ខេត្តពោធិ៍សាត់ ៖ ស្ត្រីម្នាក់ត្រូវប្តីកំណាចកាប់ចំនួន៧កាំបិត ព្រមទាំងវាយនឹងដំបងជាំពេញខ្លួន បណ្តាលឱ្យដេកដួលសន្លប់ក្នុងថ្លុកឈាម ព្រោះតែរឿងប្រចណ្ឌដោយគ្រាន់តែទូរស័ព្ទត្រូវគេឆ្លើយថា ជាប់រវល់។ ហេតុការណ៍នេះបានកើតឡើងកាលពីវេលាម៉ោង៩ព្រឹកថ្ងៃទី២៧ កុម្ភៈ ២០១២ នៅភូមិស្ទឹងកំបុត ឃុំត្រពាំងជង ស្រុកបាកាន ។
ស្ត្រីរងគ្រោះឈ្មោះធឿន ចាន់ទី អាយុ៣១ឆ្នាំ កំពុងសម្រាកនៅមន្ទីរពេទ្យខេត្តពោធិ៍សាត់ បានបង្ហើបប្រាប់កោះសន្តិភាពថា ប្តីរបស់ខ្លួនឈ្មោះម៉ៅ វុធ អាយុ៤៦ឆ្នាំ រៀបការជាមួយគ្នាប្រហែល១០ឆ្នាំ មកហើយ មានកូន២នាក់ ។ នាងបន្តទាំងសំឡេងខ្សាវៗថា ដោយសាររស់នៅមិនសូវចុះសម្រុងនឹងគ្នានាងក៏សុំលែងលះជាមួយប្តី តែប្តីមិនព្រមលែងលះទេ ហើយកាលពីខែសីហា ឆ្នាំ២០១១ កន្លងទៅប្តីបានកាប់នាងចំនួន៣ពូថៅម្តងហើយ ព្រោះតែរឿងប្រចណ្ឌគ្មានហេតុផលនេះដែរ ។
នៅថ្ងៃកើតហេតុលោកប្តីបានទូរស័ព្ទទៅរកនាង ខណៈនាងស្នាក់នៅផ្ទះរបស់ម្តាយ តែពេលនោះទូរស័ព្ទរបស់នាងត្រូវគេឆ្លើយថា ជាប់រវល់លោកប្តីក៏កើតមានការប្រចណ្ឌ លុះពេលនាងត្រឡប់ពីផ្ទះម្តាយ ប្តីចោទថា ខ្លួនមានសហាយក៏ទាញកាំបិតកាប់នាងចំនួន៧កាំបិតចំក្បាល ចិញ្ចើម ដៃ ជើង រួចគេចខ្លួនបាត់ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]