រាជធានីភ្នំពេញ ៖ កូនសិស្សម្នាក់និងគ្រូបង្រៀនម្នាក់ ខណៈកំពុងបង្រៀនបើករថយន្ត ត្រូវកូនសិស្សច្រឡំជាន់ហ្គែរថាជាហ្វ្រាំង បណ្តាលឱ្យរេចង្កូតទៅបុកជាមួយម៉ូតូមួយគ្រឿង ដែលជិះបញ្ច្រាសទិស រុញផ្ទប់ទៅបុកនឹងរបងផ្ទះ ប្រពលរដ្ឋពេញទំហឹង រងរបួសធ្ងន់ម្នាក់និងស្រាល២នាក់ ដែលហេតុការណ៍នេះ បង្កការភ្ញាក់ផ្អើលខ្លាំងនៅវេលាម៉ោង០៦ និង២០នាទីយប់ថ្ងៃទី០៩ មករា ២០១៧ ស្ថិតនៅជិតច្រកចូលវិមានសុភមង្គល លើផ្លូវបេតុងអត់លេខ ក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។
គ្រូបង្រៀនត្រូវសមត្ថកិច្ចឃាត់ខ្លួន ឈ្មោះហាត់ កែន ភេទប្រុស អាយុ៣៤ឆ្នាំ ជាគ្រូបង្រៀនបើកបររថយន្ត២ធ្នូ ស្នាក់នៅផ្ទះអត់លេខ ផ្លូវ៣៧១ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។ ចំណែកជនរងគ្រោះមានឈ្មោះ ជិន យ៉ត អាយុ២៥ឆ្នាំ ភេទប្រុស មុខរបរជាងដែក ស្នាក់នៅសង្កាត់ព្រែកលាភ ខណ្ឌជ្រោយចង្វា មានស្រុកកំណើតនៅភូមិតាគោក ឃុំល្វាស្រុកព្រះស្តេច ខេត្តព្រៃវែង ។
តាមប្រភពថា គេឃើញបុរសរងគ្រោះជិះម៉ូតូម៉ាកហុងដាឌ្រីម ស៊េរី២០១៥ ពណ៌ខ្មៅ ពាក់ស្លាកលេខភ្នំពេញ1FI-9106 ធ្វើដំណើរតាមផ្លូវបេតុង ចូលច្រកវិមានសុភមង្គល ក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់តែមានបុរសពីរនាក់ ម្នាក់ ជាគ្រូបង្រៀនបើករថយន្តនៅសាលា២ធ្នូ និងម្នាក់ទៀត ជាកូនសិស្សរៀនបើករថយន្តម៉ាកកាម៉ារីឆ្លាម ពណ៌.ស្ករ ពាក់ស្លាកលេខ ភ្នំពេញ 2F-7807 បានរៀនបើកបរតាមផ្លូវបេតុងចូលច្រកវិមានសុភមង្គល ក្នុងទិសដៅបញ្ច្រាសគ្នា ពីលិចទៅកើត ដោយ សារកូនសិស្សនៅស្ទើរភ្លើងបានបើករថយន្ត លុះមកដល់ចំណុចកើតហេតុ អ្នកបើករថយន្តបានជាន់ហ្គែរច្រឡំថាជាហ្វ្រាំង ក៏ជ្រុលទៅបុកម៉ូតូ ដែលជិះដោយបុរសម្នាក់ពេញទំហឹង អូសម៉ូតូក្រោមរថយន្តរុញផ្ទប់ទៅបុកនឹងរបងផ្ទះ បណ្ដាលឱ្យបាក់សសររបងផ្ទះប្រជាពលរដ្ឋអស់១ដើម កល់រថយន្តទៅមុខលែងរួច បណ្តាលឲ្យអ្នកជិះម៉ូតូរងរបួសបែកមុខបែកក្បាលរយះដល់លលាដ៍ក្បាលធ្ងន់ ត្រូវបានរថយន្តសង្គ្រោះ ដឹកយកទៅសង្គ្រោះ ។
ចំណែកកូនសិស្ស ជាអ្នកបើកបររងរបួសស្រាល បានរត់គេចខ្លួនបាត់បន្សល់ទុកគ្រូបង្រៀនម្នាក់រងរបួសបែកមុខ ត្រូវសមត្ថកិច្ចឃាត់ខ្លួនយកទៅសាកសួរនៅប៉ុស្តិ៍នគរបាលស្ទឹងមានជ័យ ។ រីឯរថយន្តរងការខូចខាតស្រុញខ្ទេចផ្ទុះពោងសុវត្ថិភាពទាំងពីរកល់ម៉ូតូនៅក្រោមរថយន្ត ផ្ទុបជាប់របងផ្ទះនៅកន្លែងកើតហេតុ ។
ប្រភព៖ កោះសន្តិភាព
ក្រឡេកមកមើលព័ត៌មាន ចាប់អារម្មណ៍មួយផ្សេងទៀត៖
ឱក សុគន្ធកញ្ញា បីកូន គង់ សុជាតិ ទំនងពេក រហូតធ្វើឱ្យអ្នកគាំទ្របង្អាប់ថា...!
ភ្នំពេញ៖ បន្ទាប់ពីសម្រាលបានកូនស្រីដ៏គួរឱ្យស្រឡាញ់ម្នាក់ កាលពីថ្ងៃទី០៤ ខែមករា កន្លងទៅនេះ អ្នកនាង គង់ សុជាតិ បច្ចុប្បន្នកំពុងតែសម្រាកថែទាំសុខភាពនៅក្នុងមន្ទីរពេទ្យនៅឡើយ ដោយនៅក្នុងនោះ យើងក៏ឃើញមានវត្តមានរបស់តារាៗ សិល្បករ-សិល្បការិនីខ្មែរល្បីៗ ជាច្រើនដួងបានធ្វើដំណើរទៅសួរសុខទុក្ខដល់មន្ទីរពេទ្យផ្ទាល់តែម្តងជាបន្ទាប់។ កូនស្រីដែលទើបតែសម្រាលរបស់អ្នកនាង គង់ សុជាតិ និងលោក ជា វិបុល គឺមានឈ្មោះថា ជា សុជាតិនារី និងដាក់ឈ្មោះហៅក្រៅថា ដូរី។
ចំណែកកាលពីម្សិលមិញវិញ កំពូលតារាចម្រៀង កញ្ញា ឱក សុគន្ធកញ្ញា ក៏បានទៅលេង និងសួរសុខទុក្ខ ថែមទាំងបានបីកូនតូចរបស់ អ្នកនាង សុជាតិយ៉ាងទំនង ដែលធ្វើឱ្យមានការចាប់អារម្មណ៍យ៉ាងខ្លាំងពីអ្នកលេងហ្វេសប៊ុក រហូតធ្វើឱ្យអ្នកគាំទ្របង្អាប់ថាតារាចម្រៀងរូបនេះថា ពូកែបីកូនក្មេងណាស់ ដូចជាម្តាយគេពិតប្រាកដ។
ពួកគេភាគច្រើនចំអន់លេងសើចលើកដាក់ឱ្យកញ្ញា សុគន្ធកញ្ញា ឆាប់រៀបការជាមួយនិងលោក ឆន សុវណ្ណារាជ ទៀតផង ដើម្បីឆាប់មានកូនបីប្រឡែងលេងនឹងគេ។ ឯអ្នកខ្លះទៀតថា បើតារាទាំងពីរដួងបានរៀបការជាមួយគ្នា ប្រសិនបើមានកូនពិតមែននោះ មិនដឹងជាល្អ និងស្អាតយ៉ាងណាទេ។
គួរបញ្ជាក់ដែរថា មួយរយៈចុងក្រោយនេះ អ្នកគាំទ្រទូទាំងប្រទេសបានសង្ឃឹមជឿជាក់យ៉ាងខ្លាំងថា កំពូលតារាចម្រៀង ឱក សុគន្ធកញ្ញា និង ឆន សុវណ្ណារាជ អាចក្លាយទៅជាគូស្នេហ៍នឹងគ្នាតាមការពេញចិត្តរបស់ពួកគេរហូតមក។
ប៉ុន្តែរឿងរ៉ាវស្នេហាមួយនេះ អាចឈានដល់ដំណាក់ការផ្លូវការណាមួយនោះ គ្មាននរណាម្នាក់ដឹងច្បាស់នៅឡើយទេ គឺបានត្រឹមតែឃើញភាពផ្អែមល្ហែមរបស់តារាមួយគូនេះ ដោយមិនដឹងថាពួកគេស្រលាញ់គ្នាមែនទែន ឬគ្រាន់តែធ្វើដើម្បីទាញប្រជាប្រិយភាព?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]