ស្រុកស្អាង ៖ ករណីប៉ុនប៉ងរំលោភសេពសន្ថវ: លើប្អូនស្រីជីដូនមួយរបស់ខ្លួន កាលពីវេលាយប់ម៉ោង ៣និង១០នាទីចូលថ្ងៃទី២៥ តុលា ២០១៦ នេះ ដោយជនសង្ស័យយកទួលណឺវីស គាស់ហែកជញ្ជាំងបន្ទប់ ចូលក្នុងផ្ទះមកសង្គ្រប់លើនាង ហើយយកទួលណឺវីសមកចាក់នាងឱ្យរងរបួសផងដែរ ប៉ុន្តែសំណាងល្អ ត្រូវនាងស្រែកឱ្យគេជួយទាន់ ទើបជនសង្ស័យរត់ចេញវិញ ។
ប្រភពឱ្យដឹងថា នារីរងគ្រោះអាយុ១៥ឆ្នាំ រងរបួសស្នាមត្រង់បំពង់.កខាងស្ដាំ៣កន្លែង, មុតត្រង់ថ្ពាល់ខាងឆ្វេង១កន្លែង និងមុតត្រង់ក្បាល១កន្លែង ។ ដោយឡែក ជនសង្ស័យត្រូវឃាត់ខ្លួនបានឈ្មោះទុយ ម៉េង អាយុ៤២ឆ្នាំ ជាជាងផ្សាដែក។
ប្រភពបន្តថា នារីរងគ្រោះកំពុងដេកលក់ នៅក្នុងបន្ទប់ដែលបាំងវាំងនន ក្នុងផ្ទះរបស់ខ្លួនម្នាក់ឯង ស្រាប់តែជនសង្ស័យ (ត្រូវជាបងជីដូនមួយនារីរងគ្រោះ) បានយកទួណឺវីសគាស់ហែកទាញ ជញ្ជាំងស័ង្កសីចូលបន្ទប់ រួចជនសង្ស័យបានចូលសង្គ្រប់ពីលើនាងទាំងជាប់មុង ដោយអង្គុយពីលើពោះ ហើយយកទួណឺវីសសំរាប់វាស់ចរន្ដអគ្គិសនីចាក់បំពង់.កនាង បណ្ដាលឱ្យមុតជាច្រើនកន្លែង រំពេចនោះ នាងក៏ស្រែកហៅឱ្យគេជួយ ទើបជនសង្ស័យរត់គេចខ្លួន។
លុះបានបន្តិចក្រោយមក ទើបមានសមត្ថកិច្ចនគរបាលប៉ុស្ដិ៍តាខ្មៅ សហការជាមួយសមត្ថកិច្ចនគរបាលប៉ុស្ដិ៍ស្វាយរលំ បានចុះធ្វើ ការឃាត់ខ្លួនជនសង្ស័យមកប៉ុស្ដិ៍ស្វាយរលំ ដើម្បីសាកសួរ ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានយកទួណឺវីសចាក់បំពង់.កនាងពិតប្រាកដមែន ដោយអះអាងថា ខ្លួនមានសភាពស្រវឹងស្រាខ្លាំងវង្វេង ហើយមិនមានបំណងរំលោភ ឬសម្លាប់ទេ ។
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយផ្សេងទៀត នគរបាលស្រុកឆ្លូង បញ្ជួនខ្លួនជនសង្ស័យម្នាក់ទៅតុលាការ ពីបទប៉ុនប៉ងរំលោភលើក្មេងស្រី។
កម្លាំងនគរបាលជំនាញស្រុកឆ្លូង នៅព្រឹកថ្ងៃទី០៤ ខែសីហា ឆ្នាំ២០១៦ កន្លងទៅ បានសម្រេចបញ្ជូនខ្លូនជនសង្ស័យម្នាក់ ទៅតុលាការ ក្រោយពីបានទទួលបណ្ដឹងពីម្ដាយរបស់ជនរងគ្រោះថា ជនសង្ស័យប៉ុនប៉ងរំលោភសេពសន្ថវៈទៅកូនស្រីរបស់ខ្លូន។ មន្ដ្រីនគរបាលស្រុកឆ្លូង បានឲ្យដឹងថា ជនសង្ស័យឈ្មោះ ស្រ៊ីម ចាន់ធឿន អាយុ៤១ឆ្នាំ ហើយត្រូវបានឃាត់ខ្លូននៅថ្ងៃទី០៣ ខែសីហា ឆ្នាំ២០១៦ម្សិលមិញនេះ នៅចំណុចភូមិពង្រ៣ ឃុំពង្រ ស្រុកឆ្លូង បន្ទាប់ពីបានទទួលពាក្យបណ្ដឹងពីម្ដាយរបស់ក្មេងរងគ្រោះឈ្មោះញ ស ខ អាយុ១១ឆ្នាំ។
មន្ដ្រីដដែលបានបន្ដថា នៅយប់ទាបភ្លឺ ថ្ងៃទី៣០ ខែកក្កដា ឆ្នាំ២០១៦ មុនពេលកើតហេតុ ក្មេងរងគ្រោះកំពុងតែគេង ស្រាប់តែមានដៃមករាវស្ទាបគូទនាងម្ដងហើយ ម្ដងទៀត ភ្លាមនោះជនសង្ស័យបានស្ទុះមកច្របាច់មាត់ និងបំពង់ករបស់នាងជាប់មិនឲ្យស្រែក ហើយបានច្របាច់មាត់នាងរហូតដល់បាក់ធ្មេញខាងឆ្វេងអស់មួយ ពេលនោះនាងបានព្យាយាមរើបម្រាស់ រហូតផ្អើលឆោឡោ ទើបធ្វើឲ្យជនសង្ស័យរត់គេចខ្លួនបាត់។
ក្រោយមកម្ដាយជនរងគ្រោះបានមកដាក់ពាក្យបណ្ដឹង ទើបសមត្ថកិច្ចធ្វើការស្រាវជ្រាវចាប់បានជនសង្ស័យតែម្ដង ហើយបានកសាងសំណុំរឿងបញ្ជូនទៅតុលាការនៅព្រឹកនេះ ដើម្បីចាត់ការតាមច្បាប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]