ខេត្តក្រចេះ ៖ បុរសវ័យចំណាស់ម្នាក់ ត្រូវបានសមត្ថកិច្ចចាប់ខ្លួន កាលពីរសៀលថ្ងៃទី៨ ខែមករា ឆ្នាំ២០១៧ ដោយចោទប្រកាន់ថា បានចាប់រំលោភក្មេងស្រីម្នាក់នៅចំណុចវាលម្រះ ស្ថិតក្នុងភូមិគ្រញូងសែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ ។
ប្រភពពីសមត្ថកិច្ច បានឲ្យដឹងថា ជនសង្ស័យដែលត្រូវចាប់ខ្លួនឈ្មោះ សុំ ឡឹម ភេទប្រុស អាយុ៥១ឆ្នាំ រស់នៅភូមិគ្រញូង សែនជ័យខាងជើង ឃុំគ្រញូងសែនជ័យ ស្រុកស្នួល ខេត្តក្រចេះ ចំណែកក្មេងស្រីរងគ្រោះឈ្មោះ ឃ.ដ.រ ទើបតែមានអាយុ១៤ឆ្នាំប៉ុណ្ណោះ ។
ប្រភពបានឲ្យដឹងទៀតថា ក្រោយពេលចាប់ខ្លួន ជនសង្ស័យត្រូវបានបញ្ជូនទៅអធិការដ្ឋាននគរបាលស្រុកស្នួល ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ប្រភព៖ កោះសន្តិភាព
ដោយឡែក ក្រឡេកមកមើលព័ត៌មាន ដែលកំពុងតែចាប់អារម្មណ៍មួយវិញទៀត៖ណាសា រកឃើញថ្មអវកាស២ដុំ កំពុងហោះមកកាន់ភពផែនដី។
អវកាស៖ សារព័ត៌មាន ដេលីម៉ែល បានចុះផ្សាយថា ដុំថ្មនៅក្នុងអវកាសចំនួន២ដុំ កំពុងតែចាប់ផ្តើមមានចលនានៅក្រៅប្រព័ន្ធព្រះអាទិត្យរបស់យើង នឹងអាចមើលឃើញផែនដីជាលើកដំបូង ខណៈដែលវាកំពុងធ្វើដំណើរចូលមករកគន្លងគោចររបស់ភពផែនដី។
ផ្កាយដុះកន្ទុយនេះ នឹងមានចម្ងាយពីភពផែនដីប្រមាណ ១០៦ លានគីឡូម៉ែត្រ នៅពេលដែលវាហោះចូលមកកៀកបំផុត។ ដុំថ្មអវកាសដែលទើបរកឃើញមួយទៀតនាពេលថ្មីៗនេះហៅថា 2016 WF9 ក៏បានបោះពួយចូលមកប្រព័ន្ធព្រះអាទិត្យ របស់យើងផងដែរ ដោយសំដៅមករកគន្លងគោចររបស់ភពព្រហស្បតិ៍ នៅគម្លាតដ៏ឆ្ងាយពីព្រះអាទិត្យ។
ប្រភពព័ត៌មានបានឲ្យដឹងថា នៅថ្ងៃទី២៥ ខែកុម្ភៈ ក្នុងឆ្នាំនេះ វានឹងធ្វើដំណើរចូលមកដល់គន្លងគោចររបស់ផែនដី ដោយឆ្លងកាត់ផែនដីក្នុងរយៈចម្ងាយប្រហែល ៥១លានគីឡូម៉ែត្រ។ ប៉ុន្តែអង្គការណាសា នៅមិនទាន់ដឹងច្បាស់ទេថាតើដុំថ្មអវកាសនេះ ជាអាចម៍ផ្កាយ ឬ ផ្កាយដុះកន្ទុយ។
អ្នកចាត់ការទូទៅរបស់អង្គការណាសា នៃមជ្ឈមណ្ឌលតាមដានវត្ថុដែលនៅជិតផែនដី លោក Paul Chodas បាននិយាយថា ផ្កាយដុះកន្ទុយឈ្មោះ C/2016 U1 NEOWISE នេះនឹងអាចមើលឃើញតាមរយៈកែវយឹតដ៏ល្អមួយ។ ហើយក្នុងសប្តាហ៍នេះ វានឹងអាចត្រូវគេមើលឃើញនៅលើមេឃ ភាគអាគ្នេយ៍នៅមុនពេលព្រឹកព្រលឹម ប៉ុន្តែអង្គការណាសា មិនច្បាស់ថាតើផ្កាយដុះកន្ទុយនេះមានទំហំធំប៉ុណ្ណានោះឡើយ។
ប្រភពព័ត៌មានបន្យថា ផ្កាយដុះកន្ទុយនេះ កំពុងធ្វើដំណើរបោះពួយឆ្ងាយទៅៗ សំដៅទៅភាគខាងត្បូងរៀងរាល់ថ្ងៃ ហើយវានឹងទៅកៀកព្រះអាទិត្យបំផុត ក្នុងគន្លងភពពុធ នៅថ្ងៃទី ១៤ ខែមករា មុនពេលដែលវាហោះចេញក្រៅប្រព័ន្ធព្រះអាទិត្យវិញ ហើយនឹងត្រឡប់មកវិញក្នុងរយៈពេលរាប់ពាន់ឆ្នាំទៀត។
អង្គការណាសា បានឲ្យដឹងថា រីឯដុំថ្មអវកាស 2016 WF9 ដែលហោះចូលមកគន្លងប្រព័ន្ធព្រះអាទិត្យដែរនោះ ត្រូវបានគេដឹងថា វាមិនមានជះឥទ្ធិពល ឬការគំរាមកំហែងណាមួយមួយដល់ភពផែនដី សម្រាប់ពេលអនាគតនោះទេ។ ហើយអ្វីដែលអ្នកវិទ្យាសាស្រ្តបានដឹងពី 2016 WF9 គឺវាពិតជាមានទំហំធំ ដែលមានមុខកាត់អាចពី ០,៥ ដល់១គីឡូម៉ែត្រឯណោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]