ភ្នំពេញ៖ ជនសង្ស័យម្នាក់ លួចកាច់សោកម៉ូតូ ជិះរត់គេច ហើយជ្រុលទៅបុក បុរសម្នាក់កំពុងដើរតាមផ្លូវ ត្រូវបានប្រជាពលរដ្ឋ ស្វាគមន៍មួយដៃមួយជើង ឡើងទ្រមខ្លួន កាលពីម៉ោង ១២៖២៥នាទី ឈានចូលថ្ងៃទី៨ ខែមករាឆ្នាំ២០១៧ នៅផ្ទះលេខ៤៣ ផ្លូវ៣៦៣ ភូមិដើមម៉ាក់ក្លឿ សង្កាត់ច្បារអំពៅ១ ខណ្ឌច្បារអំពៅ ។
នគរបាលបានឲ្យដឹងថា ជនរងគ្រោះឈ្មោះ ហេង នី ភេទប្រុស អាយុ៥០ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះកើតហេតុ ។ ជនសង្ស័យឃាត់ខ្លួន ឈ្មោះគីម ភារិន ភេទប្រុស អាយុ២០ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅផ្ទះលេខ៣០៩ ភូមិជ្រោយបាសាក់ សង្កាត់ ព្រែកប្រា ខណ្ឌច្បារអំពៅ ។
នគរបាលប៉ុស្តិ៍ បាននិយាយថា មុនពេលកើតហេតុ ជនរងគ្រោះបានយក ម៉ូតូម៉ាកហុងដាC125 សេរី2006 ពណ៍ខ្មៅ ពាក់ស្លាកលេខ ភ្នំពេញ ១T2448-លេខតួ- លេខ ម៉ាស៊ីន 8151483 ទុកនៅក្នុងរបងផ្ទះកើតហេតុ ដោយពុំបាន ចាក់សោទ្វាររបងទេ ស្រាប់តែជនសង្ស័យ ចូលមកលួចម៉ូតូ ជនរងគ្រោះជិះចេញ មកដល់ ផ្លូវព្រះមុន្នីវង្ស កែងផ្លូវ៤៦៦ សង្កាត់ទន្លេបាសាក់ ខណ្ឌចំការមន ក៏បុកជាមួយរថយន្ត អ្នកដំណើរ បណ្តាលឲ្យដួល រួចជនសង្ស័យរបួសធ្ងន់ ក៏ត្រូវបានសមត្ថកិច្ច នគបាលខណ្ឌចំការមន នាំទៅព្យាបាល នៅពេទ្យឯកជនហាក់សុង បន្ទាប់មក ជនរងគ្រោះ ក៏បានមករាយការណ៍ សមត្ថកិច្ចន គរបាលខណ្ឌ ច្បារអំពៅ។
បច្ចុប្បន្ន ជនសង្សយ័ត្រូវបានឃាត់ខ្លួន យកមកអធិការដ្ឋាន នគរបាលខណ្ឌច្បារអំពៅ ចាត់ការតាមច្បាប់៕
ប្រភព៖ ដើមអម្ពិល
ដោយឡែកព័ត៌មានមួយករណីផ្សេងទៀត៖ ខឹងណាស់! កុម្មង់ខោអាវហើយមិនយក កាប់១បុ័ងតោ
រាជធានីភ្នំពេញ ៖ បុរសជនជាតិចិនម្នាក់ ខឹងថៅកែរោងចក្ររឿងកុម្មង់ឲ្យធ្វើម៉ូដខោអាវហើយ បែរជាមិនយកតាមការកុម្មង់ និងថែមទាំងព្យាយាមគេចមុខទៀត លុះពេលបានជួបគ្នាក៏បានសួរនាំពីរឿងកុម្ម់ងម៉ូដខោអាវ និងការគេចមុខនោះ បង្កឱ្យមានការទាស់ពាក្យ សម្តីគ្នាតឹងសរសៃក ។
ខណៈនោះ ជនជាតិចិនរូបនេះបានចាប់ក្របួចកអាវថៅកែរោងចក្រនោះបោកផ្ទប់ទៅនឹងដី ព្រមទាំងរត់ទៅយកកាំបិតប៉័ងតោមក កាប់ថែមទៀត ប៉ុន្តែសំណាងល្អដោយជនរងគ្រោះព្យាយាមគេចទើបគ្រាន់តែរងរបួសស្រាលប៉ុណ្ណោះ។
ហេតុការណ៍នេះ បានបង្កឲ្យមានការភ្ញាក់ផ្អើលឡើង កាលពីវេលាម៉ោង៥និង១៥នាទី ល្ងាចថ្ងៃទី៥ ខែមករា នៅក្នុងហាងកាហ្វេ ធានធាន ស្ថិតនៅក្នុងបុរីញូវថោន ក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។ មន្ត្រីនគរបាលឱ្យដឹងថា ជនរងគ្រោះឈ្មោះ ម៉ា វៃម៉ាន់ អាយុ៣០ឆ្នាំ ជាថៅកែរោងចក្រកាត់ដេរមួយ ស្ថិតនៅក្នុងសង្កាត់ចាក់អង្រែ ខណ្ឌមានជ័យ និងស្នាក់នៅក្នុងសង្កាត់អូរឫស្សីទី២ ខណ្ឌ៧មករា ។ចំណែកជនជាតិចិននោះឈ្មោះ ជាំង ជីងលុន ជាអ្នកនាំខោអាវចេញនិងចូលក្នុងរោងចក្រ ។
ប្រភពដដែលបន្តថា ថៅកែរោងចក្រខាងលើ បានកុម្មង់ទិញខោអាវពីជនជាតិចិនរូបនេះ ប៉ុន្តែមិនដឹងថាទិញចំនួនប៉ុន្មានឡើយ ហើយក្រោយពីកុម្មង់រួចបែរជាមិនទិញទៅវិញ ទើបធ្វើឲ្យជនដៃដល់មានកំហឹងនិងមានគំនុំនៅក្នុងចិត្តរហូតមក ។
ប្រភពព័ត៌មានបានឱ្យដឹងទៀតថា ក្រោយពេលមានការប្រទូស្តរ៉ាយគ្នានោះ ខណៈមានការជ្រួលច្របល់ ជនដៃដល់ក៏បានឡើងជិះរថយន្តបក្សពួករបស់ខ្លួនរត់គេចទៅបាត់ស្រមោលតែម្តង ដោយមិនដឹងថាទៅពួនសម្ងំលាក់ខ្លួននៅកន្លែងណាឡើយ ។
ដោយឡែក ជនរងគ្រោះជាថៅកែរោងចក្របានធ្វើដំណើរទៅប៉ុស្ដិ៍នគរបាលចោមចៅ ដាក់ពាក្យបណ្តឹងសុំឲ្យជួយអន្តរាគមន៍តាមចាប់ជនដៃដល់នាំទៅធ្វើការសួរនាំ និងចាត់ការតាមផ្លូវច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]