(ភ្នំពេញ)៖ សំណុំរឿងពាក់ព័ន្ធករណីបង្ហោះ រូបអាក្រាតកាយ របស់តារាចម្រៀងស្រីមាឌល្អិត ប្រចាំផលិតកម្មភ្លេងរីខត កញ្ញា វ៉ាន់ នីឡា បន្ទាប់ពីត្រូវបានតុលាការ បើកការស៊ើបអង្កេត និងបានធ្វើការសម្រេច ចោទប្រកាន់ទៅលើអតីតមិត្តប្រុស របស់នាង គឺលោក គុយ សទ្ធិសក្តិ ចំនួនពីរករណី ដែលករណីទីមួយ គឺការបង្ហោះរូបអាក្រាត និងករណីទីពីរការប្រើហិង្សារ ដោយចេតនានោះរួចមក នៅថ្ងៃទី១៧ ខែវិច្ឆិកា ឆ្នាំ២០១៦ស្អែកនេះ ត្រូវបានតុលាការចេញដីការ កោះហៅឲ្យចូលខ្លួនបំភ្លឺជាថ្មី ខណៈកន្លងមកជនសង្ស័យរូបនេះ បានបន្តគេចខ្លួន មិនចូលចំនួន៤លើក រួចមកហើយ ដោយក្នុងនោះមាន២លើក ស្ថិតក្នុងក្រសួងមហាផ្ទៃ។
បើតាមការបញ្ជាក់ប្រាប់ ឲ្យដឹងពីសំណាក់តារាស្រី កញ្ញា វ៉ាន់ នីឡា បានលើកឡើងថា «ថ្ងៃ១៧ ខែវិច្ឆិកា ស្អែកនេះ នៅវេលាម៉ោង២ ខ្ញុំនឹងរង់ចាំស្តាប់ ពីមេធាវីដែលចៅក្រម ហៅជនសង្ស័យឲ្យចូល ទៅតុលាការ ក្រោយពី មិនបានចូលខ្លួន៤ដងមកហើយ គឺពីរដងនៅក្រសួងមហាផ្ទៃ ២ដងកោះហៅដោយព្រះរាជអជ្ញារង តុលាការក្រុងភ្នំពេញ។ លើកនេះ គឺលើកទី៥ ដែលកោះដោយចៅក្រមស៊ើប។ ក្នុងករណីដែលមិនចូលខ្លួន តាមការកំណត់ខាងលើតុលាការ និងចេញបញ្ជាបង្គាប់ឲ្យនាំខ្លួន!»។
សូមបញ្ជាក់ថា អតីតសង្សារបស់តារាចម្រៀងស្រី កញ្ញា វ៉ាន់ នីឡា គឺលោក គុយ សិទ្ធិសក្តិ ត្រូវបានស្គាល់គ្រប់គ្នាថា ជាមន្ត្រីប៉ូលិសពាក់សក្តិ៤កន្លះបម្រើការងារ នៅអគ្គនាយកដ្ឋានពន្ធនាគារ ក្រសួងមហាផ្ទៃ និងត្រូវជាកូនប្រុសរបស់លោកឧត្តមសេនីយ៍ម្នាក់ បម្រើការងារនៅក្រសួងមហាផ្ទៃ ដូចគ្នា។ ដូច្នេះមានមហាជនជាច្រើន កំពុងតែទន្ទឹងរង់ចាំមើល លើចំណាត់ការស្វែងរកយុត្តិធម៌ ពីសំណាក់តុលាការថា តើបុគ្គលរូបនេះអាចនឹងប្រឈមផ្លូវច្បាប់ ឬយ៉ាងណា លើករណីទម្លាយរូបអាក្រាត របស់តារាស្រីកញ្ញា វ៉ាន់ នីឡា នោះ៕
ប្រភព៖ Khmertalking
កំណត់ហេតុខ្មែរឡូត៖
ដោយឡែកជុំវិញករណីនេះដែរ គួររំលឹកព័ត៌មានចាស់លើកមុនផងដែរថា វ៉ាន់ នីឡា បង្ហោះវីដេអូ ក្រោយពីអតីតសង្សារ ត្រូវបានចោទប្រកាន់ ពីបទបង្ហោះរូបអាក្រាត និង ប្រើហិង្សាលើនាង ។ គួររំលឹកផងថា ក្រោយពីព្រះរាជអាជ្ញារងអមសាលាដំបូងរាជធានីភ្នំពេញ សម្រេចចោទប្រកាន់អតីតមិត្តប្រុសកញ្ញា វ៉ាន់ នីឡា តារាចម្រៀងប្រចាំផលិតកម្ម Pleng Record ចំនួនពីរបទល្មើស ដូចជា បង្ហោះរូបភាពអាសអាភាស និងអំពើហិង្សាដោយចេតនា រួចមក កញ្ញា វ៉ាន់ នីឡា ក៏ហាក់ដូចជា ធូរស្រាលក្នុងចិត្ដបន្ដិចផងដែរ។
នេះបើតាមសារ និងវីដេអូដែលកញ្ញាទើបតែបង្ហោះឡើងកាលពីអំឡុងខែកញ្ញាកន្លងទៅនេះថា បណ្ដាញសង្គមហ្វេសប៊ុករបស់កញ្ញា ផ្ទាល់បានឲ្យដឹងថា << ឥលូវនេះតុលាការបានធ្វើការចោទប្រកាន់ទៅលើអតីតមិត្តប្រុសរបស់នាងខ្ញំុគឺលោក គុយសទ្ធិសក្តិ ពីរករណី ដែលករណីទីមួយ គឺការបង្ហោះរូបអាក្រាត នឹងការប្រើហិង្សារដោយចេតនា .
យ៉ាងណាមិញយើងទាំងអស់គ្នា និងរងចាំមើលនៅចំណាត់ការបន្ទាប់របស់តុលាការ .
ឆ្លៀតក្នុងឱកាសនេះ នាងខ្ញំុសូមអគុណយ៉ាងជ្រាលជ្រៅ ចំពោះការអាណិតស្រលាញ់លើកទឹកចិត្តចំពោះបងប្អូន ពុក ម៉ែ អ៊ំុ ពូ មីង និង fan ទាំងអស់គ្នា មកលើរូបនាងខ្ញំុ ដែលក្នុងនោះផងដែរគឺមានការជួយជ្រោមជ្រែង ពី
-សមាគមមិត្តសិល្បះស្មគ្រ័ចិត្តជួយសង្គម បានផ្តល់ជូន មេធាវី ចំនួនពីររូបជូននាងខ្ញំុ
- សមាគមមិត្តសិល្បះករ នឹងគ្រួសារតារាកម្ពុជា បានរួបរួមគ្នាជាកំលាំងចលករ ដឹកនាំបងបងសិល្បះករ ចំនួន ជាងពីរយនាក់ដើម្បីធ្វើញត្តិជូនទៅដល់លោកជំទាវរដ្ឋមន្រ្តីនៃក្រសួងវប្បធម៌ !
ការអាណិតស្រលាញ់ទាំងអស់ហើយ នេះបានជម្រុញទឹកចិត្តនាងខ្ញំុអោយមានស្នាមញញឹម នឹងមានភាពរឹងមាំតតាំងជំនះនៅបញ្ហា
ខ្ញំុស្រលាញ់អ្នកទាំងអស់គ្នា !>> ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]