ខេត្តព្រៃវែង ៖ លោកតាអាចារ្យម្នាក់ខណៈកំពុងកាន់ក្បាលមេក្រូសូត្រធម៌នៅក្នុងពិធីបុណ្យសពអ្នកស្រុកស្រាប់តែជ្រុះក្បាលមេក្រូពីដៃរួចដួលលើរនាបស្លាប់ភ្លាមៗមួយរំពេចបង្កឲ្យមានការភ្ញាក់ផ្អើលកាលពីវេលាម៉ោង៥ និង៣៥នាទីព្រឹក ថ្ងៃទី៣ ខែធ្នូ ឆ្នាំ២០១៦ នៅក្នុងភូមិព្រៃនគរក្នុង ឃុំពានរោង ស្រុកស្វាយអន្ទរ ខេត្តព្រៃវែង។
ប្រភពពីសមត្ថកិច្ចបានឲ្យដឹងថា លោកតាអាចារ្យរងគ្រោះឈ្មោះ ឈឹម អំ ភេទប្រុស អាយុ៨៣ឆ្នាំ មានទីលំនៅភូមិព្រៃឆ្លុង ឃុំពានរោងស្រុកស្វាយអន្ទរ ខេត្តព្រៃវែង ។
ប្រភពពីប្រជាពលរដ្ឋបានឲ្យដឹងថា មុនកើតហេតុតាអាចារ្យរងគ្រោះ និងលោកយាយលោកយាយជាច្រើននាក់បានភ្ញាក់ពីសម្រាន្តសូត្រធម៌បុណ្យសពស្ត្រីម្នាក់ឈ្មោះ វេង សុផល អាយុ៤៥ឆ្នាំ ខណៈកំពុងសូត្រធម៌ស្រាប់តែលោកតាអាចារ្យជ្រុះក្បាលមេក្រូពីដៃហើយដួលទៅលើរនាបស្លាប់បាត់បង់ជីវិតភ្លាមៗតែម្តង ។
ក្រោយពេលសមត្ថកិច្ចធ្វើការពិនិត្យ និងកោសល្យវិច្ច័យរួច បានធ្វើការសន្និដ្ឋានថា លោកតាអាចារ្យរងគ្រោះស្លាប់ដោយសារខ្យល់គរ រួចប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
ប្រភព៖ កោះសន្តិភាព
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន បុគ្គលិក កាស៊ីណូ «ហ្គោលឌិនក្រោន» ដេកស្លាប់ក្នុងបន្ទប់ស្នាក់នៅ ដោយសារតែគាំងបេះដូង។ គួររំលឹកផងដែរថា បុគ្គលិក កាស៊ីណូ «ហ្គោលឌិនក្រោន» ដេកស្លាប់ក្នុងបន្ទប់ស្នាក់នៅ ដោយសារតែគាំងបេះដូង កាលពីថ្ងៃទី១៦ ខែកញ្ញា ឆ្នាំ២០១៦ កន្លងទៅ នៅក្នុងអាគារស្នាក់នៅបុគ្គលិក នៅផ្លូវដើមពុទ្រា ស្ថិតក្នុងភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ។
លោក ចាន់ រដ្ឋា មេបញ្ជាការស្ដីទីកងរាជអាវុធហត្ថក្រុងប៉ោយប៉ែត បានឲ្យដឹងថា ជនរងគ្រោះឈ្មោះ ឈុន ណារ៉ាន់ អាយុ៣៦ឆ្នាំ ជាសន្តិសុខ កាស៊ីណូហ្គោឌិនក្រោន មានស្រុកកំណើតនៅភូមិស្ទឹងត្រង់ ឃុំស្ទឹងត្រង់ ស្រុកស្ទឹងត្រង់ ខេត្តកំពង់ចាម។
ក្រោយពេលកើតហេតុ សមត្ថកិច្ចជំនាញបានចុះមកដល់កន្លែងកើតហេតុភ្លាមៗ ដើម្បីពិនិត្យសាកសព ហើយរកឃើញថាជនរងគ្រោះស្លាប់ដោយសារគាំងបេះដូង។ បច្ចុប្បន្នសព ត្រូវបានសមត្ថកិច្ចទាក់ទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី នៅស្រុកកំណើត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]