ចន ច័ន្ទលក្ខិណា លើកសរសើរសង្សារ ចេះមើលថែកូនស្រីនាង ក្នុងនាមជាឪពុកទី២

ភ្នំពេញ៖ អ្នកនាង ចន ច័ន្ទលក្ខិណា ដែលជាតារាភាពយន្តជើងចាស់ ដ៏មានប្រជាប្រិយភាព និងជាពិធីការនីនាពេលបច្ចុប្បន្ននេះ បានបង្ហាញពីភាពមានសុភមង្គលរបស់ខ្លួន ជាមួយនឹងស្នេហាថ្មី។

នេះបើតាមការឲ្យដឹងកាលពីប៉ុន្មានម៉ោងមុននេះ អ្នកនាង ចន ច័ន្ទលក្ខិណា បានសម្ដែងភាពរីករាយ តាមបណ្ដាញសង្គម ក្រោយពីកូនស្រីដែលជាតំណក់ឈាមតែមួយគត់ រវាងអ្នកនាង និងអតីតស្វាមី យុត្ថារ៉ា ឆានី បានទទួលវិញ្ញាបនប័ត្រពីសាលាឯកជនមួយ។ នៅក្នុងសារសុភមង្គលដ៏វែងអន្លាយនោះ ក៏មានលាយឡំជាមួយនឹងរឿងសង្សាររបស់អ្នកនាងផងដែរ ដែលអ្នកនាងបានលើកសរសើរពីសង្សារ ដែលគាត់បានទំនុកបម្រុងកូនស្រី ទាំងការសិក្សា និងការចាយវាយផងដែរ។

ខាងក្រោមនេះជាសារ ដែលអ្នកនាងបានបង្ហោះឡើង៖

<<ថ្ងៃនេះ jolly បានទទួលវិញ្ញាបនបត្រកម្រិតអន្តរជាតិនៃសាលា UCMAS Congratulations with number 1 Baby ! នេះជាអ្វីដែលម្តាយខំប្រឹងរកលុយដោយមិនគិតថាឈឺឬជា ពេលខ្លះខ្ញុំមានអារម្មណ៍ហត់ខ្លាំងណាស់ដែលសឹងតែ1ឆ្នាំពេញ1ឆ្នាំខ្ញុំសឹងតែមិនស្គាល់ពេលសំរាកហើយនៅតែមិនសល់លុយ តែដោយសារតែខ្ញុំមានចរិករុឹងបុឹងខ្ញុំមិនដែលហ៊ានត្អូញម្តងណាឡើយ ព្រោះមិនចង់អោយកូនបាក់ទឹកចិត្ត តែទ្រព្យសម្បត្តិដែលខ្ញុំសល់គឺចំណេះកូន ពេលដែលកូនប្រឡងបាននិទ្ទេសល្អម្តងៗគឺធ្វើអោយខ្ញុំញញឹមទាំងយំក្នុងចិត្ត ព្រោះតែខ្ញុំឆ្អែតនូវការប្រមាថទាំងឡាយនៃមនុស្ស១ចំនួនធំដែលគិតខុសមកលើខ្ញុំជាស្រីបោះបង់កូន ដែលផ្ទុយពីការពិតទាំងស្រុង ហើយខ្ញុំទទួលពាក្យដៀលទាំងអស់ដោយមិនតបត !!! កូនសូមអរគុណអ្នកម្តាយដែលតែងតែបង្រៀនខ្ញុំអោយមានភាពរុឹងបុឹងក្នុងការគ្រប់គ្រងគ្រួសារក្នុងនាមជាស្ត្រីម៉េម៉ាយ ហើយគាត់គឺជាអ្នកបីបាច់ថែរក្សារកូនស្រីរបស់ខ្ញុំដោយភាពកក់ក្តៅជាទីបំផុត !!! អរគុណ honey Heng Loong ដែលបងផ្តល់ព្រហ្មវិហារធ័មទទួលខុសត្រូវទំនុកបំរ៉ុងលើជីវិតកូនខ្ញុំ ទាំងថ្លៃសិក្សារនិងចាយវាយក្នុងនាមជាឪពុកទី2របស់កូនខ្ញុំដោយល្អឥតខ្ចោះទោះគាត់មិនមែនជាអ្នកមានធូធារខ្លាំងក៏ដោយ.   >>

• ចនច័ន្ទ លក្ខិណា
• គ្រួសារ
• ស្នេហា