(បន្ទាយមានជ័យ)៖ យុវជនម្នាក់ជិះម៉ូតូយ៉ាងលឿនមិនបានប្រុងប្រយ័ត្ន ក្នុងស្ថានភាពផ្លូវយប់ងងឹងមិនដឹងថាផ្លូវខាងមុខវាងស្ពានថ្ម ដួលបោកក្បាលស្លាប់ ហេតុការណ៍គ្រោះថ្នាក់ចរាចរណ៍នេះ នៅវេលាម៉ោង៨៖៣០នាទីយប់ ថ្ងៃទី៥ ខែធ្នូ ឆ្នាំ២០១៦ នៅភូមិបត់ត្រង់ធំខាលិច ឃុំបត់ត្រង់ ស្រុកមង្គុលបូរី ខេត្តបន្ទាយមានជ័យ លុះព្រឹកថ្ងៃទី៦ ខែធ្នូ ទើបប្រជាពលរដ្ឋប្រទះឃើញសាកសព។
ប្រជាពលរដ្ឋបានប្រាប់ថា កាលពីយប់កើតហេតុ គេឮសូរសម្លេងលាន់ប្រាវ ក៏ស្ងាត់ទៅ គាត់ក៏មិនបានចាប់អារម្មណ៍ជាករណីគ្រោះថ្នាក់ចរាចរណ៍ឡើយ លុះព្រឹកថ្ងៃទី៦ ខែធ្នូ ប្រទះឃើញមនុស្សដេកស្លាប់ ទើបបានរាយការណ៍ប្រាប់សមត្ថកិច្ចចុះត្រួតពិនិត្យ និងធ្វើកោសល្យវិច័យ។
ឮនគរបាលប៉ុស្តិ៍រដ្ឋបាលឃុំបត់ត្រង់ ប្រាប់ឲ្យដឹងថា ជនរងគ្រោះឈ្មោះ សេត ភេទ អាយុ២៣ឆ្នាំ ជាជាងផ្សារដែក មានស្រុកកំណើតនៅឯខេត្តបាត់ដំបង មកស្នាក់រស់នៅភូមិព្រែកជីក ឃុំបត់ត្រង់ ស្រុកមង្គលបូរី បើកបរម៉ូតូ ម៉ាកហុងដាឌ្រីម ពាក់ស្លាកលេខ បន្ទាយមានជ័យ: 1G-9411។
បច្ចុប្បន្នសមត្ថកិច្ចជំនាញបានប្រគល់សាកសពរងគ្រោះ និងម៉ូតូប្រគល់ជូនក្រុមគ្រួសារសពទៅធ្វើបុណ្យតាមប្រពៃណីខ្មែរ៕
ប្រភព៖ Fresh News
កំណត់ហេតុខ្មែរឡូត៖
ស្រដៀងគ្នានេះដែរ ករណីមួយផ្សេងទៀត ដួលម៉ូតូងើបមិនទាន់ ត្រូវឡានកិនស្លាប់រដូករណែល។ មនុស្ស៣នាក់ស្លាប់នៅនឹងកន្លែង និងម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍មួយកើតឡើង កាលពីវេលាម៉ោង០៤ និង៥០នាទីល្ងាចថ្ងៃទី១០ សីហា ២០១៦ កន្លងទៅ ស្ថិតនៅលើកំណាត់ផ្លូវជាតិលេខ១៥៣ ក្នុងភូមិដើមពពេល ឃុំថ្មឥដ្ឋ ស្រុកកំពង់ត្រឡាច ខណៈដែលជនរងគ្រោះទាំង៤នាក់ជិះម៉ូតូមួយគ្រឿងដួលកណ្តាលថ្នល់ ហើយក៏ត្រូវរថយន្តបើកកិនពីក្រោយតែម្តង ។
ប្រភពឱ្យដឹងថា ជនរងគ្រោះដែលស្លាប់ទាំង៣នាក់ ១-ឈ្មោះប្លុង សុភី អាយុ២១ឆ្នាំ ២-ឈ្មោះសៅ ហឿន អាយុ២៨ឆ្នាំ ៣-ឈ្មោះ ដួង អ៊ិច អាយុ២៦ឆ្នាំ និងម្នាក់ទៀតរងរបួសធ្ងន់ និងជាបើកម៉ូតូឈ្មោះយ៉ែម សាវ៉េត អាយុ១៩ឆ្នាំ ទាំង៤នាក់ មានទីលំនៅក្នុងភូមិដើមពពេល ឃុំថ្មឥដ្ឋ ស្រុកកំពង់ត្រឡាច ។
ប្រភពបន្តថា មុនពេលកើតហេតុ ជនរងគ្រោះទាំង៤នាក់ បានជិះម៉ូតូ ម៉ាកហុងដាសេ 125 ពណ៌ខ្មៅ ពាក់ស្លាកលេខកំពង់ឆ្នាំង1F-5181 បើកដោយឈ្មោះយ៉ែម វ៉េត អាយុ១៩ឆ្នាំ តាមបណ្តោយផ្លូវជាតិពីលិចទៅកើត លុះមកដល់ចំណុចកើតហេតុ ស្រាប់តែម៉ូតូដួលកណ្តាលថ្នល់ ស្របពេលជាមួយគ្នានោះ មានរថយន្តមួយគ្រឿងម៉ាកហ៊ីយ៉ាន់ដាយ ពណ៌.ស ពាក់ស្លាកលេខភ្នំពេញ 3C-7358 បើកដោយបុរសឈ្មោះសែម ជា អាយុ៣៥ឆ្នាំ មានទីលំនៅ ភូមិកោះគ ឃុំព្រែកថ្មី ស្រុកស្អាង ខេត្តកណ្តាល កិនលើមនុស្សទាំង៤នាក់ បណ្តាលឱ្យមនុស្ស៣នាក់ស្លាប់នៅនឹងកន្លែងយ៉ាង និងម្នាក់ទៀតរងរបួសធ្ងន់ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]