តារា & កម្សាន្ដ

ពេជ្រ សោភា ​​ច្រាន​ចោល​​ដំណឹង​ស្នេហ៍​ ជា​មួយ​​តា​រា​​ប្រុស ឆឹម សក្កដា​ ​ខណៈ​​​មហា​ជន​នៅ​តែ​សង្ស័យ

ពុធ ២៨ ធ្នូ, ២០១៦ ១៣:២៧

(ភ្នំពេញ)៖ បន្ទាប់ពីមានការបែបធ្លាយ រហូតមានការចុះផ្សាយយ៉ាងព្រោងព្រាត ពីសំណាក់បណ្តាសារព័ត៌មាន​ក្នុងស្រុក​មួយចំនួន ដែលបានដាក់ការសង្ស័យ លើសម្ព័ន្ធភាពស្នេហា រវាងតារាចម្រៀងស្រីរបស់ផលិតកម្មហង្សមាស អ្នកនាង ពេជ្រ សោភា ជាមួយ​តារាសម្តែងប្រុសខ្ពស់ស្រឡះរូបសង្ហា លោក ឆឹម សក្កដា ថា បានលួចលាក់ស្នេហាជាមួយគ្នាមក ភ្លាមៗនេះដែរ តារាស្រីអ្នកនាង ពេជ្រ សោភា បានចេញមុខច្រានចោល ចំពោះដំណឹងនេះថា គ្រាន់តែជាការយល់ច្រឡំប៉ុណ្ណោះ។

ផ្អែកតាមការចុះផ្សាយ របស់បណ្តាសាព័ត៌មានក្នុងស្រុកមួយចំនួន បានលើកឡើងភ្ជាប់ជាមួយរូបភាព នៃការស្និទ្ធស្នាលគ្នា រវាងអ្នកនាង ពេជ្រ សោភា និងលោក ឆឹម សក្កដា ដោយបានបញ្ជាក់ថា ពេជ្រ សោភា និងតារាប្រុសលោក ឆឹម សក្កដា អំឡុងមួយរយៈពេលចុងក្រោយនេះ ហាក់មានភាពស្និទ្ធស្នាលផ្អែមល្ហែម ជាមួយគ្នាខ្លាំងណាស់។ តាមរយៈរូបភាពនេះ ពួកគេទាំងពីរអាចនឹងកំពុងតែ លេងល្បែងស្នេហ៍លាក់មុខ ជាមួយគ្នាទៀតផង។

ជាមួយគ្នានេះ បើតាមការកត់សម្គាល់ នៅលើបណ្តាញសង្គមហ្វេសប៊ុក របស់តារាស្រី-ប្រុសមួយគូនេះថ្មីៗកន្លងមកនេះ គេតែង​ប្រទះឃើញ​សារឆ្លើយឆ្លងគ្នា ជាបន្តបន្ទាប់ ខណៈថ្មីៗនេះ លោក ឆឹម សក្កដា ក៏បានបង្ហោះ ភ្ជាប់ជាមួយរូបភាពមួយសន្លឹក ដោយលើកឡើងថា «ទោះជាត្រូវចាំចម្លើយយូរបន្តិច តែក៏មិនអីដែរ គេមើលខ្ញុំសិនក៏បាន មិនអីទេ ពេលខ្លះរឿងពីមុនរបស់គាត់ អាចធ្វើឲ្យគាត់ខ្លាច ខ្ញុំយល់​អារម្មណ៍​របស់គាត់ ធ្លាប់ឈឺចាប់ដូចគ្នា ទើបដឹង !»។ ប៉ុន្តែភ្លាមៗនោះដែរ ស្រាប់តែអ្នកនាង ពេជ្រ សោភា បាន Share នឹងបានសរសេរ នៅលើរូបភាពនោះថា «ធ្លាប់ឈឺចាប់ដូចគ្នា ទើបដឹងថា វាឈឺប៉ុណ្ណា អរគុណណាស់ ដែលតែងធ្វើឲ្យខ្ញុំសើចរហូត នៅពេលដែល​ខ្ញុំកំពុងឈឺចាប់ !»

យ៉ាងណាមិញ ស្របពេលដែលមហាជនជាច្រើន កំពុងដាក់ការសង្ស័យថា អ្នកនាង ពេជ្រ សោភា និងលោក ឆឹម សក្កដា អាចមាន​ទំនាក់​ទំនង​ស្នេហា ជាមួយគ្នា ទើបបានជាមានសារឆ្លើយឆ្លងផ្តោះផ្តងបែបនេះ ស្រាប់តែសាមីខ្លួន អ្នកនាង ពេជ្រ សោភា បានចេញមុខបដិសេធ ដោយបញ្ជាក់​ដោយខ្លីថា «ពួកយើងរាប់អានគ្នាត្រឹមតែជាមិត្តភក្តិប៉ុណ្ណោះ» ខណៈមានទស្សនិកជនជាច្រើន នៅតែសង្ស័យចំពោះរឿងនេះ នៅឡើយ៕

ប្រភព ៖ Khmertalking

កំណត់ហេតុខ្មែរឡូត៖

គួររំលឹកព័ត៌មានពាក់ព័ន្ធ កាលពីលើកមុនផងដែរថា មួយរយៈពេលខ្លីចុងក្រោយនេះ យើងសង្កេតឃើញមានបណ្តាញសារព័ត៌មាននៅក្នុងស្រុកជាច្រើន បានចុះផ្សាយព្រោងព្រាតលឿនដូចផ្លេកបន្ទោរ អំពីរឿងរ៉ាវតារាចម្រៀង ពេជ្រ សោភា និងតារាសម្តែងប្រុសវ័យក្មេង លោក ឆឹម សក្កដា យ៉ាងរសើបថា ពន្លកស្នេហាកំពុងតែរីកដុះដាលឡើងៗហើយ ក្នុងទំនាក់ទំនងរបស់អ្នកទាំងពីរ។

ប៉ុន្តែស្របពេលជាមួយគ្នានេះដែរ អ្នកនាង ពេជ្រ សោភា តារាចម្រៀងស្រីជើងចាស់ និងល្បីឈ្មោះនៅក្នុងផលិតកម្មរស្មីហង្សមាស បានបង្ហើរពាក្យមួយឃ្លាថា «ពួកយើងជាមិត្តភក្តិ» ពេលឃើញសារព័ត៌មានក្នុងស្រុកមួយបានចុះផ្សាយ ដោយដាក់ក្រោមចំណងជើងថា «ពេជ្រ សោភា បែកធ្លាយចំណងស្នេហាជាមួយ ឆឹម សក្កដា»។

ទោះជាយ៉ាងនេះក្តី បច្ចុប្បន្នគេក៏តែងតែសង្កេតឃើញនាង និងតារាប្រុសដែលទើបឈានចូលវិស័យសិល្បៈថ្មីៗ កំពុងតែមានប្រជាប្រិយភាពក្នុងពិភពសិល្បៈរូបនេះ មានភាពផ្អែមល្ហែមជាមួយគ្នាណាស់ ទំនងដូចជាលើសពីពាក្យថា មិត្តភាព។ ជាក់ស្តែងកាលពីកំឡុងថ្ងៃបុណ្យណូអែលកន្លងទៅ លោកសក្កដាបាន Surprise កាដូជាតុក្កតាពណ៌ស្វាយយ៉ាងស្រស់ស្អាតដ៏ធំមួយឱ្យអ្នកនាងពេជ្រ សោភា និងមានកាដូជានាឡិកាគូស្នេហ៍ថែមទៀតផង។

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

គួរឲ្យសរសើរមែន! តារាចម្រៀងស្រី ស៊ឹម ថៃណាត្រូវគេជិះបុក ប៉ុន្តែមិនទារសំណង
តារាទាំង៣ដួងនេះ ត្រូវចោរក្នុងក្រុមលួចលុយអស់ នៅអូស្រ្តាលី!
ឌីជេ ខេក ចេញ MVថ្មីរ៉េប​ជា​មួយ​ បារាំង និង​អាមេរិក​​លើក​កម្ពស់​វប្បធម៌​ខ្មែរ
ដួង​ ម៉ានិច ក្នុងឈុតងូតទឹកពាង ក្នុងផ្ទះខ្ទមស្រុកស្រែ បញ្ចេញសាច់ខ្ចី ត្រូវបានទស្សនិកជន កោតសរសើរ

មតិ

ពេជ្រ សោភា

SPONSORED CONTENTS

UPCOMING EVENT

មានវាគ្មិនជាច្រើនរូប ដែលបានបង្កើតក្រុមហ៊ុន បច្ចេកវិទ្យាល្បីៗនៅកម្ពុជាដែលទទួលបានការវិនិយោគទុនពីបរទេស នឹងមកធ្វើការចែករំលែកចំណេះដឹង គំនិតច្នៃប្រឌិត បទពិសោធន៍ និងគន្លឹះល្អៗ ដើម្បីជួយដល់ការពង្រីកក្រុមហ៊ុនរបស់អ្នក និងជាពិសេសនោះ វិធីសាស្ត្រក្នុងការស្វែងរកអ្នកវិនិយោគទុករាប់ម៉ឺនដុល្លារពីបរទេសទៀតផង។

Date:
23rd February 2017    |    5:00pm - 9:30pm

Venue
Raintree Cambodia, GF-02 Raintree, #299 ផ្លូវព្រះអង្គឌួង (St. 110), សង្កាត់វត្តភ្នំ, ខណ្ឌដូនពេញ, រាជធានីភ្នំពេញ

Learn More