រោះទាន់ពេលវេលា និងបាននាំកូនរបស់គាត់ទៅបន្សាបគ្រឿងញៀន២ដងរួចមកហើយ តែដោយសារតែភាពភ្លើតភ្លើនធ្វើឲ្យកូនរបស់គាត់នៅតែក្លាយជាមនុស្សញៀនថ្នាំ រហូតបែកថ្នាំដដែល ។
ប្រភពដដែលបន្តទៀតថា មុនពេលកើតហេតុ គាត់ជាម្ដាយកំពុងគេងនៅលើបន្ទប់ជាន់ទី១ ស្រាប់តែគាត់ឮសំឡេង កូនរបស់គាត់ដែលគេង នៅខាងក្រោម គាត់ក៏បានចុះមកក្រោមឃើញកូន ស្រាប់តែឃើញកូនរបស់គាត់ មាត់ហូរឈាមរហាច ហើយដៃកាន់កូនកាំបិតចិតបន្លែ ទើបគាត់សន្និដ្ឋានថា កូនរបស់គាត់បែកថ្នាំ បានយកកាំបិតមកអារអណ្ដាតខ្លួនឯងបែបនេះ ។
ក្រោយពេលកើតហេតុ ម្ដាយជនរងគ្រោះបានដឹក ជនរងគ្រោះតាមរយៈម៉ូតូឌុបយកទៅព្យាបាលនៅ មន្ទីរពេទ្យព្រះកុសមៈ លុះមកដល់មន្ទីរពេទ្យ ដោយសារតែអំណាចថ្នាំញៀនមិនទាន់រលត់ ធ្វើឲ្យជនរងគ្រោះពេលចូល មកមន្ទីរពេទ្យបានក្រាបសំពះម្ដាយដល់ដី ធ្វើឲ្យក្រុមគ្រូពេទ្យពិបាក ក្នុងការព្យាបាល ហើយក្រុមគ្រូពេទ្យ និងសន្តិសុខពេទ្យបានព្យាយាម ចាប់ជនរងគ្រោះដើម្បីព្យាបាល ប្រមាណជាជិត១ម៉ោងទើបអាចធ្វើការព្យាបាលបាន ៕
ប្រភព៖ កោះសន្តិភាព
ក្រឡេកទៅមើលព័ត៌មាន ចាប់អារម្មណ៍មួយវិញទៀត៖
នាយក្រឹមពិបាកចិត្តខ្លាំង ខណៈកូនប្រុស កំពុងតែសម្រាកព្យាបាលនៅបាងកក ក្រោយវះកាត់សាច់អាប់សែនៅត្រង់ខ្នង។
ថៃ៖ នៅថ្ងៃនេះកូនប្រុសតារាកំប្លែងជើងចាស់ នាយក្រឹម កំពុងតែសម្រាកព្យាបាលនៅឯមន្ទីរពេទ្យក្នុងទីក្រុងបាងកកប្រទេសថៃ ដោយមានអាការៈធ្ងន់ធ្ងរគួរឱ្យបារម្ភ។
ហើយកាលពីយប់មិញក៏បានឮដំណឹងថា ស្ថានភាពជំងឺរបស់គេបានធ្វើទុក្ខយ៉ាងខ្លាំង ដោយមានអាការៈរាគផង ក្អួតផង ហើយទទួលទានអាហារក៏មិនបានដែរ រហូតដល់គ្រូពេទ្យដែលរង់ចាំនៅមើលថែទាំ ត្រូវព្យួរសេរ៉ូមអាហារឱ្យទៀតផង។
ពេលនេះតារាកំប្លែងនាយក្រឹមកំពុងតែសោកសៅយ៉ាងខ្លាំង ចំពោះស្ថានភាពជំងឺរបស់កូនប្រុសជាទីស្រលាញ់របស់ខ្លួន។
ក្រោយបានឮដំណឹងនេះ ក៏បានធ្វើឱ្យអ្នកគាំទ្រលោកក្រឹម សម្តែងការព្រួយបារម្ភ និងជូនពរឱ្យកូនប្រុសរបស់គាត់ ឆាប់បានជាសះស្បើយពីជំងឺសាច់អាប់សែនៅត្រង់ខ្នងនាលើកនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]