ខេត្តកណ្តាល ៖ បុរសម្នាក់ក្រោយពីទៅរកគ្រូទស្សន៍ទាយប្រាប់ថា មានគ្រោះថ្នាក់ជាប់គុកច្រវាក់ដោយសារស្រីញី តែមិនជឿគ្រូបានទៅលួចបេះដូងប្រពន្ធគេ បើទោះបីជាមានម្ចាស់ និងមានកូនមួយទៅហើយក៏ដោយ ទីបំផុតត្រូវជាប់គុកដូចគ្រូទស្សន៍ទាយមែន គឺត្រូវស្ត្រីម្នាក់ប្តឹងចោទប្រកាន់ថា បានចាប់រំលោភនាងរហូតបានសម្រេច ខណៈនាងកំពុងសម្រាន្តជាមួយកូនតូចនៅលើគ្រែក្រោមផ្ទះ នៅពេលប្តីនាងទៅមើលគេរាំធុងបាស ។
ហេតុការណ៍នេះកើតឡើងកាលពីម៉ោង១០យប់ថ្ងៃទី២៧ កុម្ភៈ នៅភូមិទ្រាំងក្រោម ឃុំតាឯក ស្រុកខ្សាច់កណ្តាល ខេត្តកណ្តាល ។ ជនសង្ស័យដែលមិនជឿគ្រូទាយ ហើយលួចបេះដូងអ្នកមានម្ចាស់ឈ្មោះយ៉ាន់ ផាតយុទ្ធ ភេទប្រុស អាយុ២៤ឆ្នាំ ជាកម្មករសំណង់ មានទីលំនៅភូមិ-ឃុំកើតហេតុខាងលើ ត្រូវបានប៉ូលិសស្រុកខ្សាច់កណ្តាលចាប់ខ្លួនកាលពីម៉ោង៩ព្រឹកថ្ងៃទី២៨ កុម្ភៈ និងកសាងសំណុំរឿងបញ្ជូនទៅស្នងការដ្ឋាននគរបាលខេត្តកណ្តាល កាលពីថ្ងៃទី២៩ កុម្ភៈ ។ ចំណែកស្ត្រីរងគ្រោះអាយុ២៤ឆ្នាំ មានប្តីនិងកូនម្នាក់ ស្នាក់នៅផ្ទះជាមួយម្តាយក្មេក ។
បើតាមពាក្យបណ្តឹងរបស់ស្ត្រីរងគ្រោះឱ្យដឹងថា នៅយប់ថ្ងៃកើតហេតុស្ត្រីរងគ្រោះបានរៀបចំចងមុងនៅលើគ្រែខាងក្រោមផ្ទះជាមួយកូន ខណៈប្តីរបស់នាងទៅមើលគេរាំធុងបាសក្នុងពិធីមង្គលការមួយនៅក្នុងភូមិ ឯម្តាយក្មេកសម្រាន្តនៅលើផ្ទះ ។ លុះនៅវេលាម៉ោង១០យប់នាងកំពុងដេកលក់ ស្រាប់តែឈ្មោះយ៉ាន់ ផាតយុទ្ធ បានលបមកបើកមុងចូលរួចគំរាមមិនឱ្យស្រែក និងខ្ទប់មាត់នាង ហើយធ្វើសកម្មភាពរំលោភរហូតបានសម្រេចរួចគេចខ្លួនបាត់ទៅ ៕
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]