រាជធានីភ្នំពេញ ៖ រ៉ឺម៉កម៉ូតូបើកបុកពីក្រោយរថយន្ដហ្ស៊ីបមួយគ្រឿង ចតនៅចិញ្ចើមផ្លូវបណ្តាលឱ្យក្រឡាប់ផ្ងារជើងទ្រមេឃនៅតាមបណ្តោយ វិថីព្រះសីហនុកែងផ្លូវ១២៥ ក្នុងសង្កាត់បឹងកេងកងទី២ ខណ្ឌចំការមន កាលពីវេលាម៉ោង៩និង៣០នាទីយប់ថ្ងៃទី២៨ កុម្ភៈ ។
សាក្សីឃើញហេតុការណ៍បានឱ្យដឹងថា មុនពេលកើតហេតុរថយន្ដហ្ស៊ីប ពណ៌ទឹកសមុទ្រ ចតនៅចិញ្ចើមផ្លូវព្រះសីហនុ ក្បែរផ្លូវកែង១២៥ ចំណែករ៉ឺម៉កម៉ូតូបើកតាមវិថីព្រះសីហនុ ពីលិចទៅកើត ខណៈមកដល់ចំណុចកើតហេតុមិនដឹងជាយ៉ាងម៉េច ស្រាប់តែបើកទៅបុករថយន្ដហ្ស៊ីបពីក្រោយចំហៀងខាងឆ្វេងបណ្តាលឱ្យ បែកស្ដុបខាងក្រោយ និងរយះគម្របលើកង់រថយន្ដ។ រីឯរ៉ឺម៉កម៉ូតូបានក្រឡាប់ផ្ញារជើងឡើងលើនៅជាប់រថយន្ដហ្ស៊ីប នោះ ប៉ុន្ដែសំណាងល្អមិនមានរងរបួសទេ ។
ក្រោយពេលកើតហេតុម្ចាស់រ៉ឺម៉កម៉ូតូ និងម្ចាស់រថយន្ដហ្ស៊ីបបានធ្វើការចរចាគ្នា ដោយម្ចាស់រថយន្ដហ្ស៊ីបទាមទារឱ្យរ៉ឺម៉កម៉ូតូសងចំនួន៦០ដុល្លារ ដើម្បីបញ្ចប់រឿង ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]