(ភ្នំពេញ)៖ តារាសម្ដែងចាស់វស្សា និងតែងតែលេចធ្លោក្នុងសកម្មភាពមនុស្សធម៌ តារាសម្ដែង សាវីន ហ្វីលីព ក្រោយពីចាកចេញពីមន្ទីរពេទ្យ បានប៉ុន្មានម៉ោងប៉ុណ្ណោះ លោកបានចេញវីដេអូមួយ បញ្ជាក់ពីស្ថានភាពជំងឺរបស់ខ្លួន ដើម្បីឲ្យមហាជន ក៏ដូចជាអ្នកគាំទ្របានដឹង ខណៈដែលលោកបានរួចផុតពីអាយិជីវិត ដោយការសង្គ្រោះទាន់ពេលវេលា ពីសំណាក់គ្រូពេទ្យ ក្នុងមន្ទីរពេទ្យកាល់ម៉ែត។
តារាសម្ដែង សាវីន ហ្វីលីព បាននិយាយថា «ខ្ញុំបានចេញពីមន្ទីរពេទ្យកាល់ម៉ែត្រហើយ, សូមអរគុណក្រុមគ្រូពេទ្យនៅផ្នែកសង្រ្គោះបន្ទាន់ និងលោកវេជ្ជបណ្ឌិត សុវណ្ណ កន្និថា ដែលជួយសង្រ្គោះជីវិតខ្ញុំលើកទី២នេះ , លទ្ធផលចុងក្រោយលោកវេជ្ជបណ្ឌិតបញ្ជាក់ថា ខ្ញុំកើតជំងឺស្រ្តេ្តសធ្ងន់ធ្ងរ , គេងមិនលក់ ដោយធ្វើការច្រើនពេក ជាមូលហេតុធ្វើឲ្យឈាមទ្បើងហើយប៉ះពាល់ដល់បេះដូង , នេះជាមូលហេតុចំបងបំផុត នៃស្ថានភាពសុខភាពខ្ញុំ កាលពីថ្ងៃម្សិលមិញ ហើយមិនប៉ះពាល់ដល់ការញ៉ាំ «ហ្វឺ» នៅហាង ទស្សវត្សទី៦០ទ្បើយ.។សូមអរគុណលោកសុះ ម៉ាច និងក្រុមបឹក្សាភិបាល របស់សមាគមសិល្បករកម្ពុជា ដែលបានមកសួរសុខទុក្ខខ្ញុំបាទ នៅព្រឹកនេះ!»។
សូមទស្សនាការបកស្រាយរបស់តារាសម្ដែង សាវីន ហ្វីលីព ដូចខាងក្រោមនេះ៖
ប្រភព៖ Khmertalking
កំណត់ហេតុខ្មែរឡូត៖
ដោយឡែក រំលឹកព័ត៌មានចាស់លើកមុនផងដែរថា តារាសម្ដែងមានឈ្មោះល្បី ក្នុងការងារសិល្បៈ ក៏ដូចជាសកម្មភាមនុស្សធម៌ ជួយដល់សង្គម ជាពិសេសការជីកអណ្ដូងទឹក ជូនដល់បងប្អូនប្រជាពលរដ្ឋក្រីក្រ តាមទីដាច់ស្រយាល លោក សាវិន ហ្វីលីព បានជួបប្រទះនូហេតុការណ៍ នឹកស្មានមិនដល់មួយ ស្ទើរតែមិនរួចជីវិតទៅហើយ ខណៈដែលសម្ពាធឈាម របស់លោក បានឡើងខ្លាំងហួសកម្រិត បណ្ដាលឲ្យបេះដូងធ្វើទុក្ខខ្លាំង ស្ទើរតែគាំងលែងដំណើរការ ហើយពេលបានឆ្លងផុត ត្រូវជួយសង្គ្រោះរួចពីគ្រោះថ្នាក់ ធ្វើឲ្យលោកគិតថា លោកមិននឹកស្មានថា នៅមានជីវិតនោះទេ ប្រសិនបើពុំមានអ្នកជួយ ទាន់ពេលវេលា។
ថ្លែងប្រាប់ Khmertalking ពីមន្ទីរពេទ្យកាល់ម៉ែត្រ នាព្រឹកថ្ងៃទី២៥ ខែតុលានេះថា នៅល្ងាចថ្ងៃទី២៤ តុលា ម្សិលមិញនេះ លោកបានជិះឡានតែម្នាក់ឯង ដើម្បីទៅរកញ៉ាំអី នៅហាងមួយកន្លែងក្នុងកោះពេជ្រ ប៉ុន្តែម៉ោងប្រហែល ជាង៥ល្ងាច ក្រោយពីលោកញ៉ាំរួចរាល់បន្តិច ស្រាប់តែក្នុងខ្លួនមានអាការត្រជាក់ចុងដៃចុងជើង សម្ពាធឈាមឡើងខ្ពស់ បេះដូងលោតលឿនខុសពីធម្មតា ថប់ៗដង្ហើម ធ្វើឲ្យលោកប្រញាប់ប្រញាល បើករថយន្តយ៉ាងលឿន ឆ្ពោះមកមន្ទីរពេទ្យ។ ប៉ុន្តែពេលបើករថយន្ត មកដល់ម្ដុំក្រោយវាំង ដោយសារតែស្ថានភាពក្នុងខ្លួន របស់លោកកាន់តែធ្ងន់ធ្ងរ លោកក៏សម្រេចចូលទៅក្នុងគ្លីនិកមួយ នៅក្បែរនោះ ដើម្បីឲ្យជួយពិនិត្យ និងហៅរថយន្តសង្គ្រោះបន្ទាន់ មកដឹកទៅកាន់មន្ទីរពេទ្យ កាល់ម៉ែត។
លោក សាវិន ហ្វីលីព ស្រដីថា «ពេលនោះខ្ញុំមានតែម្នាក់ឯង ទូរស័ព្ទក៏អត់បានយកតាមខ្លួនទៀត ព្រោះអស់ថ្ម ទុកបញ្ចូលនៅផ្ទះ ខ្ញុំបើកឡានមកដល់ក្រោយវាំង ខ្ញុំក៏រត់ចូលក្នុងគ្លីនិក ឲ្យលោកគ្រូពេទ្យ ជុំ ណាវុធ ពិនិត្យមើល ប៉ុន្តែពេលស្ថានភាពខ្ញុំកាន់តែដុនដាបទៅៗ ខ្ញុំក៏សុំឲ្យគាត់ជួយហៅរថយន្តសង្គ្រោះបន្ទាន់ ដឹកខ្ញុំទៅមន្ទីរពេទ្យ ពេលនោះខ្ញុំគិតថា ខ្ញុំប្រហែលជាត្រូវស្លាប់បាត់ហើយ បើឡានពេទ្យមកយឺតមួយជំហាន ព្រោះក្នុងខ្លួនរបស់ខ្ញុំ រឹងអស់រលីងទៅហើយ និងពិបាកទ្រាំមែនទែន..!»។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]