រាជធានីភ្នំពេញ ៖ ស្រីរូបស្រស់សោភាជាកម្មការិនីរោងចក្រកាត់ដេរម្នាក់បានដោះគ្រឿងអលង្ការមានខ្សែក, ខ្សែដែ, កងដៃ និងចិញ្ចៀន ដាក់ក្នុងថង់ខ្មៅមួយដើម្បីលាបឡេ ក្រោយពេលលាបរួចក៏ចូលដេកនៅក្នុងបន្ទប់ លុះភ្លឺឡើងស្រាប់តែបាត់គ្រឿងអលង្ការអស់គ្មានសល់ ទើបនាងធ្វើដំណើរទៅកាន់ប៉ុស្ដិ៍នគរបាលចោមចៅដាក់ពាក្យបណ្ដឹងសុំឲ្យសមត្ថកិច្ចជួយអន្តរាគមន៍កាលពីវេលាម៉ោង១០ និង៣០នាទីព្រឹក ថ្ងៃទី៧ ខែមករា ឆ្នាំ២០១៧ ។
នារីរូបស្រស់រងគ្រោះឈ្មោះ សោ វណ្ណី អាយុ២៥ឆ្នាំ មុខរបរកម្មការិនីរោងចក្រកាត់ដេរ ស្នាក់ផ្ទះជួលក្នុងភូមិត្រពាំងថ្លឹង សង្កាត់ចោមចៅ មានស្រុកកំណើតនៅភូមិផ្សារ ឃុភ្នំដិន ស្រុកគីរីវង្ស ខេត្តតាកែវ ។ ចំណែកគ្រឿងអលង្ការប្លាទីនដែលបាត់បង់រួមមាន ខ្សែក, ខ្សែដែ, កងដៃ និងចិញ្ចៀន សរុបមានតម្លៃជិត១ពាន់ដុល្លារ ។
នារីរូបស្រស់រូបនោះបានចោទប្រកាន់ទៅលើនារីម្នាក់ទៀតឈ្មោះ ជា អាយុប្រហែល២០ឆ្នាំ ត្រូវជាមិត្តភក្ដិ និងត្រូវជាក្មួយរបស់អ្នកមើលការខុសត្រូវផ្ទះជួលនោះ ថាជាអ្នកលួចគ្រឿងអលង្ការទាំងអស់នោះ ។
នារីរូបស្រស់រូបនោះបានប្រាប់នគរបាលប៉ុស្ដិ៍ចោមចៅឲ្យដឹងថា កាលពីយប់ថ្ងៃទី៦ ខែមករា ឆ្នាំ២០១៧ មុនពេលនាងចូលដេក នាងបានដោះគ្រឿងអលង្ការទុកនៅក្នុងថង់ខ្មៅមួយ ដើម្បីលាបឡេ លុះក្រោយពេលលាបរួចនាងមិនបានពាក់វិញទេ ក៏បានចូលដេក ដែលនៅក្នុងបន្ទប់នោះស្នាក់នៅ៣នាក់ គឺរូបនាង និងមិត្តស្រីម្នាក់ រួមនិងនារីដែលជាជនសង្ស័យម្នាក់ទៀត ។ លុះភ្លឺឡើងបន្ទាប់ពីនាងភ្ញាក់ពីដេក ប្រុងយកគ្រឿងអលង្ការមកពាក់ ស្រាប់តែបាត់អស់គ្មានសល់ ទើបមានការភ្ញាក់ផ្អើលឆោឡោ និងបានធ្វើដំណើរទៅកាន់ប៉ុស្ដិ៍នគរបាលចោមចៅដើម្បីដាក់ពាក្យបណ្ដឹងសុំឲ្យសមត្ថកិច្ចជួយអន្តរាគមន៍ និងហៅនារីសង្ស័យទៅធ្វើការសាកសួរ ៕
ប្រភព៖ កោះសន្តិភាព
ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖ ក្មេងស្រីវ័យ ១២ឆ្នាំ ចងកសម្លាប់ខ្លួន ហើយ Live វីដេអូតាម Facebook ឲ្យគេមើលទៀត
អាមេរិក៖ យោងទៅតាមលោក Tony Brazier ដែលជាអ្នកជំនាញផ្នែកពិនិត្យសាកសពប្រចាំតំបន់ Polk រដ្ឋផ្លរីដា បានឲ្យដឹងថា ក្មេងស្រីឈ្មោះ Katelyn Nichole Davis អាយុ១២ឆ្នាំ ដែលរស់នៅតំបន់ Polk បានបាត់បង់ជីវិតនៅឯមន្ទីរពេទ្យ ក្រោយពីក្រុមជួយសង្គ្រោះ បានប្រទះឃើញនាងធ្វើអត្តឃាតដោយចងកនៅខាងក្រៅផ្ទះ កាលពីវេលាម៉ោង ៦ល្ងាច ថ្ងៃទី ៣០ ធ្នូ ២០១៦ កន្លងទៅនេះ។
លោក Tony Brazier បាននិយាយថា ឥឡូវនេះសាកសពរបស់ក្មេងស្រីរងគ្រោះត្រូវបានបញ្ជូនទៅមន្ទីរពិសោធន៍ និងស៊ើបអង្កេតឧក្រិដ្ឋកម្មប្រចាំនៅតំបន់ Georgia ដើម្បីធ្វើកោសល្យវិច្ច័យ។
ប្រភពព័ត៌មានឲ្យដឹងថា ក្រុមប៉ូលិសនៅក្នុងតំបន់ Polk កំពុងធ្វើការស៊ើបអង្កេតទៅលើភស្តុតាងមួយចំនួន ដែលមានដូចជា ទូរស័ព្ទដៃ គណនី Facebook និងបណ្តាញសង្គមផ្សេងៗទៀតរបស់ Davis ដើម្បីឲ្យកាន់តែច្បាស់អំពីមូលហេតុដែលធ្វើឲ្យមានហេតុការណ៍មួយនេះកើតឡើង។ ប្រភពបន្ថែមទៀតថា ការស៊ើបអង្កេតកំពុងតែដំណើរការ ហើយការពិតនឹងត្រូវបានបង្ហាញក្នុងពេលឆាប់ៗនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
