រាជធានីភ្នំពេញ ៖ នារីវ័យក្មេងស្រស់សោភា ដែលត្រូវគេច្របាច់កសម្លាប់ទុកសាកសពចោលទាំងអាក្រាត ននលគកក្នុងបន្ទប់ផ្ទះសំណាក់ « អូ ! យេស» កាលពីថ្ងៃពីព្រឹកថ្ងៃទី២៥ ខែតុលា ឆ្នាំ២០១៦ ពេលនេះត្រូវបានគេស្គាល់ អត្តសញ្ញាណហើយ ។
ប្រភពពីសមត្ថកិច្ចបានឲ្យដឹងថា នារីវ័យក្មេងរងគ្រោះឈ្មោះ អាង វណ្ណា អាយុ២២ឆ្នាំ ជានារីបម្រើការងារនៅខារ៉ាអូខេ ហេង ហេង នៅម្តុំ DN ស្នាក់នៅផ្ទះជួលលេខ១៦CC ផ្លូវលេខ១០៣ សង្កាត់ផ្សារដេប៉ូ ខណ្ឌទួលគោក មានស្រុកកំណើតនៅភូមិស្នាយពល ឃុំរការ ស្រុកពារាំង ខេត្តព្រៃវែង ។
ប្រភពពីសមត្ថកិច្ច បានឲ្យដឹងទៀតថា កាលពីល្ងាចមិញ (ល្ងាចថ្ងៃទី២៥តុលា) មិត្តភក្តិរបស់នារីរងគ្រោះ ដែលស្នាក់នៅបន្ទប់ជាមួយគ្នា បានឃើញការផ្សាយព័ត៌មាន «ផ្អើលផ្ទះសំណាក់«អូ ! យេស» ! នារីវ័យក្មេងម្នាក់ស្លាប់ទាំងស្រាតននលគក» នៅបណ្ដាញទំនាក់ទំនងសង្គម ពេលនោះនាងមានការសង្ស័យ ក៏ទៅមើលសពនារីរងគ្រោះទើបដឹងថា ជាមិត្តភក្តិដែលស្នាក់នៅ ក្នុងបន្ទប់ជួលជាមួយគ្នា ក៏បានទូរស័ព្ទទៅប្រាប់ឪពុកម្តាយរបស់នាង នៅស្រុកកំណើត ។
សមត្ថកិច្ចបន្តទៀតថា កាលពីយប់មិញ (យប់ថ្ងៃទី២៥តុលា) ឪពុកម្តាយរបស់នារីរងគ្រោះបានមកទទួលយក សពកូនស្រីរបស់គាត់ យកទៅធ្វើបុណ្យនៅឯ ស្រុកកំណើតបាត់ហើយ។ ចំណែកជនដៃដល់ ពេលនេះសមត្ថកិច្ចកំពុងដុតដៃដុតជើង ធ្វើការស្រាវជ្រាវ ដើម្បីចាប់ខ្លួនយកមក ផ្តន្ទាទោសតាមច្បាប់ ។
សូមបញ្ជាក់ថា នារីវ័យក្មេងស្រស់សោភា មានអាយុប្រមាណជាជាង២០ឆ្នាំម្នាក់បន្ទាប់ពីបុរសជាសង្សាររួមរ័ក រួចបានច្របាច់កសម្លាប់ទុកសពចោល ទាំងអាក្រាតកាយននលគកនៅក្នុង បន្ទប់ផ្ទះសំណាក់ រហូតដល់ម៉ោង ១១និង៣០នាទីព្រឹកថ្ងៃទី២៥ ខែតុលា ឆ្នាំ២០១៦ ទើបត្រូវបានគេប្រទះឃើញ បង្កឲ្យមានការភ្ញាក់ផ្អើលនៅក្នុងបន្ទប់ C២០ ជាន់ទី៣ ផ្ទះសំណាក់យីហោ «អូ ! យេស» ដែលមានទីតាំងលេខ១៧ ផ្លូវលេខ១៣២ (ខាងកើតវត្តនាគវ័ន) ក្នុងសង្កាត់ស្រះចក ខណ្ឌដូនពេញ ។
ប្រភព៖ កោះសន្តិភាព
ចុចអានព័ត៌មានចាស់៖
១. ផ្អើលផ្ទះសំណាក់«អូ ! យេស» ! នារីវ័យក្មេងម្នាក់ស្លាប់ទាំងស្រាតននលគក
២. {Update} រួមរ័ករួចច្របាច់កសម្លាប់ ទុកសពចោលទាំងស្រាតននលគកនៅក្នុងផ្ទះសំណាក់
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]