ភ្នំពេញ៖ ថ្មីៗនេះតារាចម្រៀង Original Song និងជាអ្នកនិពន្ធវ័យក្មេង វ័យ២៤ឆ្នាំ លោក ម៉ា ច័ន្ទបញ្ញា បានធ្វើឲ្យអ្នកគាំទ្រជាច្រើន ជាពិសេសអ្នកគាំទ្រនារីៗតែម្តង មានការភ្ញាក់ផ្អើលជាខ្លាំង ដោយក្រោយពីលោក ធ្លាប់បានបង្ហោះសារ សារភាពស្នេហ៍យ៉ាងផ្អែមល្អែមចំពោះម្ចាស់ចិត្ត នៅលើបណ្តាញសង្គមហ្វេសប៊ុករបស់លោក ដែលធ្វើឲ្យអ្នកគាំទ្រច្រណែន ហើយឥលូវនេះ លោកបានបង្ហាញមុខម្ចាស់ចិត្តរបស់លោក និងថែមទាំងនាំនាងទៅ ជួបចាស់ទុំញុំាអាហារពេលល្ងាចជុំគ្នាទៀតផង។
នៅព្រឹកថ្ងៃអាទិត្យនេះ លោក ម៉ា ច័ន្ទបញ្ញា បានសរសេរសារខ្លីមួយ ដោយភ្ជាប់ជាមួយនឹងរូបថតមួយសន្លឹកយ៉ាងផ្អែមល្អែម បង្ហោះនៅក្នុងគណនីហ្វេសប៊ុករបស់លោកថា៖
« Mark prin និង Kimberly អាចShow offបាន ហេតុអីយើងមិនអាច?ចូលរួមខួបកំណើតលោកពូ និងញុំាអាហារពេលល្ងាចជុំគ្រួសារ។»
គួរឲ្យដឹងថា Mark Prin និង Kimberly គឺជាតារាសម្តែងប្រចាំស្ថានីយទូរទស្សន៍ប៉ុស្តិ៍លេខ ៣ ថៃ និងជាគូស្នេហ៍ដ៏ល្បីបំផុតប្រចាំប្រទេសថៃផងដែរ ហើយជារឿយៗ គេតែងសង្កេតឃើញ អ្នកទាំង២តែងតែបង្ហាញភាពផ្អែមល្អែម និងការព្រួយបារម្ភចំពោះគ្នាទៅវិញទៅមក និងតែងតែទៅណាមកណាជាមួយគ្នារហូត ប្រៀបបានដូចជារលកញីឈ្មោលដូច្នោះដែរ៕
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា លោក ម៉ា ច័ន្ទបញ្ញា ហាក់ដូចជាមិនដែលបង្ហើបពីរឿងស្នេហា ទៅកាន់អ្នកគាំទ្រ និងមហាជននោះទេ តែអ្វីដែលចម្លែក និងមានការចែករំលែកតៗគ្នា ក្នុងបណ្ដាញទំនាក់ទំនងសង្គមបានបង្ហាញយ៉ាងច្បាស់ថា លោកកំពុងតែមានគូស្នេហ៍ ដែលស្រឡាញ់គ្នាយ៉ាងផ្អែមល្ហែម។ នៅក្នុងសារ រួមជាមួយនឹងរូបថតមួយសន្លឹកនោះ ក៏បានបង្ហាញឲ្យដឹងពីស្នេហាអ្នកទាំងពីរទៀតថា ជាស្នេហាលាក់បាំង ដែលសូម្បីតែរូបភាពភាគីខាងស្រី ក៏ត្រូវបានបិទបាំងផងដែរ។
ចង់ដឹងច្បាស់យ៉ាងណា សូមអានសាររបស់លោក ម៉ា ច័ន្ទបញ្ញា នៅខាងក្រោមទាំងអស់គ្នា៖
«មិនដឹងថាថ្ងៃមុខនឹងទៅជាយ៉ាងណាទេ តែសំខាន់ពេលនេះយើងចាប់ដៃគ្នាកសាងស្ពានមួយជាមួយគ្នា។ អរគុណដែលនៅក្បែរបងមើលថ្ងៃរះនិងថ្ងៃលិច។ សូមបេះដូងស្មោះរបស់បង បងថាសូមជូនអូនតែពាក់កណ្ដាលសិន ទុកពាក់កណ្ដាលទៀតស្រឡាញ់ខ្លួនឯង។ ចាប់តាំងពីមានអូន បេះដូងបងផ្ដើមចេះកំណាញ់ជាងមុន តែអូនសូមឲ្យបងនៅស្រឡាញ់Fanបងដូចធម្មតា ហើយសូមមើលថែនិងរាប់អានពួកគេជាមួយគ្នា បង្កើតការស្រឡាញ់មួយឲ្យបានធំជាងមុន។ មិនហ៊ាន Show off ព្រោះទោះជាយ៉ាងណា បងនៅតែព្យាយាមគោរពការសម្រេចចិត្តរបស់អូន។ និយាយដោយគិតច្រើន អូននៅុមានសិទ្ធិទៅចោលបង ហើយបងក៏ត្រៀមខ្លួនខូចចិត្តដែរ តែត្រូវធានាថា អូនមានសុភមង្គលពិតប្រាកដមួយ។ និយាយមិនលាក់លាម បងគិតថា អារម្មណ៍សុភមង្គលដែលបាត់ពីដើមទ្រូងបងជិត ៧ឆ្នាំមកហើយ ពេលនេះវាកំពុងតែត្រឡប់មកវិញដោយសារអូន។យ៉ាងណាក៏ដោយ បើនៅក្បែរបងទោះ បងមិនហ៊ានធានាថាបងល្អ100%ក៏ដោយ តែបងនឹងប្រើក្ដីស្រឡាញ់ដែលបងសន្សំទុកសម្រាប់ដើរលើផ្លូវដ៏ពិបាកមួយនេះជាមួយអូន។
ដោយក្ដីស្រឡាញ់ពីមិត្តប្រុសរបស់អូន!
បង បញ្ញា »
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]