ភ្នំពេញ៖ រឿងរ៉ាវរបស់ កញ្ញា វ៉ាន់ នីឡា ដែលជាតារាចម្រៀងវ័យក្មេងមួយរូប ទាក់ទិននឹងរឿងអតីតមិត្ដប្រុសបង្ហោះរូបភាពអាក្រាត មកទល់ពេលនេះពុំទាន់ទទួលបានការកាត់ក្ដីនោះទេ ខណៈដែលសាមីខ្លួនកញ្ញា វ៉ាន់នីឡា ដង្ហោយរកជំនួយ និងភាពយុត្តិធម៌តាមបណ្ដាញសង្គមហ្វេសប៊ុករបស់ខ្លួនជាច្រើនដង។
ក៏មិនខុសជាពេលមុនដែរ កញ្ញា វ៉ាន់ នីឡា បានធ្វើការបង្ហោះសារជាថ្មី ក្នុងសេចក្ដីអស់សង្ឃឹម និងឈឺចាប់ជាខ្លាំង កាលពីប៉ុន្មាននាទីមុននេះថា « មនុស្សនៅរស់ មានភស្ត័តាងចឹង នៅមានជីវិតតវ៉ា នៅតែគេធ្វើអញ្ចឹង បើសិនជាខ្ញំុងាប់ដោយសារអាមនុស្សគំរក់នឹងសំលាប់កំុសង្ឃឹមថា គេនឹងរកឃាតករឃើញអោយសោះ ! ដោយសារែបនេះហើយទើបអាមនុស្សធ្វើអាក្រក់វាមិនដែលខ្លាច វាធ្វើការលើច្បាប់អង្គុយលើច្បាប់ វាដឹងជ្រៅរាក់ពីច្បាប់ច្បាស់ណាស់ ចឹងហើយបានវាហ៊ានមើលងាយ មិនខ្លាចច្បាប់ទាល់តែសោះ .. វាប្រហើនមើលងាយច្បាប់ រឺច្បាប់ធ្វើអោយវាមើលងាយ ? ខ្ញំុនិយាយនេះមិនមែនចង់ថាអោយតុលាកា ប៉ុន្តែសូមតុលាកាជួយដោះស្រាយអំពីករណីរបស់ខ្ញំុនិងកាត់ក្តីដោយភាពត្រឹ់មត្រូវ និងយុត្តធម៍ផងចុះ !»
គួរបញ្ជាក់ថា កាលពីប៉ុន្មានថ្ងៃមុននេះអតីតមិត្ដប្រុសនាង លោក គុយ សិទ្ធិសក្តិ ត្រូវបានតុលាការ កោះហៅជាលើកទី៦ ដើម្បីឲ្យចូលខ្លួនមកបំភ្លឺនៅឯតុលាការផ្ទាល់ ប៉ុន្តែមិនថាយ៉ាងណា លោកនៅតែមិនបានបង្ហាញខ្លួន និងមិនអើពើចំពោះការកោះហៅរបស់តុលាការនោះទេ ដោយហេតុនេះហើយ ទើបធ្វើឲ្យ កញ្ញា វ៉ាន់ នីឡា និងក្រុមគ្រួសារ របស់នាងផ្ទាល់ មានការបារម្ភចំពោះសុវត្ថិភាព នាងជាខ្លាំង និងស្នើសុំឲ្យតុលាការ ចេញដីការចាប់ខ្លួន ព្រមទាំងរកយុត្តិធម៌ឲ្យរូបនាងផងដែរ។ ដោយកាលពីក្នុងពេលនោះ នាងបានសរសេរសារតាមបណ្ដាញហ្វេសប៊ុកថា ៖
«ជនមួយនេះនៅតែបន្តផ្ញើសារជាសំលេង និងរូបតុក្តតាជារឿយៗ ក្នុងបំណងចង់ឌឺដងឲ្យរូបនាងខ្ញុំ ប្រហែលជាគេគិតថាតុលាការធ្វើអីគេមិនកើត ? ក្នុងរយៈពេលជាច្រើនខែមកនេះ ខ្ញុំបានបាត់បង់វត្តមាននៅលើឆាកតន្រ្តីនានា និងចំនូលរបស់នាងខ្ញុំជាច្រើន ដែលត្រូវបង្ខំចិត្តឲ្យនាងខ្ញុំទៅច្រៀង នៅក្រៅប្រទេសដើម្បីផ្គត់ផ្គង់ជីវភាព។ តើតុលាការចង់អូសបន្លាយពេលរហូតទាល់តែ រឿងមួយនេះស្ងាត់ច្រងំហើយយូរយូរទៅត្រូវបានគេបំភ្លេច?? ទុកឱកាសឲ្យជនខិលខូចនោះ រស់នៅជាមួយការសើចចំអកឲ្យនាងខ្ញុំ ដូចដែលពាក្យគេនិយាយថា " ទៅរកអាណាធំជាងអញបានមកធ្វើអញ " ហើយខ្លួនខ្ញុំផ្ទាល់ជាជនរងគ្រោះ និងក្រុមគ្រួសារ រស់ទាំងភ័យខ្លាច ខ្ញុំនេះដើរទៅណាមកណា ភ្នែកនៅកញ្ចឹងក ខ្លាចជនមួយនេះ និងមានបំណងធ្វើឲ្យខ្លួនខ្ញុំបាត់ពីលោកនេះ ដូចអ្វីដែលគេធ្លាប់គំរាមខ្ញុំ បើរាល់ថ្ងៃនេះគេនៅដើរសើចសប្បាយក្អាកក្អាយនៅឡើយ និងមិនអើពើចំពោះការកោះហៅផងនោះ ! សូមតុលាការអើពើនិងពាក្យអង្វរកររបស់ខ្ញុំផងចុះ » ។ គួររំលឹកថា តារាស្រីរាងតូចច្រឡឹង កញ្ញា វ៉ាន់ នីឡា បានដាក់ពាក្យបណ្តឹងអស់រយៈពេល ៥ខែ មកហើយ ទៅលើអតីតសង្សារ លោកគុយ សទ្ធិសក្តិ ពីបទ«ហិង្សាដោយចេតនា និងចែកចាយរូបភាពអាសអាភាស»ប៉ុន្តែមិនថាយ៉ាងណា នាងនៅតែមិនទាន់ទទួលបានលទ្ធផល ឬក៏យុត្តិធម៌អ្វីនោះឡើយ ពីតុលាការ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]