រាជធានីភ្នំពេញ ៖ មន្ត្រីនគរបាលខណ្ឌដូនពេញ បាននិយាយថា បុរសជនជាតិអាមេរិកម្នាក់ បានស្លាប់នៅក្នុងហាងម៉ាស្សា«LOWERY» មានទីតាំងផ្ទះលេខ២២អឺ០ ផ្លូវលេខ១១៨ ក្នុងសង្កាត់ផ្សារកណ្តាលទី១ ខណ្ឌដូនពេញ កាលពីវេលាម៉ោង០១ និង៣០នាទីរសៀលថ្ងៃទី០៨ មករា បន្ទាប់ពីម៉ាស្សាប្រដាប់ភេទ រហូតដល់ចេញទឹកកាម ។
យោងតាមស្ត្រីម្នាក់ ដែលបម្រើការងារ នៅហាងម៉ាស្សាខាងលើ ឈ្មោះឈុំ ស្រីទូច បានឱ្យនគរបាលផ្នែក ព្រហ្មទណ្ឌខណ្ឌដូនពេញដឹងថា កាលពីវេលាម៉ោងជាង១រសៀលថ្ងៃកើតហេតុ មានបុរសជនជាតិអាមេរិកម្នាក់ឈ្មោះ FREDERICK JNEMERGUT អាយុ៧៤ឆ្នាំ បានមកម៉ាស្សា ដោយបុរសរូបនេះស្រាតខោអាវចេញ ហើយឱ្យនាងយកប្រេងម៉ាស្សាលិង្គ និងពងស្វាសទាល់តែចេញទឹកកាម ។
បន្ទាប់ពីចេញទឹកកាមហើយ ស្រាប់តែបុរសអាមេរិករូបនេះ មានអាការៈមិនស្រួល គឺពិបាកដកដង្ហើម និងមានភាពដង្ហក់ត្រដរខ្យល់ ភ្លាមៗនោះ នាងបានរត់ទៅរាយការណ៍ឱ្យអ្នកគ្រប់គ្រងហាងឈ្មោះជា ពេជ្ជនី ។ ឃើញសភាពមិនល្អ ម្ចាស់ហាងម៉ាស្សាខាងលើ ក៏បានទូរស័ព្ទហៅរថយន្ត សាមុយមន្ទីរពេទ្យកាល់ម៉ែត មកជួយសង្គ្រោះ ប៉ុន្តែពេលដែលក្រុមគ្រូពេទ្យមកដល់ និងបានពិនិត្យឃើញថា បុរសជនជាតិអាមេរិករូបនេះ បានដាច់ខ្យល់ស្លាប់បាត់ទៅហើយ ។
មន្ត្រីនគរបាលកាតិយាល័យ កោសល្យវិច័យនៃស្នងការដ្ឋាន នគរបានរាជធានីភ្នំពេញ និងគ្រូពេទ្យប្រចាំតុលាការ បានឱ្យយដឹងថា បុរសជនជាតិអាមេរិកឈ្មោះ FREDERICK JNEMERGUT ពិតជាស្លាប់ដោយសារ គាំងបេះដូងប្រាកដមែន បច្ចុប្បន្ន សពបញ្ជូនទៅដង្កល់ នៅវត្តស្ទឹងមានជ័យ ។
ប្រភព៖ កោះសន្តិភាព
ដោយឡែកក្រឡេកមកមើល ព័ត៌មានចាប់អារម្មណ៍មួយផ្សេងទៀត៖
គៀត សុវណ្ណាឡាង ប្រើកាបូបម៉ាកល្បីៗច្រើនពេក ដល់ថ្នាក់ប្រកាសលក់ឡៃឡុងចេញខ្លះ!
ភ្នំពេញ៖ ប្រជាប្រិយភាព របស់តារាស្រីរូបស្អាត កញ្ញា គៀត សុវណ្ណាឡាង បានឡើងស្រឺតៗ ក្រោយពីរូបនាងឈានជើងចូលប្រឡូកក្នុងវិស័យខ្សែភាពយន្ត ដោយបោះបង់អាជីពជាអ្នកចម្រៀងចោលទាំងស្រុង។
ខណៈពេលទីផ្សារការងារកំពុងទទួលបានជោគជ័យ ការប្រើប្រាស់របស់របរទំនើបៗរបស់នាង ក៏ឡើងទៅតាមហ្នឹងផងដែរ ដែលនាពេលបច្ចុប្បន្ន គេសង្កេតឃើញថា នាងបានប្រើសុទ្ធតែកាបូប ស្បែកជើង និងសម្លៀកបំពាក់ ម៉ាកល្បីៗ ពីប្រទេសក្រៅទាំងអស់។
កាលពីថ្មីៗ តារាស្រីរូបនេះ ស្រាប់តែប្រកាសលក់កាបូបម៉ាកល្បីៗជាច្រើនកាបូបរបស់នាង ក្នុងតម្លៃសមរម្យ ប្រហែលជាកាបូបនាងច្រើនពេក ចង់លក់ចេញខ្លះហើយមើលទៅ។
ក្នុងនោះ កញ្ញា គៀត សុវណ្ណាឡាង បានបង្ហោះ រូបកាបូបដោយដាក់គរលើគ្នា មានទាំងទំហំធំ និងខ្លះទៀត មានទំហំតូចជាដើម។ ជាពិសេសនាង ក៏បានសរសេរពីលើរូបនោះដែរថា "ឡៃឡុង"។
បន្ទាប់ពីឃើញនាង បានប្រកាសលក់កាបូបម៉ាកល្បីៗរួចមក ក៏មានបណ្តាអ្នកលេងបណ្តាញសង្គម ជាពិសេសគឺនារីៗ បាននាំគ្នាសាកសួរគ្រប់ៗគ្នា ពីតម្លៃផងដែរ ព្រោះថារបស់ម៉ាកល្បី និងតម្លៃថោកសមរម្យ អ្នកណាក៏ចង់បានដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]