ម៉ាឡេស៊ី៖ សារព័ត៌មានដេលីម៉ែល បានចុះផ្សាយកាលពីថ្ងៃទី០៤ ខែធ្នូ ឆ្នាំ២០១៦ថា ក្មេងប្រុស មូស្លីមវ័យក្មេងជាច្រើននាក់ បាននាំគ្នាទៅចូលរួមក្នុងពិធីបុណ្យកាត់ចុង ប្រចាំឆ្នាំដ៏ធំមួយ ដែលប្រារព្វធ្វើឡើងនៅក្នុងប្រទេសម៉ាឡេស៊ី។
ប្រភពព័ត៌មានបានឲ្យដឹងថា ខណៈដែលកុមារមួយចំនួនមានភាពភ័យខ្លាចចំពោះការកាត់ចុងនេះ ប៉ុន្តែសម្រាប់ក្មេងប្រុសមូស្លីមវ័យក្មេង ដែលរស់នៅក្នុងប្រទេសឥណ្ឌាវិញ មើលទៅគ្មានភាពភ័យខ្លាចសូម្បីតែបន្តិច ដោយពួកគេបាននាំគ្នារាំលេងយ៉ាងសប្បាយរីករាយ និងចុះទៅងូតទឹកទន្លេ មុនពេលព្រឹត្តិការណ៍កាត់ចុង (កាត់ស្បែកចុងលិង្គ) ប្រចាំឆ្នាំដ៏ធំក្នុងសប្តាហ៍នេះចាប់ផ្ដើម។
ជាជាងការភ័យខ្លាច គេមើលឃើញថាជាពិធីមួយ ដែលអនុម័តសម្រាប់ក្មេងប្រុស ដែលមានអាយុចាប់ពី៥ឆ្នាំ ទៅ១២ឆ្នាំ ធ្វើការកាត់ស្បែកដែលគ្របក្បាលលិង្គចេញ និងត្រូវគេចាត់ទុកថាជាការចាប់ផ្ដើមទៅជាមនុស្សពេញវ័យ។ ប្រតិបត្តិការនៃការកាត់ស្បែកចុងនេះ គឺធ្វើឡើងដោយប្រើប្រាស់ឡាស៊ែរ ខណៈក្មេងៗទាំងនោះ ត្រូវបានគេចាក់ថ្នាំស្ពឹកជាមុន។
តាមរយៈរូបភាពបានបង្ហាញថា ក្មេងប្រុសជាច្រើនបាននាំគ្នាចូលរួមក្នុងពិធីកាត់ចុងនេះ នៅក្នុងតំបន់ Sungai Pangsun នៅជិតរដ្ឋធានី Kuala Lumpur របស់ប្រទេសម៉ាឡេស៊ី។ ពួកគបាននាំគ្នាចុះទៅងូតទឹកទន្លេមុនពេលព្រឹត្តិការណ៍កាត់ចុង ចាប់ផ្តើម ដោយត្រូវបានគេជឿថា ក្នុងគោលបំណងដើម្បីសម្អាតខ្លួនឯងឲ្យស្អាត មុនពេលធ្វើការកាត់ស្បែក។
មិនតែប៉ុណ្ណោះ ពួកគេជឿជាក់ថា ការកាត់ចុងចេញ នឹងផ្ដល់ភាពងាយស្រួលក្នុងការថែរក្សាខ្លួនគេឲ្យស្អាត ដោយសារតែទឹកនោមតែងតែដក់ជាប់ បន្ទាប់ពីបត់ជើងតូចរួច។ នៅក្នុងសាសនាអ៊ីស្លាម ជនជាតិម៉ូស្លីមទាំងអស់ ត្រូវតែស្អាត នៅពេលដែលពួកគេធ្វើការអធិស្ឋាន ដែលមានន័យថាទឹកនោម ក៏មិនអាចឲ្យនៅជាប់ខ្លួនបានដែរ។
គួរបញ្ជាក់ថា ប្រទេសម៉ាឡេស៊ីជាប្រទេសវប្បធម៌ចម្រុះដោយ ៦០ភាគរយនៃចំនួនប្រជាជន ៦៨លាននាក់ជាជនជាតិមូស្លីម និងកាន់សាសនាអ៊ីស្លាម ហើយត្រូវបានទទួលស្គាល់ថា ជាសាសនាផ្លូវការរបស់ប្រទេសនេះ។ ជនមូស្លីម ជាក្រុមសាសនាធំជាងគេមួយ ដែលធ្វើពិធីកាត់ស្បែកចុងលិង្គរបស់ក្មេងប្រុស ហើយពិធីនេះត្រូវបានគេស្គាល់ផងដែរថា Tahara ដែលមានន័យថា “ការបន្សុត”៕
ប្រភព៖ Dailymail
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]