ភ្នំពេញ ៖ លេចចេញព័ត៌មានថា តារាសម្តែង ខៀវ សុខារ៉ាវី មានកូនជាមួយគូស្នេហ៍លាក់មុខ មិនព្រមលាតត្រដាងពីជីវិតឯកជន ខណៈដែលបាត់មុខពីពិភពសិល្បៈសាជាថ្មី ស្របពេលនាងសម្ងំពពោះកូនទីពីរ។
នាងនឹងទៅសម្រាលកូន នៅប្រទេសថៃដូចកូនទី១ ដែរព្រោះដើម្បីគេចចេញឆ្ងាយពីភ្នែក មហាជនដែលអាចស្គាល់នាង។ បើតាមអ្នកសិល្បៈម្នាក់ស្និតបានឱ្យដឹងការពីពេល ថ្មីៗកន្លងមកថា ខៀវ សុខារ៉ាវី ដែលទើបវិលមករកពិភពសិល្បៈសាជាថ្មីនោះ សម្រេចចិត្តបោះបង់ចោល ការងារសិល្បៈវិញយ៉ាងស្ងាត់ស្ងៀម ។
តារាស្រីរូបនេះកំពុងពពោះកូនទីពីរដែលពេលនេះជិតគ្រប់ខែទៅហើយ ។ មិនទាន់បញ្ចប់អាជីពសិល្បៈទេ នាងគ្រាន់តែសម្រាកមួយរយៈប៉ុណ្ណោះ ដើម្បីមើលថែគភ៌ក្នុងផ្ទៃដែលជាកូនទី២របស់នាង ។ នៅហាង Mini Mart របស់សុខារ៉ាវី ដែលស្ថិតនៅតាមបណ្តោយវិថីសុធារស ក៏គេធ្លាប់ឃើញ ផ្ទៃពោះរបស់សុខារ៉ាវី ធំទំនងជានាងមានផ្ទៃពោះ។ យូរៗម្តងទើបនាងបង្ហាញមុខនៅហាង ដោយស្លៀកពាក់ រលុងៗ ។
ប្រភពដដែលប្រាប់ថា សុខារ៉ាវីកំពុងពពោះកូនស្រី ដែលមានអាយុប្រហែល៦ខែហើយ ។ ខកខានឃើញខៀវ សុខារ៉ាវី យូរដែរហើយ ព្រោះនាងមិនសូវចេញក្រៅ ប្រហែលជានៅផ្ទះ ថែខ្លួនព្រោះតាមដឹងនាង ជិតសម្រាលកូនហើយ នៅសល់មិនដល់២ខែទៀតទេ ។ នាងនឹងទៅសម្រាលកូន នៅប្រទេសថៃដូចកូនទី១ដែរព្រោះដើម្បីគេចចេញឆ្ងាយ ពីភ្នែកមហាជនដែលអាចស្គាល់នាងថា ជាអ្នកសិល្បៈ ។ មិនមានការបញ្ជាក់ទេថា ឪពុកដែលកូនទី២របស់ខៀវសុខារ៉ាវី គឺជាអតីតស្វាមី ឬបុរសថ្មីទេ ខណៈនាងមិនដែលទម្លាយរឿងរ៉ាវផ្ទាល់ខ្លួនច្រើនប្រាប់ដល់មិត្តរួមអាជីពឡើយ ។
សូមរំលឹកថា កូនប្រុសទី១របសខៀវ់ សុខារ៉ាវី ពេលនេះមានអាយុជាង៤ឆ្នាំហើយ ។ ស្វាមីរបស់នាងលេចឮថាជាយោធាផ្កាយពីរ និងសម្បូរទ្រព្យ ប៉ុន្តែមានដំណឹងជាហូរហែថា នាងបែកបាក់ពីលោកឧត្តមសេនីយ៍នោះហើយកាលពីឆ្នាំ២០១៤ ដូច្នេះទើបនាងសម្រេចចិត្តត្រឡប់ចូលប្រឡូកក្នុងអាជីពសិល្បៈវិញ ។
ទោះយ៉ាងណា ខៀវ សុខារ៉ាវី មិនទទួលស្គាល់ ថាចំណងស្នេហ៍គ្មាន អាពាហ៍ពិពាហ៍ របស់នាងបែកបាក់ដាច់ស្រាច់នោះទេ ។ ចេញមុខលើឆាកសិល្បៈមិនបានប៉ុន្មានផងនៅដើម ឆ្នាំ២០១៦នេះ ស្រាប់តែបាត់មុខសុខា រ៉ាវីសាជាថ្មីម្តងទៀត។ ច្រើនខែមកនេះមានពាក្យ ចចាមអារ៉ាមថា នាងបានដកខ្លួនពីសិល្បៈទៅធ្វើជំនួញផ្នែកអចលនទ្រព្យ និងខ្លះទៀតថានាងបានវិលជួប មន្ត្រីយោធាសាងស្នេហា។
ដូចជាពេលមុនដែរស្វាមី របស់នាងជំទាស់មិនឱ្យនាង លេចមុខមាត់ក្នុងនាមជាអ្នកសិល្បៈទេ ។ ទាក់ទងនឹងរឿងនេះ LookingTODAY នៅមិនទាន់អាចស្វែងរក ការបញ្ជាក់ពីខៀវ សុខារ៉ាវី បាននៅឡើយទេព្រោះ តែទូរស័ព្ទមិនចូល មានតែរង់ចាំតារាស្រីរូបនេះ ចេញមុខបកស្រាយ នៅពេលក្រោយ ដោយក្ដីរីករាយ ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]