(ភ្នំពេញ)៖ សមត្ថកិច្ចបានចាប់យុវជន២នាក់ វាយខ្នោះរួចដឹកទៅកាន់ប៉ុស្តិ៍បឹងកេងកងទី១ ដេីម្បីសួរនាំខណៈអ្នកទាំងពីរវាយកម្ទេចកញ្ចក់រថយន្តតាក់ស៊ី បែកកញ្ចក់ ផ្នែកខាងមុខដោយមិនដឹងថា រវាងភាគីទាំងពីរមានទំនាស់អ្វីឡេីយ។
ហេតុការណ៍នេះកេីតឡេីងវេលាម៉ោង១២៖៤០នាទីរំលងអធ្រាត្រ ចូលថ្ងៃទី៨ ខែវិច្ឆិកា ឆ្នាំ២០១៦ លេីបណ្តោយផ្លូវព្រះសីហនុ សង្កាត់បឹងកេងកង១ ខណ្ឌចំការមនរាជធានីភ្នំពេញ។
ជនសង្ស័យទាំងពីរនាក់ជិះម៉ូតូធំ ពាក់ស្លាកលេខភ្នំពេញះ1CQ-2980 រីឯរថយន្តតាក់ស៊ីបានបែកកញ្ចក់ខាងស្តាំ ពាក់ស្លាកលេខភ្នំពេញ2Q-3384។
យុវជនពីរនាក់ខាងលេីនេះ ម្នាក់រងរបួសក្បាល និងម្នាក់ទៀតដៃជាប់ខ្នោះហេីយ ឆ្លេីយនៅចំពោះមុខសមត្ថកិច្ចថាខ្លួនវាយច្រឡំទេ ហើយក៏គេមិនដឹងថារវាងយុវជនដៃដល់ នឹងម្ចាស់រថយន្តមានទំនាស់អ្វីខ្លះ និងគ្នានោះទេ៕
ប្រភព៖ Fresh News
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន បើកឆាកប្រយុទ្ធ យ៉ាងសាហាវ ពីក្រុមក្មេងស្ទាវ មានគ្នា៥នាក់ វាយស្ទើរខ្ទេចក្បាល របួសធ្ងន់ពីរនាក់ ។ គួររំលឹកផងដែរថា យុវជន២នាក់ ត្រូវជនមិន ស្គាល់មុខ៥នាក់ ប្រើដំបង៤ជ្រុងវាយ ក្នុងចេតនាសម្លាប់ បណ្តាលអោយរង របួសធ្ងន់ដេកសន្លប់នៅក្នុងថ្លុកឈាម កាលពីម៉ោង១០យប់ ថ្ងៃទី៧ ខែកក្កដា ឆ្នាំ២០១៦ កន្លងទៅ នៅចំណុចមុខហាង រាត្រីជួបស្នេហ៍ ស្ថិតក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ ។
បើតាមមន្រ្តីនគរបាល បានឲ្យដឹងថាជនរងគ្រោះមានគ្នា៣នាក់ របួសធ្ងន់២នាក់ រត់រួចខ្លួនម្នាក់ ជនរងគ្រោះទី១-ឈ្មោះ អុល វារៈ ភេទប្រុស អាយុ២០ឆ្នាំ ធ្វើការនៅក្រុមហ៊ុនផលិតទឹកបរិសុទ្ធ ចំណែកម្នាក់ទៀតមិនទាន់ស្គាល់អត្តសញ្ញាណនៅឡើយទេ ចំណែកជនដៃដល់មានគ្នា៥នាក់ មិនស្គាល់អត្តសញ្ញាណទេព្រោះបានរត់គេចខ្លួនបាត់អស់ ។
បើតាមសាក្សីថា មុនពេលកើតហេតុ ជនរងគ្រោះ៣នាក់បានរត់ចេញពីក្នុងហាងផឹកស៊ីយីហោរាត្រីជួបស្នេហ៍ ដោយមានយុវជនមួយក្រុមទៀតមានគ្នា៥-៦នាក់ បានរត់ដេញតាមពីក្រោយ ប្រដាប់ដោយដំបង និងដុំថ្ម បានស្រែកថា វាយវាឲ្យងាប់ ខណៈរត់ចេញបានប្រមាណ១០ម៉ែត្រ ក៏ត្រូវក្រុមជនដៃដល់តាមទាន់ និងវាយសំពងដោយដំបងបែកក្បាលសន្លប់២នាក់ រីឯម្នាក់ទៀតរត់គេចខ្លួនបាត់ ចំណែកជនដៃដល់បន្ទាប់ពីវាយជនរងគ្រោះដេកដួលសន្លប់២នាក់ហើយបាននាំគ្នារត់ឡើងជិះរ៉ឺម៉កម៉ូតូគេចខ្លួនបាត់ស្រមោល៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
