ខេត្តប៉ៃលិន ៖ បុរសម្នាក់ត្រូវគេស្គាល់ថា ជាជាងភ្លើង បានហៅនារីមានសតិមិនគ្រប់ឱ្យមកបោសសម្អាតក្នុងបន្ទប់ខ្លួន ហើយក៏យករឿងអាសអាភាសនៅក្នុងទូរស័ព្ទដៃមកឱ្យនាងមើល រួចបបួលរួមភេទ លុះនាងមិនព្រម ក៏ចាប់រំលោភរហូតដល់មានផ្ទៃពោះ ទើបបែករឿង ត្រូវនារីរងគ្រោះប្តឹងនគរបាលស្នងការខេត្ត ចាប់ឃាត់ខ្លួនបញ្ជូនទៅតុលាការ ។
ហេតុការណ៍ចាប់ខ្លួននេះ កើតឡើងកាលពីព្រឹកថ្ងៃទី០៩ មករា ឆ្នាំ២០១៧ ស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ ប្រភពឱ្យដឹងថា ជនសង្ស័យ ឈ្មោះចក់ ផង់ ភេទប្រុស អាយុ៣២ឆ្នាំ ជាជាងភ្លើង រស់នៅភូមិកើតហេតុខាងលើ បានធ្វើសកម្មភាពរំលោភសេពសន្ថវៈទៅលើនារីរងគ្រោះម្នាក់អាយុ២៥ឆ្នាំ ជាអ្នកបោសសំអាត ។
បើតាមចនគរបាលព្រហ្មទណ្ឌកម្រិតធ្ងន់នៃស្នងការខេត្តបានឱ្យដឹងថា ក្នុងកំឡុងខែកក្កដា និងខែសីហា ឆ្នាំ២០១៦ មានករណីរំលោភសេពសន្ថវៈបានកើតឡើងនៅចំណុចផ្ទះជួល ក្នុងបូរីម្កុដពេជ្រ ដោយជនសង្ស័យខាងលើ បានរំលោភនារីរងគ្រោះ ដែលមានសតិមិនសូវគ្រប់ រហូតដល់នាងមានផ្ទៃពោះ ។
ប្រភពបន្តទៀតថា មុនពេលកើតហេតុ ជនសង្ស័យបានទូរស័ព្ទហៅនាងឱ្យទៅបោសសំអាតបន្ទប់ផ្ទះជួលរបស់ខ្លួន ។ ពេលនាងបានទៅដល់ ខណៈកំពុងតែបោសសំអាតបន្ទប់ ស្រាប់តែជនសង្ស័យបានដើរចូលទៅខាងក្នុង ហើយក៏និយាយបបួលនាងរួមភេទ តែនាងមិនព្រម ។
ក្រោយមក ជនសង្ស័យបានឱ្យនាងមើលវីដេអូរអាសអាភាសក្នុងទូរស័ព្ទដៃរបស់ខ្លួន រួចក៏មានអារម្មណ៍បបួលនាងរួមភេទម្តង
ទៀត ។ តែនាងនៅមិនយល់ព្រមដដែល ទើបរូបគេបាននិយាយថា បើនាងយល់ព្រមនឹងឱ្យប្រាក់ចំនួន៥ដុល្លារ ខណៈនាងមិនទាន់បានទទួលផង ស្រាប់តែជនសង្ស័យនោះ បានស្ទុះទៅអោបនាងពីក្រោយ រួចចាប់ផ្តួលទៅលើពូកក្នុងបន្ទប់ ហើយក៏ធ្វើសកម្មភាពរំលោភ ដោយនាងនៅមិនព្រម ក៏កើតទៅជាប្រតាយប្រតប់គ្នា ។
ប្រភពដដែលបន្តថា ក្រោយមកជនសង្ស័យរូបនោះ ក៏ធ្វើដដែលៗ ចំនួន៣ទៅ៤លើក ដោយនៅក្នុងដើមខែសីហា ឆ្នាំ២០១៦ ជនសង្ស័យបានហៅនារីរងគ្រោះឱ្យទៅបោសសំអាតបូរីម្កុដពេជ្រដដែលនៅក្នុងបន្ទប់លេខS22 ដោយប្រាប់ថា មានស្ត្រីចាសៗ ចំនួន២ទៅ៣នាក់ធ្វើការនៅទីនោះដែរ ។ ពេលនាងទៅដល់មិនឃើញមាននរណាម្នាក់ឡើយ ហើយបុរស ល្មោ ភកាមរូបនោះក៏ចាប់នាងផ្តួលទៅលើពូករួចរំលោភរហូតដល់បានសម្រេចមួយលើក ។
ក្រោយពីបានសម្រេចហើយ ជនសង្ស័យបានគំរាមសម្លាប់នារីរងគ្រោះ ដោយនាងភ័យខ្លាច ក៏លាក់រឿងនេះ មិនឱ្យប្រាប់ឪពុកម្តាយបងប្អូននោះឡើយ រហូតដល់ក្រោយមកល្បួងរំលោភបន្តបន្ទាប់ រហូតដល់នាងមានផ្ទៃពោះកាន់តែធំឡើងៗ ទើបទម្លាយរឿងនេះប្រាប់តាមដំណើររឿង ហើយឪពុកម្តាយនាងបានដាក់ពាក្យបណ្តឹងទៅនគរបាល ដើម្បីឱ្យធ្វើការចាប់ឃាត់ខ្លួនតែម្តង ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
