ភ្នំពេញៈ បន្ទាប់ពីសមាគមទូរទស្សន៍កម្ពុជា បានជូនដំណឹងទៅគ្រប់ស្ថានីយទូរទ្សន៍ មិនអោយកញ្ញា ដេនី ក្វាន់ មានមុខក្នុងកម្មវិធីផ្សាយ ក្នុងរយៈពេល៣ទៅ៥ឆ្នាំ តារាសម្តែងស្រីនិយមលេងខ្លួនស៊ិចស៊ី បញ្ចេញសាច់មិនសំចៃ បានឆ្ងល់ថា តារាសម្តែងសិចស៊ីនៅស្រុកខ្មែរ ដូចជាមិនមែនមាន តែនាងម្នាក់នោះទេ ហេតុអ្វីបានជាបិទតែមួយចឹង?
ក្រោយពីមានការចេញបម្រាម ពីសមាគមទូរទស្សន៍កម្ពុជា កញ្ញា ដេននី ក្វាន់ បានឲ្យ Looking Today ដឹងថា "បើគាត់យល់ថា ជារឿងត្រឹមត្រូវ បិតខ្ញុំចុះ តែឆ្ងល់ថា តារាសម្តែងសិចស៊ីនៅស្រុកខ្មែរ ដូចជាមិនមែនមានតែនាងខ្ញុំ ម្នាក់នោះទេ ហេតុអ្វីបានជាបិទតែមួយចឹង? ហើយក៏គ្មានការសំណូមពរ ឲ្យបិទតារាផ្សេងៗដែរ ព្រោះជាសិទ្ធិរបស់គេ និងជាការស្រឡាញ់របស់គេ ខ្ញុំអត់ពាក់ព័ន្ធនឹងអ្នកសិចស៊ី ផ្សេងទៀត"។
តារាស្រីស៊ិចស៊ីបញ្ចេញសាច់មិនសំចៃភ្នែកប្រុស បានបន្ថែមថា "បើគិតថាបិទខ្ញុំ តែម្នាក់ក៏បិទទៅ ខ្ញុំមិនដែលគិតថា យកសិល្បៈជាខែលផង សិល្បៈគ្រាន់តែជាចំណែកមួយរបស់ខ្ញុំ ដែលស្រឡាញ់ចូលចិត្ត ចឹងមានតែងាកមកពង្រឹកការងារ មុខជំនួញខ្ញុំវិញ ព្រោះកំពុងតែដំណើរការទៅមុខ យ៉ាងរលូន"។
គួររំលឹកថា កាលពីថ្ងៃទី២១ ខែធ្នូ ឆ្នាំ២០១៦ សមាគមទូរទស្សន៍កម្ពុជា បានដាក់ចេញបម្រាម តាមស្ថានីយទូរទស្សន៍ លែងទទួល កញ្ញា ដេននី ក្វាន់ឡើងឆាក។
លោកម៉ៅ អាយុទ្ធ ប្រធានសមាគមទូរទស្សន៍កម្ពុជា បានក្រើនរំឭកនៅក្នុងអង្គប្រជុំ ដល់បណ្តាស្ថានីយទូរទស្សន៍ទាំងអស់ ពិនិត្យមើលឱ្យបានត្រឹមត្រូវ ចំពោះសិល្បករ សិល្បការិនី ម្នាក់ៗ ដែលមុននឹងឡើងច្រៀង ថាតើមានភាពសិចស៊ីដែរ ឬទេ។
ជាក់ស្តែងករណីថ្មីកន្លងមក របស់ នាងដេនី ក្វាន់ មានផលប៉ះពាល់ក្នុងសង្គមជាតិ និងប្រពៃណីខ្មែរទាំងមូល។ ដូច្នេះហើយលោក ម៉ៅ អាយុទ្ធ ស្នើឱ្យគ្រប់ស្ថានីយទូរទស្សន៍ទាំងអស់ ឈប់ទទួលយក ដេនី ក្វាន់ ចូលរួមកម្មវិធីរបស់ខ្លួន។ បម្រាមចំពោះដេនី ក្វាន់ ត្រូវបានផ្សព្វផ្សាយ ទៅដល់គ្រប់បណ្តាទូរទស្សន៍នានា។ សមាគមទូរទស្សន៍កម្ពុជាចេញបម្រាម បន្ទាប់ពីនាងដេនី ក្វាន់ មានអំនួតបង្ហាញរាងកាយសិចស៊ី ស្ទើរអាក្រាតរបស់ខ្លួន ម្តងហើយម្តងទៀត។
តាមរយៈភាពសិចស៊ីមួយដែលមានប្រតិកម្មខ្លាំងពីមហាជន នាពេលកន្លងមក នាងដេនី ក្វាន់ ត្រូវក្រសួងវប្បធម៌ និងវិចិត្រសិល្បៈ កោះហៅទៅអប់រំណែនាំ។ ចំពោះការបង្ហាញរូបបែបនេះបើតាមព័ត៌មាន ពីមន្ត្រីមួយរូប នៃក្រសួងវប្បធម៌ ដេនី ក្វាន់ ធ្លាប់ទទួលការព្រមានម្ដង រួចមកហើយ កាលពីពាក់កណ្ដាលឆ្នាំ២០១៦ បន្ទាប់ពីនាងបានបញ្ចេញរូបភាពសិល្បៈសិចស៊ី បន្តបន្ទាប់។
តពីនោះមក គេឃើញនាង ស្ងប់ស្ងាត់សកម្មភាពសិចស៊ីរបស់នាង ដោយងាកទៅធ្វើការងារ សប្បុរសធម៌មួយចំនួនវិញ។ តែការបំពានចុងក្រោយនេះ ក្រសួងបានជូនដំណឹង ទៅគ្រប់ស្ថានីយទូរទ្សន៍ មិនអោយកញ្ញា ដេនី ក្វាន់ មានវត្តមានក្នុងកម្មវិធីផ្សាយ លើកញ្ចក់ទូរទស្សន៍ក្នុងរយៈពេល៣ទៅ៥ឆ្នាំ។
សូមជម្រាបថា កញ្ញា ដេននីក្វាន់ តារាសម្តែងស្រី និយមលេងខ្លួនស៊ិចស៊ី និងធ្លាប់បានក្រសួងវប្បធម៌ ហៅទៅណែនាំរួចមកហើយនោះ បានបង្ហាញរូបរាងកាយស៊ិចស៊ី ធ្វើឲ្យបុរសៗ លេបទឹកមាត់មិនស្ទើរ ហើយពោលថា «កុំស្រលាញ់រូបរាងកាយរបស់ខ្ញុំ ព្រោះវានឹងស្វិតជ្រីវជ្រួញ នៅថ្ងៃណាមួយមិនខាន មានតែចិត្តរបស់ខ្ញុំទេ ដែលស្ថិតនៅជាមួយខ្ញុំ ជារៀងរហូត!»។
គ្រាន់តែឃើញភ្លាម មានមិត្តជាច្រើននាក់ មានការពេញចិត្ត ពេញថ្លើម យ៉ាងខ្លាំង ចំពោះបង្ហាញរបស់នាង។ ដោយឡែកភាគច្រើនប្រិយមិត្ត ធ្លាប់តែគិតថា តារាស្រី កញ្ញា ដេននី ក្វាន់ ស៊ិចស៊ីខ្លាំង លើការបញ្ចេញសាច់ដើមទ្រូងរបស់នាង ប៉ុន្តែងាកមកមើល បងស្រីបង្កើតរបស់នាងវិញម្តង លេងខ្លួនស៊ីអារម្មណ៍ ជាងនាងទៅទៀត។
កាលពីយប់មិញនេះដែរ បងស្រីកញ្ញា ដេននីក្វាន់ ឈ្មោះ ចោម ច័ន្ទ បានបង្ហាញរូបថត ស្រើបស្រាលជាច្រើនសន្លឹក នៅលើគ្រែគេង ជាមួយនឹង ក្បាច់សំយ៉េះឡេវអាវ ស្ទើរតែឃើញចំណុចសំខាន់ អស់ទៅហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]