ហោរាអាគ្គីនេត្រ ទ្រាំមិនបានពេលឃើញដេននីក្វាន់ និយាយពីរឿងខ្លួនជេរស្រីនៅក្នុងហ្វេសប៊ុក!

ភ្នំពេញ៖ រឿងរ៉ាវលោកគ្រូអាគ្គីនេត្រ នៅតែមិនទាន់ស្ងប់ស្ងាត់នៅឡើយនៅក្នុងបណ្តាញសង្គមហ្វេសប៊ុក។ ពីមួយថ្ងៃទៅមួយថ្ងៃ លោកគ្រូស្ទាវកាន់តែល្បីឡើងៗ និងមានរឿងរ៉ាវមិនចេះចប់មិនចេះហើយ។ ជាពិសេសគឺលោកគ្រូម្នាក់នេះ ក៏ត្រូវបានអ្នកលេងហ្វេសប៊ុកជាច្រើនឌឺដងផ្លែផ្កាឱ្យ និងអ្នកខ្លះទៀតមួយចំនួនធំគឺនិយាយថា ជាគ្រូទាយបោកប្រាស់។

ក្រៅពីនេះ កាលពីពេលថ្មីៗកន្លងទៅ លោកគ្រូបានល្បីរឿងកាប់មិនមុត ដែលបានធ្វើឱ្យមហាជនអ្នកលេងបណ្តាញសង្គម មានការកក្រើកខ្លាំងមែនទែនចំពោះករណីនេះ។ មិនតែប៉ុណ្ណោះ លោកគ្រូហោអាគ្គីនេត្រក៏ល្បីពីរឿងមួយទៀត គឺរឿងជេរស្រីម្នាក់ដែលបានប្រមាថមើលងាយ និងចោទប្រកាន់ខ្លួនថា គឺគ្រូបោកប្រាស់។

កាលនោះ ហោអាគ្គីនេត្រក៏ត្រូវបាន តារាស៊ិចស៊ី កញ្ញា ដេននីក្វាន់ ថាឱ្យធ្ងន់ៗមិនប្រណីមាត់ភ្លាមផងដែរ បន្ទាប់ពីលោកគ្រូបាន Live Video ជេរនារីម្នាក់នោះយ៉ាងញាក់សាច់នៅក្នុងហ្វេសប៊ុក ហើយនាងព្រមទាំងថា បើជេរប៉ះនាងវិញប្រាកដជាបានទៅស៊ីបាយនៅក្នុងគុុកមិនខាន។ ប៉ុន្តែក្រោយការថ្លែងពីសំណាក់នារីស៊ិចស៊ី ដេនីក្វាន់ លោកគ្រូអាគ្គីនេត្រ ក៏នៅស្ងៀម មិនបានបញ្ចេញប្រតិកម្មតបតទៅនាងវិញយ៉ាងណាៗនោះទេ។ 

ទើបតែកាលពីប៉ុន្មានម៉ោងមុននេះ គ្រូអាគ្គីនេត្រ ឃើញក្នុងគេហទំព័រព័ត៌មានក្នុងស្រុកមួយ ដែលបានចុះពីរឿងដេននីក្វាន់ថាឱ្យខ្លួន រឿងជេរប្រមាថស្រីយ៉ាងសាហាវនោះ ទំនងជាឃើញហើយទ្រាំមិនបាន ក៏បានស៊ែររឿងនោះ និងបានសរសេរតបទៅវិញខ្លាំងៗ មិនអន់ដូចគ្នាថា៖ « ខួរក្បាលមានតែគ្មានចេះគិតឡើយ កុំត្រចៀកស និង កុំខ្វាក់ភ្នែក បើមិនដឹងរឿងច្បាស់ កុំចង់ល្បីពេក រឿងខ្លួនឯងក្រសួងព្រមានមិនចេះកែចរិត ហើយមកចោទប្រកាន់លោកគ្រូ បើកភ្នែកបើកត្រចៀកមើលវីដេអូ ដែលលោកគ្រូឡាយ (Live) ឱ្យបានច្បាស់ កុំយកអាវីដេអូគេកាត់ចោលយកចំនុចជេរ មក​កាត់សេចក្តី បើមនុស្សចរិតថោកត្រូវតែជេរគឺមិនខ្លាចឡើយ»៕

ចាំមើលម្តងនេះ តើនឹងមានប្រតិកម្មយ៉ាងណាវិញពី កញ្ញា ស៊ិចស៊ី ដេននីក្វាន់? 

• ដេននី ក្វាន់
• យុវវ័យ