អ្នកនាងចន ច័ន្ទលក្ខិណា មិនសុំអ្វីក្នុងឆ្នាំថ្មី ក្រៅពីស្រកទំងន់

ភ្នំពេញ៖ បិទភ្នែកបើកភ្នែក មួយពព្រិចភ្នែកសោះដាច់ឆ្នាំចាស់ឆ្លងចូលឆ្នាំថ្មី ២០១៧ទៀតទៅហើយ កើនអាយុមួយឆ្នាំទៀតហើយ អ្នកណាខ្លះមិនទាន់បានសំរេចបំណងប្រាថ្នារបស់ខ្លួនក្នុងឆ្នាំចាស់? ហើយមានបំណងប្រាថ្នាអ្វីខ្លះសំរាប់ឆ្នាំថ្មីនេះ?

គ្រប់ៗគ្នាសុទ្ធសឹងតែមានបំណងប្រាថ្នាសំរាប់ឆ្នាំថ្មី ឆ្នាំសកល ២០១៧នេះ រីឯសិល្បៈករ សិល្បៈការិនីខ្មែរក៏មានបំណងប្រាថ្នារបស់ពួកគាត់ដែរ។ តួយ៉ាងដូចជាអ្នកនាង ចន ច័ន្ទលក្ខិណា ដែលជាតារារៀមច្បងមួយរូប និងជាអ្នកដឹកនាំក្រុម Khmer Super Model ផងនោះក៏មានបំណងប្រាថ្នាមួយ សំរាប់ឆ្នាំថ្មីនេះដែរ។ ដោយនៅក្នុងនោះអ្នកនាងចន ច័ន្ទលក្ខិណា បានបង្ហោះសារជាមួយនឹងរូបនារីធាត់ម្នាក់ ដែលក្នុងរូបនោះមានសរសេរថា«ពេលណាអូនស្គមដូចគេ» ក៏ឃើញអ្នកនាងចន ច័ន្ទលក្ខិណា បាននិយាយពីបំណងប្រាថ្នារបស់អ្នកនាងដែរថា ក្នុងឆ្នាំថ្មីនេះសូមអោយអ្នកនាងមានទំងន់ត្រឹម ៤៥គីឡូក្រាម «ឆ្នាំថ្មីនេះសូមអោយខ្ញុំស្គមត្រឹម ៤៥KG»។ 

ចុះប្រិយមិត្តទាំងអស់គ្នាវិញមានបំណងប្រាថ្នាអ្វីដែរ សំរាប់ឆ្នាំថ្មី២០១៧នេះ?

កំណត់ហេតុខ្មែរឡូត៖

គួររំលឹកផងដែរថាថ្មីៗនេះ បើទោះបីជាអ្នកនាងចន ច័ន្ទលក្ខិណា ដែលជាម្តាយ និងកំពុងតែរវល់មមាញឹកនឹងការរកស៊ី ក៏ដូចជាការងារមនុស្សធម៌ផងនោះ ក៏មិនភ្លេចពីថ្ងៃកំណើតរបស់កូនស្រីដែរ ដោយអ្នកនាងបានសរសេរសារមួយនៅលើបណ្តាញសង្គមថា ពេលនេះកូនស្រីរបស់គាត់មានអាយុដប់ឆ្នាំហើយ គិតចាប់ពីថ្ងៃកំណើតទី២៧ ខែធ្នូ ឆ្នាំ២០០៦ មកទល់នឹងថ្ងៃទី២៧ ខែធ្នូ ឆ្នាំ២០១៦។ លើសពីនេះទៅទៀតអ្នកនាងចន ច័ន្ទលក្ខិណា ក៏បានរៀបចំកម្មវិធីជប់លៀងមួយអោយជូលីនៅភោជនីយដ្ឋានមួយកន្លែង ដែលមានការចូលរួមពីមិត្តភក្តិ សិល្បៈករ សិល្បៈការិនីមួយចំនួនផងដែរ៕

• ចនច័ន្ទ លក្ខិណា