ភ្នំពេញ ៖ បន្ទាប់ពីLooking Today បានផ្សាយពីកញ្ញា ព្រីម លីហ្សា បានទៅចូលរួមកម្មវិធី ដេញថ្លៃសំលៀកបំពាក់ សប្បុរស ធម៌ ជួយដល់ក្មេងៗ ក្រីក្រនៅលើពិភពលោក ក្នុងប្រទេសវៀតណាម ដែលក្នុងនោះ នាងបានបរិច្ចាគថវិកាផ្ទាល់ខ្លួន ចំនួន១ ពាន់ដុល្លារ ខណៈកុមារកម្ពុជា គ្មានសំណាងទទួលបានដោយផ្ទាល់។
កញ្ញា ព្រីម លីហ្សា ជាតារាសម្ដែងនិយមការបង្ហាញម៉ូដក្រៅប្រទេស និងប្រើតែសម្ភារៈប្រេនៗ បកស្រាយកាលពីថ្ងៃទី២០ វិច្ឆិកាថា " ខ្ញុំ បរិច្ចាគថវិកាផ្ទាល់ខ្លួន ចំនួន១ពាន់ដុល្លារនេះជាទឹកចិត្ត អ្នក បង្ហាញម៉ូដ ប្រទេសផ្សេងក៏បានធ្វើអីចឹងដែរ ។ ការដេញថ្លៃសំលៀកបំពាក់ដើម្បីយកថវិកានៅប្រទេសវៀតណាមជួយកុមារក្រីក្រនៅលើពិភពលោក ក្នុងនោះ ក៏មានប្រទេសខ្មែរយើងដែរបង ។
កន្លងមកគ្រួសារខ្ញុំក៏ធ្លាប់បានធ្វើការងារសប្បុរសធម៌ដែរ ប៉ុន្តែមិនដែលបានបញ្ចេញនោះទេ" ។យើងសង្កេតឃើញថា បណ្តាអ្នកសិល្បៈនៅកម្ពុជាជាច្រើនខិតខំគៀងគរ ប្រមូលថវិកាបន្តិចបន្តួច មកជួយសប្បុរសធម៌ ជួយដល់កុមារកម្ពុជា ដែលកំពុងត្រូវការសង្រ្គោះកុមារ ពីមន្ទីរពេទ្យគន្ធបុប្ផា ជាដើម ហេតុអីមិនជួយឲ្យចំគោលដៅ តែម្តងទៅ។
កុមារក្រីក្រក្នុងប្រទេសយើងច្រើនណាស់ ដែលកំពុងត្រូវការជំនួយជាហូរហែរ តែមិនមានសំណាងទទួលពីតារា ប្រេនៗម្នាក់ សោះ ផ្ទុយស្រឡះពីតារាផ្សេងៗទៀត កំពុងដង្ហើយរកជំនួយមកឧបត្ថម្ភ ដល់កុមារកម្ពុជាយើង។ជាការឆ្លើយតបពី កញ្ញា ព្រីម លីហ្សា តារាសម្តែងបរទេសនិយមថា "នាពេលខាងមុខនេះខ្ញុំនឹងគ្រួសារ នឹងរៀបចំបរិច្ចាគក្នុងការងារសង្គម ជួយ ដល់កុមារ និងមានការងារជាច្រើនទៀតដែលត្រូវនឹងធ្វើ ព្រោះពីមុនក៏ធ្លាប់ធ្វើដែរ តែសូវបានបញ្ចេញឲ្យគេដឹង" ។
សូមជម្រាបថា តារាសម្តែង ចូលចិត្តសិចស៊ី ព្រីម លីហ្សា ជាតារាម៉ូដែល ដែលចូលចិត្តលេងម៉ូដសម្លៀកបំពាក់ និងសម្ភារៈ Brand ថ្លៃៗ ហើយតែងធ្វើឲ្យប្រិយមិត្ត ភ្ញាក់ផ្អើលតម្លៃសម្លៀកបំពាក់ ខ្ពស់ស្ទើរតែមិនជឿ។ ពេលមួយដែលនាង ទើបតែត្រលប់មកពីកម្មវិធី Paris Fashion Week នៅបារាំងនោះ បានបង្ហាញម៉ូដសម្លៀកបំពាក់ ៣ ម៉ូដ brand ល្បីៗ មានតម្លៃជាង បីម៉ឺនដុល្លារ ឯណោះ។ គួររំលឹកថា នាពេលកន្លងមកមានទស្សនិកជនបានរិះគន់តារាសម្តែងនាងព្រីម លីហ្សា ថាពូកែខាងអួតប្រើរបស់ប្រេនៗ ហើយ ថ្មីនេះបានយករូបថតដែលស្ទាយតារាបរទេសមកប្រៀបប្រដូចជាមួយនឹងតារាចម្រៀងដ៏ល្បីល្បាញរបស់អាមេរិកនាង សេឡេណា ហ្គោមេស រងការរិះគន់យ៉ាងខ្លាំងបន្ថែមទៀត ។
តារាសម្តែងនាងព្រីម លីហ្សា បង្ហោះរូប ហើយប្រៀបធៀបខ្លួនឯងស្រដៀងទៅនឹងតារាចម្រៀងដ៏ល្បីអាមេរិកនោះទទួលបាន ការសរសើរផង និងការរិះគន់ផង ដោយពួកគេសម្តែងការហួសចិត្តនៅពេលដែលឃើញតារាខ្មែររូបនេះបែរជាយកខ្លួន ឯងទៅប្រៀបធៀបជាមួយតារាបរទេសទៅវិញ ដែលវាផ្ទុយគ្នា ចង់ មួយរយដឺក្រេ។ បន្ទាប់ពីរងការរិះគន់ពីអ្នកដែលចូលមើលនោះមកតារាសម្តែងនាងព្រីម លីហ្សា បដិសេធម្ចាស់ផេកដែលបង្ហោះនោះ និងចាត់ទុកជាផេកក្លែងក្លាយដែលប្រើ ប្រាស់ ឈ្មោះ និងរូបរបស់នាង ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
