ភ្នំពេញៈ ការបញ្ចេញរូបសិចស៊ី ព្រលែងខ្នងសាច់ខ្ចី ជាច្រើនសន្លឹក ធ្វើឲ្យទទួលបានការចាប់អារម្មណ៍ពីទស្សនិកជន និងក្រសែភ្នែកប្រុសមិនតិចនាក់នោះ តារាចម្រៀងស្រី កញ្ញា គង់ ចាន់រដ្ឋា បង្ហើបថា ពេលថតគូដណ្ដឹងនៅក្បែររហូត និងមិនបានហាមឃាត់អ្វីឡើយ ផ្ទុយទៅវិញមានតែជំរុញថែម ដើម្បីប្រជាប្រិយភាព ទៅថ្ងៃអនាគត មិនតែប៉ុណ្ណោះពេលកំពុងថតក៏របូតទាំងអស់ក៏មាន ។
តារាចម្រៀងស្រីប្រចាំផលិតកម្ម 7 Music កញ្ញា គង់ ចាន់រដ្ឋា បានប្រាប់ថា កាលខ្លួនថតសិចស៊ីស្ទើរតែអាក្រាតកាយកាលពីពេលកន្លងទៅ លោក ស៊ិន សុភា ដែលជាគូដណ្ដឹង មិនបានហាមឃាត់អ្វីឡើយ ផ្ទុយទៅវិញមានតែជំរុញថែម ដើម្បីប្រជាប្រិយភាពទៅថ្ងៃអនាគត។ប្រហែល១ខែមុនកញ្ញា គង់ ចាន់រដ្ឋា បានបញ្ចេញរូបសិចស៊ីស្ទើរតែអាក្រាតកាយ របស់ខ្លួនជាច្រើនសន្លឹក ដោយថតឲ្យទស្សនាវដ្ដីក្រៅស្រុកមួយ ប៉ុន្តែតារាស្រីរូបនេះមិន បញ្ចេញឈ្មោះទស្សនាវដ្ដីនោះឡើយ។
តារាស្រីរូបនេះបានប្រាប់ថា ពេលទៅថតគូដណ្ដឹងរបស់នាងនៅក្បែរខ្លួនរហូត ហើយថែមទាំងជួយកាន់ខោអាវឲ្យថែមទៀតផង ហាក់ដូចជារឿងធម្មតាមិនមានកាអៀនខ្មាសអីអ្វីឡើយ។ នាងសារភាពថា ពេលកំពុងថតមានពេលខ្លះក៏របូតទាំងអស់ក៏មាន ប៉ុន្តែរូបទាំងនោះមិនអាចបញ្ចេញបាន ព្រោះខ្លាចប៉ះពាល់។
តារាស្រីរូបនេះឡើងថា ដោយសារតែគូដណ្ដឹងរបស់ខ្លួនជាអ្នកសិល្បៈដូចគ្នា អីចឹងទាក់ទងរឿងសិចស៊ីបែបសិល្បៈ ដូចនេះមិនជាបញ្ហាឡើយ ហើយម្យ៉ាងទស្សនាវដ្ដីដែលថតនាងនោះ គឺសម្រាប់ លក់នៅក្រៅប្រទេសប៉ុណ្ណោះ។
សូមបញ្ជាក់ថា ការបញ្ចេញរូបសិចស៊ីព្រលែងខ្នងសាច់ខ្ចីធ្វើឲ្យបុរសក្ដៅសាច់កញ្ញា គង់ ចាន់រដ្ឋា បានប្រាប់ថា នាងទើបតែថតឲ្យទស្សនាវដ្ដីក្រៅស្រុកមួយ កាលពី កន្លះខែមុន ប៉ុន្តែនាងមិនបានបញ្ជាក់ប្រាប់ថា ទស្សនាវដ្ដីក្រៅស្រុកនោះឈ្មោះអ្វីឡើយ។ តារាស្រីរូបនេះនៅមានការបារម្ភខ្លះទៅនឹងការកោះហៅរបស់ក្រសួងវប្បធម៌ និង វិចិត្រសិល្ប ដែរ។ ប៉ុន្តែនាងគិតថា នេះការថតបែបសិល្បៈ មិនសិចស៊ីជ្រុល ហើយទស្សនាវដ្ដីដែលថតនាងនោះ គឺសម្រាប់លក់នៅក្រៅប្រទេស។
ការថតសិចស៊ីលក្ខណៈបែបនេះមិនមែនជាលើកទី១របស់នាងឡើយ កាលពីពេលកន្លងទៅនាងប្រាប់ថា ធ្លាប់ថតសិចស៊ីស្រដៀងគ្នានេះដែរ ឲ្យភាពយន្តបរទេសមួយ ដែលជាដៃគូ ពាណិជ្ជកម្មជាមួយទស្សនាវដ្ដីខាងលើផងដែរ។ សូមជម្រាបថា តារាចម្រៀងស្រី ប្រចាំផលិតកម្ម 7 Musicគង់ ចាន់រដ្ឋា និង លោក ស៊ិន សុភា បានភ្ជាប់ពាក្យជាមួយគ្នាជិត១ឆ្នាំមកហើយ បែបនេះក្ដីអ្នកទាំង ២មិនទាន់មានគម្រោងរៀបការនៅឡើយទេ។
ញ្ញាបានចំណាយពេលវេលាផលិត និងនិពន្ធបទចម្រៀងOriginal Song លើកដំបូង ហើយមានក្តីរំពឹងខ្ពស់ថា នឹងទទួលបានការចាប់អារម្មណ៍គាំទ្រ ពីមហាជនគ្រប់ស្រទាប់វ័យ និងសូមអំពាវនាវឲ្យមហាជន និងកូនខ្មែរផ្តល់កំលាំងចិត្ត លើកកម្ពស់រាល់បទចម្រៀង Original Song ដែលផលិតដោយស្នាដៃ កូនខ្មែរផង ។
បច្ចុប្បន្នក្រៅពីអាជីពសិល្បៈ ពេលនេះនាងបានបង្កើតគំណិតថ្មី ដោយបានដំណើរការបើកអាជីព បន្ថែមពីលើការងារសិល្បៈ គឺលក់ជ្រក់ជើងមាន់ទឹកភ្នែក តាមអនឡាញ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]