(ភ្នំពេញ)៖ តារាកំប្លែង អ្នកនាង ប៉េង ប៉ោង ត្រូវជាកូនរបស់តារាកំប្លែងជើងចាស់ លោកតា វីតាមីនសេ ក្រោយពីចូលសង្គ្រោះបន្ទាន់ នៅមន្ទីពេទ្យកាល់ម៉ែត្រ ដោយសាជំងឺលើសឈាម និងឡើងជាតិស្ករអស់រយៈ ពេលប្រមាណមួយសប្តាហ៍មកនោះ ឥឡូវត្រូវបានក្រុមគ្រូពេទ្យអនុញ្ញាត ឲ្យវិលត្រឡប់មកផ្ទះវិញហើយ។
បើតាមប្រភពពីផេចសិល្បករកម្ពុជា របស់លោក អ៊ឹម ជីវ៉ា បានសរសេរភ្ជាប់ ជាមួយរូបថត៣ឬ៤សន្លឹកថា «ថ្ងៃនេះយកថវិកាមកជូនតារាកំប្លែង អ្នកនាង ប៉េង ប៉ោង នៅមន្ទីរពេទ្យកាល់មែត្រ ដែលជាការឧបត្ថម្ភរបស់កញ្ញា Mouy Mouy Eu ចំនួន៥០ដុល្លារ ។ សូមបញ្ជាក់ផងដែរថា អ្នកនាងប៉េង ប៉ោង ចេញពីមន្ទីពេទ្យ នៅរសៀលថ្ងៃនេះ (៣១ ខែតុលា) នេះសូមបងប្អូនមេត្តា ជ្រាបជាដំណឹង»។
សូមបញ្ជាក់ថា តារាកំប្លែងអ្នកនាង ប៉េង ប៉ោង ត្រូវជាកូនស្រីបង្កើត របស់តារាកំប្លែងជើងចាស់លោកតា វីតាមីនសេ កាលពីថ្ងៃទីរសៀលថ្ងៃទី២២ ខែតុលា ឆ្នាំ២០១៦ ត្រូវបានក្រុមគ្រួសារបញ្ជូន ទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ ខណៈដែលកម្រិតជាតិស្ករ ដែលមាននៅក្នុងខ្លួននាងឡើង លើសកំណត់ ព្រមទាំងរលាកបំពង់ករ ហើយសម្ពាធឈាមក៏ឡើងផងដែរ៕
ប្រភព៖ Khmertalking
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា តារាកំប្លែង ប៉េងប៉ោង ចូលបន្ទប់សង្គ្រោះបន្ទាន់ទាំងយប់ ។ គួររំលឹកផងដែរថា តារាកំប្លែង អ្នកនាង ប៉េង ប៉ោង ដែលត្រូវគេដឹងថា ជាកូនស្រីនាយវីតាមីនសេ បានចូលមន្ទីរពេទ្យភ្លាមៗ ដើម្បីជួយសង្គ្រោះជីវិត កាលពីយប់សប្តាហ៍មុនកន្លងទៅ។
បើយោងតាមទំព័រហ្វេសប៊ុកសិល្បករកម្ពុជា បានរៀបរាប់ថា អ្នកនាង ប៉េងប៉ោង បានចូលបន្ទប់សង្គ្រោះបន្ទាន់ នៅមន្ទីរពេទ្យកាល់ម៉ែត្រ ដោយសារតែ លើសឈាម និងពិបាកដកដង្ហើម។ ប៉ុន្តែក្រោយពីបានយកចិត្តទុកដាក់ពីលោកគ្រូពេទ្យ ស្ថានភាពរបស់ អ្នកនាង ប៉េងប៉ោង បានត្រឡប់មកជាធម្មតាបន្តិចវិញ ព្រមទាំងបានចេញពីបន្ទប់សង្គ្រោះបន្ទាន់ហើយ។ ចំពោះអាការៈជាតិស្ករឡើងដល់៤០០ រលាកបំពង់ក និងសម្ពាធឈាម ក៏បានចុះវិញហើយដែរ តែរូបនាងនៅតែដាក់អ៊ុកស៊ីសែននៅឡើយ។
ជាមួយគ្នានោះដែរ ក៏មានតារាមួយចំនួន បានទៅសួរសុខទុក្ខ អ្នកនាង ប៉េងប៉ោង ដោយផ្ទាល់ នៅឯមន្ទីរពេទ្យ មានដូចជា លោក អ៊ឹម ជីវ៉ា កញ្ញា សួង សុខារ៉ានីត និង លោក គង្គារ ជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]