ភ្នំពេញ៖ តារាចម្រៀងស្រីស្រស់ស្អាត មានប្រជាប្រិយភាពខ្លាំង កញ្ញា ទេព បូព្រឹក្ស បានបង្ហាញរូបថតមួយសន្លឹក ដែលតុបតែងខ្លួនជាទេពអប្សរដ៏ស្រស់ស្អាត នៅលើទឹកដីប្រាសាទបុរាណ ក្នុងឈុតសម្លៀកបំពាក់បុរាណខ្មែរ ក៏ទទួលបានពាក្យ សរសើរជាច្រើន ពីអ្នកគាំទ្រ និងអ្នកសិល្បៈ។
បន្ទាប់ពីបង្ហាញរូបថតមួយសន្លឹក ដែលតុបតែងខ្លួនជាទេពអប្សរដ៏ស្រស់ស្អាត នៅលើទឹកដីប្រាសាទបុរាណជាក់ស្តែង ត្រូវគេនិយាយពាក្យសរសើមួយម៉ាត់ទៅលើរូបថត នោះថាទេពធិតា ក្ងោកសួគ៌ ។ ពាក្យសរសើរមួយម៉ាត់នេះធ្វើឲ្យកញ្ញា រំភើប និងសប្បាយចិត្តពេលដែលបានឃើញ ។ សម្រាប់មហាជនវិញ ក៏បាននិយាយសរសើរ កញ្ញា ទេព បូព្រឹក្ស ដែរទៅលើការតុបតែងខ្លួន បែបបុរាណ ជានារីខ្មែរយ៉ាងស្រស់ស្អាត ដែលធ្លាប់តែឃើញកញ្ញា តុបតែងខ្លួនបែបយុវវ័យ សិចស៊ី និងបែបស៊ីវិល័យសម័យថ្មី។
តារាចម្រៀងវ័យក្មេង ទេព បូព្រឹក្ស បានទទួលស្គាល់ថាខ្លួនចម្លងស្ទីលស្លៀកពាក់និងស្ទីលតុបតែងខ្លួន មួយចំនួនទៀតរបស់អតីតមេក្រុមចម្រៀង 2NE1 គឺ CL ព្រោះ CL គឺជាតារាក្នុងដួងចិត្តរបស់នាង។ ម្ចាស់បទ "Bad Wonder Women” បន្តទៀតថា អ្វីដែលនាងចូលចិត្តធ្វើតាមម្ចាស់បទ "Baddest Female” គឺការប្ដូរពណ៌សក់ ហើយចំណុចទាំងអស់នេះអ្នកគាំទ្ររបស់នាងសុទ្ធតែយល់ពីនាងដូចគ្នា។
ថ្មីៗនេះផលិតកម្ម ហង្សមាស ទើបតែបញ្ចេញ Teaser MV "HOT PINK" ថ្មី របស់ ទេព បូព្រឹក្ស ដោយភ្លាមៗនោះ មានមតិវិជ្ជមាន និងអវិជ្ជមាន ជាច្រើនទាក់ទងវីដេអូចម្រៀងនេះ ដោយខ្លះលើកឡើងថាចម្លង Fergie។
ភ្លាមៗនោះ ទេព បូព្រឹក្ស បានឆ្លើយតបទៅអ្នកគាំទ្រ ក៏ដូចជាអ្នករិះគន់ថា នាងទទួលយកការរិះគន់ទាំងអស់ ព្រោះនាងដឹងថានៅពេលដែលអ្នកគាំទ្ររិះគន់ មានន័យថាគេតាមដានសកម្មភាពការងារថ្មីៗរបស់នាង។ ចំណែកឯថា MV ថ្មីរបស់នាងចម្លង Fergie គឺជាការយល់ឃើញរបស់ពួកគេ ព្រោះនាងគ្មានសិទ្ធិហាមនោះទេ តែអ្វីដែលនាងដឹងច្បាស់នោះ គឺសហការជាមួយអ្នកដឹកនាំខិតខំផលិតបទចម្រៀង និង MV ល្អៗបន្ថែមទៀត។
ទោះជាយ៉ាងណា ក៏មានអ្នកគាំទ្រភាគច្រើន បានលើកទឹកចិត្តទៅកាន់ កញ្ញា ទេព បូព្រឹក្ស យ៉ាងខ្លាំង ព្រោះថារូបនាង កំពុងតែលើកកម្ពស់សិល្បៈខ្មែរ ដើម្បីឲ្យមានបទ Original កាន់តែច្រើន ហើយបទចម្រៀង Original នេះទៀតសោតដែរ ក៏មិនមែនងាយនឹងផលិតបាននោះដែរ ។ សម្រាប់ចុងឆ្នាំ ២០១៦កន្លងទៅ កញ្ញាមានសន្ទុះនៃការគាំទ្រច្រើនគួរកត់សម្គាល់ ហើយបានចេញបទចម្រៀងថ្មីៗ រួមផ្សំនឹងស្ទីលប្លែកៗអារម្មណ៍ ដើម្បីបម្រើទៅដល់ទស្សនិកជន អ្នកគាំទ្រ ៕
ប្រភព៖ Looking Today
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]