រាជធានីភ្នំពេញ ៖ បុរសម្នាក់បានស្លាប់ក្នុងថ្លុកឈាមយ៉ាងអាណោចអាធ័ម ខណៈជិះម៉ូតូម៉ាកវីវ៉ាតែម្នាក់ឯង ស្រាប់តែត្រូវម៉ូតូម៉ាក ZOOME-X បើកយ៉ាងលឿនមកបុកចំពីមុខពេញទំហឹងកាលពីវេលាម៉ោង៦ និង៤០នាទីព្រឹក ថ្ងៃទី០៣ ខែធ្នូ ឆ្នាំ២០១៦ នៅលើផ្លូវលេខ៣១០ ស្ថិតក្នុងសង្កាត់បឹងកេងកងទី៣ ខណ្ឌចំការមន ។
ប្រភពព័ត៌មានពីនគរបបាលបានឱ្យដឹងថា ជនរងគ្រោះទាំង២នាក់ ម្នាក់ឈ្មោះ គឹម សេរី អាយុ៤៦ឆ្នាំ មុខរបរជាសន្តិសុខ មានទីលំនៅក្នុងសង្កាត់ព្រែកឯង ខណ្ឌច្បារអំពៅ ជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1AB-5853 តែម្នាក់ឯង បានស្លាប់ក្នុងថ្លុកឈាមភ្លាមៗ ឯម្នាក់ទៀតឈ្មោះ ដារ៉ា អាយុ១៣ឆ្នាំ ជាសិស្សរៀននៅអនុវិទ្យាល័យសន្ធម៉ុក ស្នាក់នៅផ្ទះលេខ១៧ ផ្លូវលេខ២៨០ សង្កាត់បឹងកេងកងទី២ ខណ្ឌចំការមន ជិះម៉ូតូម៉ាក ZOOME-X ពណ៌ខ្មៅ ពាក់ស្លាកលេខ ភ្នំពេញ 1FU-9944 ម្នាក់ឯងដូចគ្នា បានរងរបួសយ៉ាងធ្ងន់ធ្ងរ ។
ប្រភពដដែលបានប្រាប់បន្តទៀតថា មុនពេលកើតហេតុគេបានឃើញក្មេងប្រុសខាងលើ ជិះម៉ូតូម៉ាក ZOOME-X យ៉ាងលឿនក្នុងទិសដៅពីលិចទៅកើត លុះទៅដល់ចំណុចកើតហេតុបានបន្ថែមល្បឿនដើម្បីបើកវ៉ារថយន្តខាងមុខក៏ជ្រុលចង្កូតទៅបុកនឹងម៉ូតូវីវ៉ាចំពីមុខពេញទំហឹង បណ្តាលឲ្យដួលបែកក្បាលស្លាប់ក្នុងថ្លុកឈាមភ្លាមៗ ចំណែកក្មេងប្រុសនោះបានរងរបួសយ៉ាងធ្ងន់ធ្ងរផងដែរ ។
ក្រោយពេលកើតហេតុ សម្ថកិច្ចមូលដ្ឋានក៏បានចុះមកដល់ធ្វើការវាស់វែង និងហៅរថយន្តសាមុយមកដឹកក្មេងប្រុសរងរបួសយកទៅធ្វើការសង្គ្រោះ ចំណែកឯបុរសដែលស្លាប់បាត់បង់ជីវិតត្រូវបានទាក់ទងទៅកាន់ក្រុមគ្រួសារមកទទួលយកសពទៅធ្វើបុណ្យទៅតាមប្រពៃណី ៕
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន បើកម៉ូតូឆ្លងផ្លូវមិនប្រយ័ត្ន ត្រូវរថយន្ត បុកស្លាប់ទាំងពីរ។ គួររំលឹកផងដែរថា បុរស២នាក់ បានស្លាប់ភ្លាមៗ នៅកន្លែងកើតហេតុ ខណៈជិះម៉ូតូឆ្លងផ្លូវ មិនប្រុងប្រយ័ត្ន ហើយត្រូវបានរថយន្តធុនធំ មួយគ្រឿងបុក កាលពីវេលាម៉ោង ១ និង២០នាទីយប់ ឆ្លងចូលថ្ងៃទី៥ ខែវិច្ឆិកា ឆ្នាំ២០១៦ កន្លងទៅ នៅតាមផ្លូវជាតិលេខ៤ ក្នុងភូមិអង្គ សង្កាត់ចោមចៅ ខណ្ឌពោធិសែនជ័យ។
សេចក្តីរាយការណ៍ នៅកន្លែងកើតហេតុ បានអោយដឹងថា រថយន្ត បានបើកមកពីទិសខាងលិច ចំណែកម៉ូតូជិះគ្នា២នាក់ បើកបរពីទិសខាងកើត ទៅទិសខាងលិច លុះមកដល់មុខ បូរីញូថោន ម៉ូតូបានបើក ឆ្លងផ្លូវសំដៅ បូរីញូថោន ក៏បានបុកគ្នា និងរថយន្តពេញទំហឹង ហើយត្រូវរថយន្ត អូសម៉ូតូនិងមនុស្ស ទៅមុខជិត១០ម៉ែត្រ ធ្វើអោយបុរសទាំងពីរនាក់ ស្លាប់ភ្លាមៗនៅនឹងកន្លែង បន្ទាប់ពីកើតហេតុ អ្នកបើករថយន្ត បានរត់គេចខ្លួនបាត់។
ក្រោយពេលកើតហេតុ នគរបាលបានចុះ ទៅត្រួតពិនិត្យ វាស់វែង បញ្ជូនរថយន្តនិងម៉ូតូ ទៅការិយាល័យ នគរបាលចរាចរណ៍រាជធានីភ្នំពេញ ចំណែកសព បុរសទាំងពីរនាក់ សមត្ថកិច្ចដឹកយកទៅ តម្កល់នៅវត្ត ទួលក្រសាំង ដើម្បីស្វែងរកសាច់ញាតិ មកទទួលយកទៅធ្វើបុណ្យ តាមប្រពៃណី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]