រាជធានីភ្នំពេញ ៖ នារីវ័យក្មេងម្នាក់ ត្រូវបានគេប្រទះឃើញដេកស្លាប់ ទាំងស្រាតននលគក នៅក្នុងបន្ទប់ផ្ទះសំណាក់យីហោ «អូយេស» ដែលមានទីតាំងនៅតាមបណ្ដោយផ្លូវលេខ១៣២ សង្កាត់ស្រះចក ខណ្ឌដូនពេញ បង្កឲ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៥ ខែតុលា ឆ្នាំ២០១៦ ។
ប្រភពពីអ្នកបម្រើ ក្នុងផ្ទះសំណាក់ខាងលើ បានឲ្យសមត្ថកិច្ចបានឲ្យដឹងថា កាលពីវេលាម៉ោងប្រហែល៤ល្ងាច ថ្ងៃទី២៤ ខែតុលា បុរសម្នាក់បានមកជួលបន្ទប់លេខ២០C នៅជាន់ទី៣ ស្នាក់នៅ ។ លុះម៉ោងប្រហែល ៥ល្ងាចថ្ងៃដដែលនារីវ័យក្មេងរងគ្រោះបានមកសួរ និងប្រាប់ថាទៅស្នាក់នៅបន្ទប់នោះដែរ ។
អ្នកបម្រើផ្ទះសំណាក់ ខាងលើបានឲ្យដឹងទៀតថា លុះដល់ម៉ោង១១ព្រឹក ថ្ងៃទី២៥ខែឆ្នាំដដែល គាត់ក៏ឡើងទៅគោះទ្វារ បន្ទប់ដើម្បីសម្អាត និងសួរនាំថាតើស្នាក់នៅបន្តទៀតឬយ៉ាងណា តែពេលទៅគោះទ្វារបន្ទប់ គ្មានអ្នកណាម្នាក់ឆ្លើយសោះ គាត់ក៏ចុះទៅយកសោមកចាក់ ដើម្បីចូលទៅសម្អាត ស្រាប់តែប្រទះឃើញ នារីវ័យក្មេងរូបនោះដេកទាំងអាក្រាតកាយននលគក ក៏ចូលទៅអង្រួនជើងបំណង ដាស់ឲ្យដឹងខ្លួន ពេលនោះទើបគាត់ដឹងថា នារីវ័យក្មេងរូបនោះបាន ស្លាប់បាត់ទៅហើយ ក៏មានការភ្ញាក់ផ្អើល និងរាយការណ៍ទៅសមត្ថកិច្ច ដើម្បីឲ្យចុះមកពិនិត្យ និងធ្វើកោសល្យវិច្ច័យ ។
ប្រភពពីសមត្ថកិច្ច បានឲ្យដឹងថា នៅពេលនេះសមត្ថកិច្ច កំពុងធ្វើកោសល្យវិច្ច័យនៅឡើយ គឺមិនទាន់អាចបញ្ជាក់ បានពីអត្តសញ្ញាណ និងមូលហតុដែលបណ្ដាលឲ្យនារីវ័យក្មេងរងគ្រោះ ស្លាប់បាននៅឡើយទេ ៕
ប្រភព៖ កោះសន្តិភាព
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយវិញទៀត នារីខារ៉ាអូខេរួមរ័កជាមួយបុរសអាវុធហត្ថ លុះព្រឹកឡើងត្រដខ្យល់ស្លាប់។
សេចក្តីរាយការណ៍បឋមឱ្យដឹងថា នារីខារ៉ាអូខេម្នាក់បានត្រដខ្យល់ និងគាំងបេះដូងស្លាប់ ក្រោយពីនាងរួមភេទជាមួយបុរសម្នាក់ ដែលជាមន្ត្រីកងរាជអាវុធហត្ថរាជធានីភ្នំពេញ នៅក្នុងសណ្ឋាគារ «មេគង្គ ហេង មហាផល» បង្កឱ្យភ្ញាក់ផ្អើលកាលពីវេលាម៉ោង០៥ព្រឹកថ្ងៃទី២៥ តុលា ស្ថិតលើវិថីកែវចិន្តា ក្នុងភូមិ៣ សង្កាត់ជ្រោយចង្វារ ខណ្ឌជ្រោយចង្វារ ហើយភ្លាមៗនោះ ក៏ត្រូវបញ្ជូនទៅសង្គ្រោះនៅមន្ទីរកាល់ម៉ែតដែរ តែនាងបានហួសពេលទៅហើយ ។
ប្រភពឱ្យដឹងថា នារីរងគ្រោះដែលស្លាប់ឈ្មោះទុំ គឹមហ៊ឺ អាយុ២៥ឆ្នាំ ជានារីខារ៉ាអូខេ៧២ ម្តុំដំបូកខ្ពស់ មានស្រុកកំណើតនៅភូមិព្រែកបុក ឃុំព្រែកស្ពឺ ស្រុកកោះធំ ខេត្តកណ្តាល ។ រីឯបុរសជាមន្ត្រីអាវុធហត្ថនោះ មិនត្រូវបានស្គាល់ឈ្មោះទេ ។
ប្រភពបន្តថា នារីរងគ្រោះនិងបុរសជាអាវុធហត្ថខាងលើត្រូវគេដឹងថា មានទំនាក់ទំនងស្នេហានឹងគ្នា ហើយមុនពេលកើតហេតុ ពួកគេទាំង២នាក់ បានមកចូលរួមក្នុងពិធីផឹកស៊ីជួបជុំមិត្តភក្តិខាងបុរសអាវុធហត្ថ នៅម្តុំបឹងត្របែក ។ បន្ទាប់ពីផឹកស៊ីរួច ពួកគេទាំង២នាក់ ធ្វើដំណើរមករួមរ័កគ្នានៅក្នុងសណ្ឋាគារខាងលើ ។
លុះនៅវេលាម៉ោង០៥ព្រឹកថ្ងៃកើតហេតុនេះ ក៏មានការភ្ញាក់ផ្អើលថា នារីរងគ្រោះបានត្រដខ្យល់រហូតគាំងបេះដូងស្លាប់តែម្តង ។ ទោះបីជាយ៉ាងណា ករណីនេះ សមត្ថកិច្ចកំពុងធ្វើការពិនិត្យ និងស្រាវជ្រាវបន្ត ហើយចំពោះសាកសពនារីរងគ្រោះ បន្ទាប់ពីពិនិត្យនិងធ្វើកោសល្យរួច នឹងប្រគល់ទៅឱ្យក្រុមគ្រួសារធ្វើបុណ្យតាមប្រពៃណី ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
