ភ្នំពេញៈ ពិធីការិនីជាប់កុងត្រាប៉ុស្ដិ៍លេខ៥រាងស្វែល កញ្ញា យ៉ែម ស្រីពេជ្រ រអ៊ូថា មិនអាចទៅថតភាពយន្តភាគឲ្យទូរទស្សន៍ផ្សេងៗបានទេ ខណៈរកចំណូលបានត្រឹមតែ៤០០ទៅ៥០០ដុល្លារ ដោយមិនរាប់បញ្ចូលការថតខ្សែភាពយន្ត និង ការធ្វើMC ក្នុងស្ថានីយទូរទស្សន៍មួយនេះទេ។
ពិធីការិនីរាងស្វែល កញ្ញា យ៉ែម ស្រីពេជ្រ បានឲ្យដឹងថា រាល់ថ្ងៃនាងជាប់កុងត្រាជាបុគ្គលិកឲ្យប៉ុស្ដិ៍លេខ៥ចំនួន៣ឆ្នាំ ដោយក្នុងនោះនាងមិនអាចទៅថតភាពយន្តភាគឲ្យទូរទស្សន៍ផ្សេងៗឡើយ ប៉ុន្តែអាចថតភាពយន្តខ្នាតធំ និងធ្វើ MC ឲ្យកម្មវិធីផ្សេងៗបាន ។
តារាស្រីរូបស្រស់ម្នាក់នេះបានបញ្ជាក់ថា ក្រៅពីប្រាក់ប្រចាំខែដូចបុគ្គលិកទូទៅ នាងមានប្រាក់ធ្វើ MC និង ថតរឿងភាគបន្ថែមទៀតពីទូរទស្សន៍ប៉ុស្ដិ៍លេខ៥។ ធ្វើជាពិធីការិនី គិតតាមកម្មវិធីនីមួយៗដាច់ពីគ្នា បច្ចុប្បន្ននៅប៉ុស្ដិ៍លេខ៥ នាងកាន់កម្មវិធី២។ ចំពោះថតរឿងភាគវិញ នាងទទួលបាន១រឿង២៨០០ ដុល្លារ ។ នាពេលកន្លងមក កញ្ញា យ៉ែម ស្រីពេជ្រ បានថត២រឿងមកហើយ គឺរឿង"" ភ្លើងស្នេហ៍ភ្លើងឫស្យា" និងរឿង" កូនក្រមុំលោកមេឃុំ" ។
ឆាប់ៗខាងមុខនេះ នាងគ្រោងថតខ្សែភាពយន្តនេះ១រឿងទៀត ប៉ុន្តែមិនទាន់ដឹងថា រឿងនោះមានចំណងជើងអ្វីឡើយ ។ សូមជម្រាបថា ពិធីការិនីរាងស្វែល កញ្ញា យ៉ែម ស្រីពេជ្រ បានប្រឡូកសិល្បៈទើបបានជាងមួយឆ្នាំ ។ នៅដើមឆ្នាំ២០១៦នេះល្អប្រសើរជាងឆ្នាំចាស់ព្រោះទទួលបានការងារច្រើនជាងមុនឆ្ងាយក្រោយពីអ្នកដឹកនាំមើលឃើញពីសមត្ថភាពនាង ដោយមានគេហៅទៅថតច្រើន ដើរម៉ូដ ថតស្ប៉តអីជាដើម។
ទោះយ៉ាងណាដោយសារការងាររវល់ពេកធ្វើឲ្យ ស្រីពេជ្រ ខកខានមិនបានទទួលការងារមួយចំនួន ផងដែរ ដែលធ្វើឲ្យនាងមានការសោកស្ដាយ។ ប៉ុន្តែទន្ទឹមនឹងនោះ នាងនឹងព្យាយាមសម្ដែងឲ្យអស់ពីសមត្ថភាព ដើម្បីបម្រើអារម្មណ៍ទស្សនិកជន និងបន្តគាំទ្រភាពយន្តតទៀត ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
