ខេត្ត​បន្ទាយ​មាន​ជ័យ ​៖ ​លោក​​ស័ក្តិ​​៤ ឈាន ពិសិដ្ឋ ដែល​ចោទប្រកាន់​លោក​ឌិន ពុ​ទ្ធី​ បាន​បើករថយន្ត​​​បង្កឱ្យ​​រងរបួស​នោះ​ គ្រោង​ផ្លាស់​ប្តូរ​ចេញពី​​ច្រក​ទ្វារ​ប៉ោយ​ប៉ែ​ត ​ដើម្បីឱ្យ​ប្រជាពលរដ្ឋ​ស្ងប់​អារម្ម​ណ៍​ ដែលត្រូវបាន​​លោក​​អភិបាលខេត្ត​ប្រាប់ឱ្យ​ដឹង​​នៅ​ក្នុង​​កិច្ច​ប្រជុំ​គ​ណៈបញ្ជាការ​ឯកភាព​ កាលពី​រសៀល​ថ្ងៃ​ទី​០៩​ ​មករា ​២០១៧​ ស្ថិត​នៅ​សាល​ប្រជុំ​សាលា​ខេត្តបន្ទាយមាន​ជ័យ ​។

ក្នុង​កិច្ចប្រជុំ​នោះ លោកសួន បវរ អភិបាលខេត្ត​ និង​ជា​ប្រធាន​គ​ណៈ​បញ្ជាការ​ឯកភាព​ខេត្តបន្ទាយមានជ័យ ​បាន​លើក​ឡើង​ថា​កាល​ពី​ថ្ងៃ​ទី​២២​​ ធ្នូ​ ​កន្លងមក ស្ថិត​នៅ​ច្រក​ទ្វារ​អន្តរជាតិ​ប៉ោយ​ប៉ែ​ត​ មាន​ករណី​លោក​វ​រ​សេនីយ៍​ត្រី ឈាន ពិសិដ្ឋ នាយ​រង​ប៉ុស្តិ៍​នគរ​បាល​​អន្តរ​ប្រវេសន៍​ប្រចាំ​ច្រក​ទ្វារ​អន្តរជាតិ​ប៉ោយ​​ប៉ែ​ត​ បាន​ប្តឹង​ចោទប្រកាន់​លោកឌិន ពុ​ទ្ធី ជា​ប្រធាន​សមាគម​ន៍​សេដ្ឋកិច្ច​ក្រៅ​ប្រព័ន្ធ​ បើករថយន្ត​បុក​បណ្តាល​ឱ្យរង​រ​បួស​ភ្លៅ​ស្តាំរហូតដួល​សន្លប់​ ។

ហើយ​ត្រូវ​បាន​បញ្ជូន​ទៅ​ព្យាបាល​នៅ​មន្ទី​រពេទ្យ​​ក្នុង​​ប្រទេស​ថៃ ក្រោយ​ពេល​ភ្លាម​ៗ​ នោះ​កម្លាំង​នគ​បាល​អន្ត​ប្រវេសន៍​បាន​ឃាត់ខ្លួន​លោក ឌិន ពុ​ទ្ធី ប្រគល់​ជូន​ទៅ​កម្លាំង​នគ​បាល​ខេត្ត​បញ្ជូន​ខ្លូ​ន​ទៅ​តុលាការ​បាន​ចោទប្រកាន់​ពី​បទ​ហិង្សា​ ដោយ​ចេតនា​មាន​ស្ថាន​ទម្ងន់ទោស ​ហើយ​ត្រូវ​បាន​ឃុំខ្លួន​ ។ ​រហូត​ដល់​ថ្ងៃ​ទី​២៩​ ធ្នូ​ ឆ្នាំ​២០១៦ ត្រូវ​​សាច់ញាតិ ​និង​ប្រជាពលរដ្ឋ​បាន​នាំ​គ្នា​តវ៉ា​នៅ​ច្រក​ទ្វារ​អន្តរជាតិ​ប៉ោយ​ប៉ែ​ត​ ដែល​ប៉ះពាល់​សណ្តាប់ធ្នាប់ ​និង​សន្តិសុខ​នៅ​ច្រក​ទ្វារ​អន្តរជាតិ​ប៉ោយ​ប៉ែ​ត ​។

លោកសួន បវរ បាន​លើក​ឡើង​ថា​​ ​ដើម្បី​ឱ្យ​មាន​​ភាព​ស្ងប់ស្ងាត់​ថ្នាក់ដឹកនាំ​បានឱ្យ​​លោក​ស័ក្តិ​៤ ឈាន ពិសិដ្ឋ ដែល​កំពុង​សម្រាក​ព្យាបាល​នៅ​ប្រទេស​ថៃ ​ត្រូវ​មក​ធ្វើការ​ដោះស្រាយ ​និង​សម្របសម្រួល​ជាមួយ​លោកឌិន ពុ​ទ្ធី ឱ្យ​បញ្ចប់រឿង​ ដើម្បី​ឱ្យ​ប្រជាពលរដ្ឋ​មាន​ភាព​ស្ងប់​អា​រម្មណ៍ គឺ​លោក​ស័ក្តិ​៤ ឈាន ពិសិដ្ឋ អនុ​ប៉ុស្តិ៍​នគ​រ​បាល​អន្ត​ប្រវេ​សន៍​ច្រក​ទ្វា​រ​អន្តរជាតិ​ប៉ោយ​ប៉ែ​ត​ អាច​ប្រឈម​ការ​ផ្លាស់​ប្តូរ​ចេញ​ទៅ​ធ្វើការ​កន្លែង​ផ្សេង ​។

ក្នុង​ឱកាស​នោះ​ លោក​បាន​ដឹក​វិធានការ​ដល់​កម្លាំងប្រដាប់អាវុធ​ត្រូវ​មាន​វិធានការ​លុប​បំបាត់​ការ​ជួញដូរ​ និង​ចែកចាយ​ប្រើប្រាស់​គ្រឿងញៀន​ ដើម្បី​ឱ្យ​​ភូមិ-ឃុំ​មាន​សុវត្ថិភាព និង​ទប់ស្កាត់​ការ​ជួញដូរ​មនុស្ស ​និង​ពលករ​ចំណាក់ស្រុក​ខុសច្បាប់​ការពារ​សុវត្ថិភាព​ប្រជាពលរដ្ឋទប់ស្កាត់​ និង​បង្ក្រាប​បទល្មើស​ជលផល​ ដែល​កើត​មានកម្លាំង​ដែល​ឈ​ជើង​ តាម​បន្ទាត់​ព្រំដែន​ចូល​ទប់ស្កាត់​ទំនិញ​គេចពន្ធ​ តាម​បន្ទាត់​ព្រំដែន និង​ស្វែងរក​ចាប់ខ្លួន​ក្រុម​ប្រចាំ​ង​បោះ​ខិតប័ណ្ណ​ប្រចាំ​​​រាជរដ្ឋាភិបាល​ ដើម្បី​ផ្តន្ទាទោស​តាម​ច្បាប់ ។

ប្រភព៖ កោះសន្តិភាព

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ អ្នកបើកកង់បី នៅកំពង់សោមម្នាក់ ជំរិតទារលុយ ជនបរទេស

ស្រ្តីម្នាក់ បានចងកសម្លាប់ខ្លួន នៅក្នុងបន្ទប់ជួលរបស់ខ្លួន កាលពីវេលាម៉ោង១១ព្រឹកថ្ងៃទី៩ ខែមករា ឆ្នាំ២០១៧ នៅចំណុច ស្ថិតនៅចំណុចផ្ទះជួល ក្នុងភូមិរកា សង្កាត់ចាក់អង្រែក្រោម ខណ្ឌមានជ័យ ។

សមត្ថកិច្ចបានឲ្យដឹងថា ជនរងគ្រោះមានឈ្មោះ ខន ស៊ីម៉ា អាយុ២៨ឆ្នាំ មុខរបរកម្មការិនីរោងចក្រ មានស្រុក​កំណើតភូមិក្រាំរយ៉ង ស្រុកពាមជរ៍ ខេត្តព្រៃវែង។

ប្អូនស្រីជនរងគ្រោះបានឲ្យដឹងថា មុនពេលកើតហេតុ គឺក្នុងគ្រួសារស្រ្តីរងគ្រោះ បានកើត​មានវិបត្តិ ប៉ុន្តែមិននឹក​ស្មានថា បងស្រី ធ្វើអត្តឃាតបែបនេះនោះទេ លុះខណៈដែល នាងជាប្អូន​ចេញពីធ្វើការត្រឡប់មកផ្ទះជួលវិញ បើកទ្វារបន្ទប់ ស្រាប់តែឃើញបងស្រី​របស់នាងធ្វើអត្តឃាតចងកសម្លាប់ខ្លួន ស្លាប់បាត់ទៅហើយ ទើបស្រែក​ឆោឡោឡើង ផ្អើលដល់បងប្អូនប្រជាពលរដ្ឋ រួមនិងសមត្ថកិច្ចចុះមកធ្វើការពិនិត្យ។

សមត្ថកិច្ចនគរបាលមូលដ្ឋាន សហការជាមួយនិងនគរបាល ជំនាញផ្នែកកោលសល្យវិច័យ បានចុះមកធ្វើការ​ពិនិត្យនិងធ្វើកោសល្យវិច័យទៅលើសាកសពនារីរងគ្រោះ បានឲ្យដឹងថា សាកសពជនរងគ្រោះពិត​ជាស្លាប់ដោយសារតែការធ្វើអត្តឃាត ចងកសម្លាប់ខ្លួនឯងពិតប្រាកដមែន។ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]