(កណ្តាល)៖ សពជនរងគ្រោះជាកីឡាករអុំទូក២នាក់ ដែលបានបាត់ខ្លួនក្នុងទឹក ក្រោយទូក ង របស់ពួកគេប៉ះជាមួយទូកទេសចរណ៍ នៅមុខព្រះបរមរាជវាំង កាលពី២ថ្ងៃមុននោះ នៅព្រឹកថ្ងៃទី១៣ ខែវិច្ឆិកា ឆ្នាំ២០១៦នេះ ត្រូវបានប្រជាពលរដ្ឋប្រទះឃើញហើយ ដោយសពជនរងគ្រោះម្នាក់ បានរសាត់អណ្តែតតាមខ្សែទឹក រហូតដល់ស្រុកស្អាង និងសពជនរងគ្រោះម្នាក់ទៀត បានរសាត់អណ្តែតដល់ស្រុកល្វាឯម ខេត្តកណ្តាល។
មន្រ្តីនគរបាលស្រុកស្អាង បានឲ្យដឹងថា សពជនរងគ្រោះឈ្មោះ ឈឿន សុខុម ហៅ ចន អាយុ៣៣ឆ្នាំ មានកសិករ ចំណុះទូកងរវត្តអម្ពរវ័ន្តហៅវត្តថ្មី រស់នៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ ត្រូវប្រជាអ្នកនេសាទជនជាតិចាម ប្រទះឃើញនៅចំណុចកំពុងដរកំពង់ព្រីង ភូមិកំពង់ព្រីង ឃុំសត្បូ ស្រុកស្អាង ខេត្តកណ្តាល។
ដោយឡែកលោក សិុន ជះ នាយនគរបាលប៉ុស្តិកោះរះ ស្រុកល្វាឯម បានបញ្ជាក់ថា នៅវេលាម៉ោង ប្រមាណ៧៖៤៥នាទី ព្រឹកមិញ ប្រជាពលរដ្ឋបានប្រទះឃើញសពជនរងគ្រោះម្នាក់ នៅចំណុចមាត់ទន្លេ ភូមិកោះរះក្រោម ឃុំកោះរះ។
លោកមេប៉ុស្តិ បានឲ្យដឹងថា សពជនរងគ្រោះ ក្រោយការពិនិត្យ និងការសួរនាំទៅ គឺជាជនរងគ្រោះកីឡាករអុំទូក ដែលបាត់ខ្លូនក្រោយ បុកជាមួយទូកទេសចរណ៍នោះមែន។ ជនរងគ្រោះមានឈ្មោះ ឈ្មោះ សុខ ចាន់ចេស្តា អាយុ១៨ឆ្នាំ។
សូមបញ្ជាក់ថា ទូក ង មកពីវត្តអម្ពវ័ន្ត ស្ថិតនៅសង្កាត់ព្រែកថ្មី ខណ្ឌច្បារអំពៅ មានឈ្មោះថា រស្មីស្រីស្រស់ដាញ់ទិព្វសែនជ័យ ពេលសណ្តោងមក ប្រណាំងសាកល្បង នៅព្រឹកថ្ងៃទី១១ ខែវិច្ឆិកា ឆ្នាំ២០១៦នេះ ស្រាប់តែបុកជាមួយ ទូកទេសចរណ៍ បណ្តាលឲ្យលិច នៅមុខព្រះបរមរាជវាំង៕
ប្រភព៖ Fresh News
កំណត់ត្រាខ្មែរឡូត៖
ដោយឡែក ហេតុការណ៍មួយទើបតែកើតឡើងផងដែរ កាលពីព្រឹកមិញនេះដែលប្តីមហាកំណាច លែងលះបាន១ថ្ងៃ ស្ទាក់កាប់ប្រពន្ធដាច់.ក។
បន្ទាប់ពីលែងលះបាន១ថ្ងៃ ស្រាប់តែនៅព្រលឹមថ្ងៃទី១៣ ខែវិច្ឆិកា ឆ្នាំ២០១៦ បុរសជាប្តីបានស្ទាក់កាប់ប្រពន្ធ២កាំបិតផ្គាក់បណ្ដាលឲ្យដាច់កស្លាប់ក្នុងថ្លុកឈាមយ៉ាងអាណោចអាធ័មនៅផ្ទះរបស់ខ្លួននៅភូមិកសាង ឃុំចង្ក្រង់ ស្រុកចិត្របុរី ។
នគរបាលប៉ុស្តិ៍រដ្ឋបាលចង្ក្រង់ បានឲ្យដឹងថា មូលហេតុដែលប្តីប្រើកាំបិតផ្គាក់កាប់ប្រពន្ធរហូតដាច់ក្បាលស្លាប់ក្នុងថ្លុកឈាមកណ្តាលភូមិយ៉ាងអាណោចអធ័មនេះគឺកើតមានឡើងក្រោយពីប្តីប្រពន្ធនេះបានកើតមានទំនាស់ជាច្រើនលើកច្រើនសារ ដោយបុរសជាប្តីប្រចណ្ឌប្រពន្ធរហូតឈានដល់ការលែងលះបានរយៈពេល១ថ្ងៃ ។
គរបាលប៉ុស្តិ៍រដ្ឋបាលចង្ក្រង់ បានឲ្យដឹងទៀតថា បុរសដៃដល់ជាប្តីឈ្មោះ ជួ សេងហុង អាយុ៤៧ឆ្នាំ ចំណែក ស្ត្រីរងគ្រោះជាប្រពន្ធឈ្មោះ រី សុខុម អាយុ៣៦ឆ្នាំ ក្រុមគ្រួសារនេះមានកូនប្រុស-ស្រី៥នាក់ និងរស់នៅធ្វើស្រែចម្ការនៅចំណុចដីសម្បទាន ស្ថិតក្នុងភូមិកសាង ឃុំចង្ក្រង់ ស្រុកចិត្របុរី ខេត្តក្រចេះ។
លោកអនុសេនីយ៍ឯក រស់ ប៊ុនធឿន នាយប៉ុស្តិ៍នគរបាលរដ្ឋបាលចង្ក្រង់ បានឲ្យដឹងថា កន្លងមកគ្រួសារនេះ តែងតែមានជម្លោះជាញឹកញាប់ ។ ហើយនៅមុនថ្ងៃកើតហេតុ ពួកគេទាំង២នាក់បានមកដាក់ពាក្យលែងលះគ្នានៅសាលាឃុំចង្ក្រង់ ។ បន្ទាប់ពីលែងលះ និងចែកទ្រព្យសម្បត្តិគ្នាបាន១ថ្ងៃ នៅព្រឹកថ្ងៃកើតហេតុស្ត្រីរងគ្រោះជាប្រពន្ធបានដើរទៅផ្ទះដើម្បីយកខោអាវ ក៏ត្រូវបានជនដៃដល់ជាប្តីប្រដាប់ដោយកាំបិតផ្គាក់កាប់ចំនួន២កាំបិតបណ្តាលឲ្យដាច់.កស្លាប់ក្នុងថ្លុងឈាមតែម្តង ។
លោកអនុសេនីយ៍ឯក រស់ ប៊ុនធឿន បានឲ្យដឹងទៀតថា ភ្លាមៗជនដៃដល់ត្រូវបានកម្លាំងនគរបាលចុះចាប់ឃាត់ខ្លួន និងនាំខ្លួនមកសាកសួរ ។ នៅចំពោះមុខនគរបាល ជនដៃដល់បានឆ្លើយសារភាពថា មូលហេតុដែលនាំឲ្យមានការលែងលះ និងឈានឲ្យមានការកាប់សម្លាប់ ក៏ព្រោះតែរូបគេចោទប្រកាន់ថា ស្ត្រីរងគ្រោះជាប្រពន្ធលួចមានសាហាយ ។
យ៉ាងណាក៏ដោយ ជនដៃដល់ត្រូវបានកម្លាំងនគរបាលព្រហ្មទណ្ឌឃាត់ខ្លួនសាកសួរ ដើម្បីបន្តចំណាត់ការតាមនីតិវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]