រាជធានីភ្នំពេញ ៖ តារាសម្តែងឆាយ ស្រីពេជ្រ កំពុងតែបង្កើតចំណងបញ្ហាស្នេហាត្រីកោណ ធ្វើឱ្យផ្អើលសង្គមសិល្បៈ ព្រោះតែចំណោទស្នេហ៍ដែលនាងមាននេះ ត្រូវបានគេទម្លាយថា ជាស្នេហាមួយមិនសមប្រកប ព្រោះមានមនុស្សបីនាក់ ។
បុរសដែលស្រីពេជ្រ កៀកកើយរាល់ថ្ងៃនោះ គឺបុរសមានប្រពន្ធ-កូន ហើយរូបភាពនេះ បានធ្វើឱ្យនារីម្នាក់ចុកចាប់រហូតស្រក់ទឹកភ្នែកជាប្រចាំ ។
មានការលើកឡើងថា ចាប់តាំងពីឆាយ ស្រីពេជ្រ តារាសម្តែងសាច់សស្អាតនេះ មានទំនាក់ទំនងជាមួយបុរសសំបូរប្រាក់ដុល្លារមកនាងហាក់ថមថយការងារសិល្បៈ ដោយមិនសូវជាប្រឡូកច្បាមយកលុយកាក់ល្អិតពីវិថីត្រូវកំដៅថ្ងៃដូចមុនឡើយ ។ មានការនិយាយថា ស្រីពេជ្រត្រូវបានគូស្នេហ៍ដែលគេល្បីថា ជាមន្ត្រីគយនោះ ចេញបម្រាមមិនឲ្យថតសម្តែង ព្រមទាំងចង់ឲ្យរស់នៅស្រួលចិត្ត ព្រមទាំងរិះរកមុខរបរសមគួរណាមួយឲ្យនាងរកស៊ីប្រចាំថ្ងៃបន្តទៀត ។
អ្វីដែលត្រូវបានគេអះអាងឡើងទៀតនោះ បុរសជាគូស្នេហ៍អ្នកមានលុយនោះ ក្រៅពីជាមន្ត្រីគយហើយ គឺមិនមែនជាកំលោះឡើយ មានវ័យ៤០ឆ្នាំ មានប្រពន្ធ និងកូន៣នាក់ ។
ស្នេហារវាងនាងនិងបុរសផ្អែមល្ហែមនោះ បានធ្វើឲ្យស្ត្រីជាប្រពន្ធដើម ហាក់ព្រួយចិត្តរហូតមានពេលខ្លះទួញយំ សម្លឹងមើលប្តីជាទីស្រឡាញ់កៀកកិតជាមួយស្ត្រីថ្មីយ៉ាងរំភើយភ្លេចឆ្នាំងចាស់ ។
លើសពីនេះ នៅលើបណ្តាញសង្គមហ្វេសបុករបស់បុរសម្នាក់ ឈ្មោះRith Pich ក៏បានបង្ហោះរូបផ្អែមល្ហែមទៅកម្សាន្តនៅតំបន់មួយចំនួន មានអមរូបជាមួយឆាយ ស្រីពេជ្រ ដែលមើលទៅជារូបបែបគូស្នេហ៍ ឬប្តី-ប្រពន្ធ។
បញ្ជាក់ប្រាប់អ្នកយកព័ត៌មានយើងកញ្ញាឆាយ ស្រីពេជ្រ មិនចង់បកស្រាយច្រើន ដោយនាងអះអាងថា កំពុងនៅជិតប្តី ។ពេលនេះនាងឈប់ពីសិល្បៈ ហើយដោយប្តីរបស់នាងចង់ឲ្យសម្រាកប្តីចង់ឲ្យឈប់ ។ តារាដែលក្លាហាននិយាយបានពាក្យប្តីៗ ទាំងមិនបានរៀបការនេះ បានលើកឡើងថា ប្តីខ្ញុំគាត់ជាអ្នករកស៊ីថែមទាំងចង់ឲ្យនាងយកកូនជាចំណងដៃទៀត ដែលនាងអត់ទាន់រកពេលរៀបការបានឡើយ ។
នៅពេលសួរនាំរឿង ដែលគេនិយាយថា ប្តីដែលនាងក្តាប់ពេញដៃ និងពេញមាត់នោះ មិនមែនជាបុរសខ្លួនមួយទេ ជាបុរសធ្លាប់មានប្រពន្ធ កូនរួចហើយ ប៉ុន្តែត្រូវបានឆាយ ស្រីពេជ្រ ប្រកែកថា បុរសនោះជាប្តីរបស់នាង អត់មានអ្នកណាទេ មានតែខ្ញុំមួយគត់។ពីមុនគាត់មានអ្នកណាអ្នកណីមែន តែពេលនេះគាត់មានតែខ្ញុំម្នាក់ទេ។
តាមរយៈការផ្តល់អំណះអំណាងរបស់ស្រីស្អាត ឆាយ ស្រីពេជ្រ មិនបានពាក់ព័ន្ធរបស់អ្នកណានោះ នៅមិនទាន់ដឹងថា នេះជាការណ៍ពិត ឬយ៉ាងណាឡើយ ស្របពេលដែលមានការអះអាងថា នាងពាក់ព័ន្ថបុរសមានប្រពន្ធ ហើយប្រពន្ធគេនោះ ស្រងាកចិត្តស្រក់ទឹកភ្នែក។
តារាសម្តែងឆាយ ស្រីពេជ្រ មានវ័យ២៣ឆ្នាំ ធ្លាប់ថតរឿង «ទឹកចិត្តប្រពន្ធ» ឱ្យផលិតកម្មមហាហង្សរឿង «ម៉ឺនុយធ្នាក់អន្ទាក់
ស្នេហ៍» រឿង «គំនុំអតីតជាតិ» រឿង«ទឹកចិត្តប្រពន្ឋ» ជាដើម ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]