រាជធានីភ្នំពេញ ៖ ម៉ូតូសង់កូរ៉េ១គ្រឿងបុកម៉ូតូគុបមូល៥០ នៅរង្វង់មូលវិមានឯករាជ្យ បណ្តាលឱ្យខ្លួនឯងរងរបួសធ្ងន់ តាមដងមហាវិថីព្រះនរោត្ដមកែងមហាវិថីព្រះមុនីវង្ស ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង១០និង១០នាទីយប់ថ្ងៃទី២៧ កុម្ភៈ ។
ប្រភពព័ត៌មានពីកន្លែងកើតហេតុឱ្យដឹងថា ម៉ូតូគុបមូល៥០ ជិះគ្នា២នាក់ តាមមហាវិថីព្រះនរោត្ដម ពីត្បូងទៅជើង ចំណែកម៉ូតូសង់កូរ៉េ ជិះតាមមហាវិថីព្រះមុនីវង្សពីលិចទៅកើត ។ ខណៈទៅដល់រង្វង់មូលវិមានឯករាជ្យម៉ូតូសង់កូរ៉េបើកជ្រុលទៅបុក ម៉ូតូគុប បណ្ដាលឱ្យដួលគងលើគ្នា ចំណែកជនរងគ្រោះខ្ទាតទៅចិញ្ចើមផ្លូវរងរបួស និងម៉ូតូខូចខាតតិចតួច ។
ជនរងគ្រោះជាអ្នកបើកម៉ូតូគុបមូល៥០ ឈ្មោះអ៊ុយ ផុន ភេទប្រុស អាយុ២១ឆ្នាំ និងអ្នកជិះពីក្រោយឈ្មោះសុធារ៉ា ភេទប្រុស អាយុ២០ឆ្នាំ ទាំងពីរនាក់ជានិស្សិតឆ្នាំទី១ផ្នែកសេដ្ឋកិច្ច ស្នាក់នៅសង្កាត់ភ្នំពេញថ្មី ខណ្ឌសែន សុខ រងរបួសស្រាល ។ ចំណែកអ្នកជិះម៉ូតូសង់កូរ៉េរងរបួសធ្ងន់ត្រូវរថយន្ដដឹកយកទៅស ង្ក្រោះនៅគ្លីនិកឯកជន ។
ក្រោយពេលកើតហេតុសមត្ថកិច្ចវាស់វែង ហើយយកម៉ូតូទាំងពីរគ្រឿងទៅរក្សាទុកនៅអធិការដ្ឋានខណ្ឌចំការមន ដើម្បីដោះស្រាយ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
