ក្រុងប៉ោយប៉ែត ៖ នគរបាលក្រុងប៉ោយប៉ែតបានឃាត់ខ្លួនយុវជន២នាក់ ក្នុងករណីចាប់រំលោភសេព សន្ថវៈក្នុងយប់តែមួយកាលពីថ្ងៃទី២៧ កុម្ភៈហើយនារីរងគ្រោះក្នុងអំពើចាប់រំលោភនេះ មានម្នាក់ជាស្ត្រីគ និងម្នាក់ជាកូនជាងកាត់ដេរ ត្រូវមេជាងចាប់រំលោភ ។
ជនសង្ស័យទាំង២ខាងលើ ម្នាក់ឈ្មោះឆេង ស្នា អាយុ២២ឆ្នាំ មានទីលំនៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត និងម្នាក់ទៀតឈ្មោះរុន ឆៃ អាយុ២៥ឆ្នាំ គ្មានទីលំនៅពិតប្រាកដ ជាកម្មករនៅផ្សាររុងក្លឿ ប្រទេសថៃ។ ជនសង្ស័យទាំង២នាក់ ត្រូវនគរបាលក្រុងប៉ោយប៉ែតធ្វើការឃាត់ខ្លួននៅក្នុងយប់តែមួយដែល ឈ្មោះឆេង ស្នា ឃាត់ខ្លួននៅម៉ោង១០និង៣០នាទីក្នុងភូមិមិត្តភាព ក្រោយពីរំលោភកូនជាងកាត់ដេរ របស់ខ្លួនពុំទាន់បានសម្រេច ឯឈ្មោះរុន ឆៃ ត្រូវឃាត់ខ្លួននៅវេលាម៉ោងជាង៩យប់ ក្រោយពីនាំកូនក្រមុំគេជានារីគទៅបាត់មួយយប់ ។
នគរបាលក្រុងប៉ោយប៉ែតប្រាប់ថា ជនជាប់ចោទទាំង២ខាងលើ មុនការឃាត់ខ្លួន ឈ្មោះឆេង ស្នា បានប៉ុនប៉ងរំលោភនាងក្រមុំម្នាក់ជាកូនជាងកាត់ដេរខ្លួនឯង អាយុ១៧ឆ្នាំ ដោយទូរស័ព្ទហៅនាងឱ្យជួប ព្រោះផ្ទះទល់ខ្នងគ្នា លុះនាងចេញផុតពីផ្ទះជនសង្ស័យក៏ទាញដៃនាងក្រមុំយកទៅរំលោភ ទាំងកំរោល ប៉ុន្តែត្រូវនាងរើបម្រះរត់រួច ទើបប្តឹងអាជ្ញាធរឱ្យឃាត់ខ្លួនតែម្តង។ ឯឈ្មោះរុន ឆៃ មន្ត្រីនគរបាលបានប្រាប់ថា ការឃាត់ខ្លួនធ្វើឡើងតាមពាក្យបណ្តឹងរបស់ឪពុកម្តាយនាងក្រមុំ គម្នាក់អាយុ១៨ឆ្នាំ បានប្តឹងពីឈ្មោះរុន ឆៃ ថា បាននាំកូនស្រីរបស់ពួកគាត់ទៅបាត់មួយយប់ ។ ជនជាប់ចោទជាមេជាងបាននិយាយថា ដោយសារខ្លួនស្រឡាញ់នាងទើបបង្ខំចិត្តធ្វើបែបនេះ ។ ចំណែកឯឈ្មោះរុន ឆៃ និយាយថា ខ្លួនក៏ស្រឡាញ់នាងជិតមួយឆ្នាំហើយ ថែមទាំងធ្លាប់រស់នៅជាមួយគ្នាជាច្រើនដងទៀតផង ។ តាមប្រភពពីមន្ត្រីនគរបាលប្រាប់ថា បន្ទាប់ពីចាប់ខ្លួនឈ្មោះរុន ឆៃ នាងគ ក៏បានព្យាយាមចងក ធ្វើអត្តឃាត ព្រោះតែស្រឡាញ់បុរសរុន ឆៃ នេះ។
មានព័ត៌មានថា នៅរសៀលថ្ងៃទី២៧ កុម្ភៈ ឪពុកម្តាយនាងគព្យាយាមសុំដកពាក្យបណ្តឹងវិញ ដើម្បីយកទៅរៀបការឱ្យកូនស្រីរបស់ពួកគាត់ ប៉ុន្តែទោះជាយ៉ាងណាពុំបានទទួលលទ្ធផលទេ ព្រោះជនជាប់ចោទទាំង២ត្រូវបញ្ជូនទៅស្នងការនគរបាលខេត្ត ដើម្បីចាត់ការបន្តទៅហើយ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]