រាជធានីភ្នំពេញ ៖ យុវជនម្នាក់ដែលគេស្គាល់ថា ជាសិស្សរៀននៅវិទ្យាល័យច្បារអំពៅបានមកលោតទឹកសម្លាប់ ខ្លួននៅលើស្ពានព្រះមុនីវង្សថ្មី កាលពីវេលាម៉ោង៦និង៣០នាទីល្ងាចថ្ងៃទី២៨ កុម្ភៈ ២០១២ ស្ថិតក្នុងសង្កាត់ច្បារអំពៅទី១ ខណ្ឌមានជ័យ ដោយសារតែផឹកទឹកត្នោតជូរស្រវឹងខ្លាំងទាស់សម្តីជាមួយមិត្តភក្តិ ។
យោងតាមប្រភពព័ត៌មានពីប៉ូលិសយាមនៅ គល់ស្ពានព្រះមុនីវង្សថ្មីបានឲ្យដឹងថា យុវជនដែលមកលោតទឹកធ្វើអត្តឃាតនេះមានឈ្មោះវ៉ាន់ មីក្រាម ហៅអាពេជ្រ អាយុ១៩ឆ្នាំ ស្នាក់នៅសង្កាត់ព្រែកប្រា ខណ្ឌមានជ័យ ជាសិស្សរៀននៅវិទ្យាល័យច្បារអំពៅ។ យុវជនរងគ្រោះបានឲ្យដឹងថា មុនពេលកើតហេតុខ្លួនបានផឹកទឹកត្នោតជូរស្រវឹង ហើយបានបបួលមិត្តភក្តិផឹកបន្ថែមទៀត តែមិត្តភក្តិបដិសេធ ក៏បានជិះម៉ូតូទៅទិញទឹកត្នោតជូរថែមទៀត ខណៈជិះមកដល់លើស្ពានព្រះមុនីវង្សថ្មីក៏ឡើងលើបង្កាន់ដៃលោតចុះ ទៅក្នុងទឹកទន្លេតែម្តងទៅ។
ទោះបីយ៉ាងណាពេលយុវជនលោតទឹកនោះបានអ្នក ចាំជិះទូកនៅពីក្រោមជួយស្រង់ទាន់ពេលវេលា ទើបរួចផុតពីគ្រោះថ្នាក់ដល់អាយុជីវិត៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
