ខេត្តប៉ៃលិន ៖ រថយន្តក្រឡុកស៊ីម៉ងត៍១គ្រឿងបើកយ៉ាងលឿន ខណៈដល់ផ្លូវកោងបួងចង្កូតមិនទាន់ស្រាប់តែជ្រុលទៅបុករថយន្ត១គ្រឿងទៀតយ៉ាងពេញទំហឹងលាន់ដូចរន្ទះ បង្កឲ្យមានការភ្ញាក់ផ្អើលកាលពីវេលាម៉ោង២ និង៣០នាទី រសៀលថ្ងៃទី០៥ ខែមករា ឆ្នាំ២០១៧ នៅលើបណ្ដោយផ្លូវជាតិលេខ៥៧ ចំណុចមុខសាលាបឋមសិក្សាអូរអិល ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ ។
បើតាមសក្សីនៅកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តក្រឡុកស៊ីម៉ង់ត៍បើកបរដោយបុរសម្នាក់ឈ្មោះ សួន សុផល ភេទប្រុស អាយុ២៦ឆ្នាំ រស់នៅភូមិដូង ឃុំស្ទឹ ងកាច់ ស្រុកសាលាក្រៅ បានបើកបរដោយល្បឿនលឿនក្នុងទិសដៅពីលិចទៅកើត ខណៈទៅដល់ចំណុចផ្លូវកោងក៏បួងចង្កូតមិនទាន់ បណ្តាលឱ្យជ្រុលទៅបុករថយន្ត១គ្រឿងទៀត ម៉ាក ISUZU ដែលកំពុងបើបញ្ច្រាសគ្នាយ៉ាងពេញទំហឹង បណ្ដាលឱ្យបុរសម្នាក់ដែលអង្គុយក្នុងកាប៊ីនរថយន្តរងរបួសធ្ងន់ ដោយបែកមុខ បែកមាត់ និងត្រូវចំភ្នែកឆ្វេង បាក់ដៃឆ្វេង ហើយបានស្លាប់នៅពេលដែលក្រុមគ្រួសារដឹកបញ្ជូនតាមរថយន្ត១គ្រឿងយកទៅសង្គ្រោះនៅមន្ទីរពេទ្យប្រទេសថៃ ។
ប្រភពព័ត៌មានបានឲ្យដឹងថា ជនរងគ្រោះដែលបានស្លាប់ឈ្មោះ អ៊ុក សុខឃឿន ភេទប្រុស អាយុ៣០ឆ្នាំ ជាកម្មករ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ជាអ្នករួមដំណើរក្នុងរថយន្ត ISUZU ពណ៌ត្រាវ ពាក់ស្លាកលេខ ប៉ៃលិន 2A-0648 ដែលបើកបរដោយឈ្មោះ ឆាន ប៉ុនធឿន ភេទប្រុស អាយុ២៣ឆ្នាំ រស់នៅភូមិ-ឃុំជាមួយជនរងគ្រោះ ។
ក្រោយពេលកើតហេតុ រថយន្តទាំង២គ្រឿងត្រូវបានកម្លាំងសមត្ថកិច្ចនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តប៉ៃលិន យកទៅរក្សាទុក ដើម្បីរង់ចាំភាគីទាំងសងខាងចូលខ្លួនមកធ្វើការដោះស្រាយតាមនីតិវិធីច្បាប់ ៕
ប្រភព៖ កោះសន្តិភាព
ព័ត៌មានគួរឲ្យចាប់អារម្មណ៍មួយផ្សេងវិញទៀត៖ សាហាវ ប្លន់ទូរស័ព្ទ iPhone 7 និងចាក់សម្លាប់ស្ដែងៗ កណ្ដាលផ្លូវ
ហេតុការណ៍ដ៏រន្ធត់ក្នុងអំពើប្លន់ទូរស័ព្ទដៃម៉ាក iPhone ដែលបានឆក់យកជីវិតបុរសវ័យក្មេង Wasin Leungjam វ័យ២៦ឆ្នាំ កាលពីថ្ងៃពុធកន្លងទៅនេះ ត្រូវបានឲ្យដឹងថា នាពេលនេះប៉ូលិសបានចាប់ខ្លួនជនដៃដល់ម្នាក់ ក្នុងចំណោម២នាក់នេះបានហើយ។
តាមប្រភពព័ត៌មានពីប្រទេសថៃបានឲ្យដឹងថា ប៉ូលិសបានចាប់ខ្លួនជនដៃដល់ឈ្មោះ Kittikorn Wigaha អាយុ ២៦ឆ្នាំ នៅក្នុងភូមិ Pak Kret នៃទីក្រុង Nonthaburi កាលពីយប់មិញនេះ ដែលជននេះមានស្នាមសាក់នៅលើខ្នង ដែលដូចនឹងស្នាមសាក់ជនដៃដល់នៅក្នុងវីដេអូដែលថតជាប់ ក្នុងហេតុការណ៍នោះ ខណៈដែលស្បែកជើងរបស់ជននេះ ក៏នៅមានស្នាមប្រឡាក់ឈាមនៅឡើយ។
យោងទៅតាមសម្ដីប៉ូលិស បានឲ្យដឹងបន្ថែមថា ជនល្មើស Kittikorn Wigaha បានសារភាពចំពោះបទឧក្រិដ្ឋនេះ ដែលរូបគេបានគម្រាមគំហែងជនរងគ្រោះ នឹងកាំបិត ដោយបង្ខំឲ្យប្រគល់ទូរស័ព្ទដៃម៉ាក iPhone 7។ នៅក្នុងហេតុការណ៍នោះ រូបគេបានយកកាំបិតទៅភ្ជង់នឹងក ជនរងគ្រោះ តែគ្មានចេតនាសម្លាប់នោះទេ ប៉ុន្ដែដោយសារតែជនរងគ្រោះ វាយបកមិនព្រមប្រគល់ ទើបមានរឿងនេះកើតឡើងតែម្ដង។
នៅក្នុងនោះជនល្មើសបានប្រាប់ប៉ូលិសឲ្យដឹងទៀតថា រូបគេនិងបក្សពួក បានបន្ដសកម្មភាពឆក់ផងដែរ នៅក្នុងយប់កើតហេតុនោះ។ ដូចជា ពួកគេបានព្យាយាមលួចកាបូបពីនារីម្នាក់ តែមិនបានសម្រេច មុននឹងសម្លាប់ជនរងគ្រោះ (ករណីប្លន់ទូរស័ព្ទនេះ) ហើយក្រោយពីប្លន់នេះ ពួកគេបានទៅប្លន់ ជនរងគ្រោះ២នាក់ផ្សេងទៀត ដោយបានទូរស័ព្ទដៃម៉ាក iPhone 5 និងប្រាក់ ៥ ០០០ បាត ប្រហែលជាជាងមួយរយដុល្លារ។
ជនល្មើសបន្ដថា រូបគេជាអ្នកលក់ផ្លែឈើ និងបានសម្រេចចិត្ដប្រព្រឹត្ដិរឿងឧក្រិដ្ឋកម្មនេះ ដោយសារតែរូបគេគ្មានប្រាក់គ្រប់គ្រាន់ ពីការលក់ផ្លែឈើ ទៅសងបំណុលគេ។
គួរបញ្ជាក់ថា ជនល្មើសនេះធ្លាប់ជាប់គុក ៨ដងមកហើយតាំងពីអាយុ ១៣ឆ្នាំ និងទើបតែដោះលែង កាលពីថ្ងៃទី១៣ ធ្នូ មុននេះ នេះបើតាមសម្ដីប៉ូលិសបានលើកឡើង។
សូមទស្សនាវីដេអូ ដែលបង្ហាញពីសកម្មភាពជនដៃដល់នេះ ប្លន់ទូរស័ព្ទដៃម៉ាក iPhone 7 និងចាក់សម្លាប់បុរសរងគ្រោះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
