(ពោធិ៍សាត់)៖ អំពើហិង្សាក្នុងគ្រួសារបានកើតឡើង ដោយសារកូនផឹកស្រាស្រវឹងរាល់ថ្ងៃ ហើយគម្រាមសម្លាប់ឪពុកម្តាយ ធ្វើឲ្យឪពុកទ្រាំលែងបាន ក៏យកពូថៅកាប់កូនបង្កើតចំកណ្តាលក្បាល និងវាយចំចញ្ចើម បណ្តាលបែកក្បាលលៀនភ្នែករងរបួសធ្ងន់ ពេលបញ្ជូនទៅសង្គ្រោះបន្ទាន់នៅមន្ទីរពេទ្យដាច់ខ្យល់ស្លាប់។
ហេតុការណ៍នេះកើតឡើងនៅវេលាម៉ោង០៦៖៤៥នាទីល្ងាចថ្ងៃទី២១ ខែតុលា ឆ្នាំ២០១៦ នៅចំណុចផ្ទះជនរងគ្រោះ ស្ថិតក្នុងភូមិបាកាន ឃុំត្រពាំងជង ស្រុកបាកាន ខេត្តពោធិ៍សាត់។
លោក យ៉ែម យឿន អធិការរងនគរបាលស្រុកបាកាន បានប្រាប់ភ្នាក់ងារ Fresh News ឲ្យដឹងថា ជនរងគ្រោះដែលឪពុកបង្កើតកាប់នឹងពូថៅ បែកក្បាល និងលៀនភ្នែកស្លាប់នោះ មានឈ្មោះ សាន ឌី អាយុ ២៧ឆ្នាំ មានឪពុកឈ្មោះ កៅ សាន ភេទប្រុស អាយុ ៤៩ឆ្នាំ រស់នៅភូមិឃុំកើតហេតុខាងលើ។
លោកអធិការរងបន្តថា មុនពេលកើតហេតុ ជនរងគ្រោះជាកូនបានផឹកស្រាស្រវឹងជោគ ដោយបាត់បង់ស្មារតីដូចសព្វមួយដង ហើយជារឿយៗជនរងគ្រោះ តែងតែដៀលប្រមាថចង់សម្លាប់ឪពុកម្តាយ ពេលនោះធ្វើឲ្យឪពុកទ្រាំលែងបាន ក៏យកពូថៅកាប់កូនបង្កើតចំកណ្តាលក្បាល និងវាយចំចញ្ចើម បណ្តាលឲ្យបែកក្បាលលៀនភ្នែកឆ្វេងចេញមកក្រៅរងរបួសធ្ងន់ ពេលបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកពោធិ៍សាត់ដាច់ខ្យល់ស្លាប់តែម្តង។
ក្រោយពេលកើតហេតុជនសង្ស័យជាឪពុក បានរត់គេចខ្លួនបាត់ស្រមោល ហើយសាកសពជនរងគ្រោះជាកូនត្រូវបានរថយន្តសង្គ្រោះរបស់មន្ទីរពេទ្យបង្អែកពោធិ៍សាត់ ដឹកត្រឡប់មកលំនៅដ្ឋានវិញ ដើម្បីរៀបចំធ្វើបុណ្យតាមប្រពៃណី៕
ប្រភព៖ Freshnews
កំណត់ហេតុខ្មែរឡូត៖
គួររំលឹកព័ត៌មានចាស់ដែរថា ដោយឡែកករណីមួយផ្សេងទៀតប្រពន្ធកាប់ប្រហារប្តី ព្រោះតែទូរស័ព្ទតម្លៃជាង១០ដុល្លារ។
បុរសជាប្តីត្រូវរងរបួសធ្ងន់ ហើយបានបញ្ជូនទៅកាន់មន្ទីរពេទ្យភ្លាមៗ ដើម្បីសង្គ្រោះ បន្ទាប់ពីត្រូវស្ត្រីជាប្រពន្ធប្រមឹកដេញកាប់ត្រូវ២កាំបិត ក្នុងជម្លោះផឹកស៊ី និងបាត់ទូរស័ព្ទដៃ មានតម្លៃជាង១០ដុល្លារ ដែលហេតុការណ៏នេះ កើតឡើងកាលវេលាម៉ោង០១ថ្ងៃទី០២ តុលា ២០១៦ កន្លងទៅ ស្ថិតនៅចំណុចក្បែរស្ថានីយរថភ្លើងក្រុងព្រះសីហនុ ក្នុងភូមិ៣ស្កាត់លេខ៣ ខេត្តព្រះសីហនុ។
យោងប្រភពពីសមត្ថកិច្ចមូលដ្ឋានសង្កាត់លេខ៣ឱ្យដឹងថា បុរសរងគ្រោះឈ្មោះអ៊ុយ ផានិត អាយុ៤០ឆ្នាំ មានមុខរបរចុះទូកក្តាម ស្នាក់នៅផ្ទះជួលក្បែរកន្លែងកើតហេតុ រីឯស្ត្រីដៃដល់ឈ្មោះពេជ្រ ស្រីល័ក្ខ អាយុ៣៣ឆ្នាំ មានកូនស្រីម្នាក់ មានទីលំនៅក្នុងភូមិ៣ស្កាត់លេខ៣ ខេត្តព្រះសីហនុ បានយកកាំបិតប៉័ងតោ ដេញកាប់ផ្អើលពេញភូមិ បណ្តាលឱ្យរងរបួសធ្ងន់ (ដាច់សរសៃ.កដៃ និងស្មារខាងឆ្វេងមួយកាំបិត) ហូរឈាមសន្លប់ស្តូក ។
ជុំវិញបញ្ហាដេញកាប់ប្តីនេះផងដែរ ស្ត្រីដៃដល់បានរៀបរាប់ថា មូលហេតុដែលដេញកាប់ប្តី គឺមកពីប្តីធ្វើឱ្យបាត់ទូរស័ព្ទតម្លៃជាង១០ដុល្លារ ហើយប្តីបានរករឿងឈ្លោះ រហូតយកដុំឥដ្ឋដេញគប់មកលើរូបគាត់ ទើបគាត់ទ្រាំពុំបាន ក៏ទាញកាំបិតអ្នកជិតខាងកាប់វិញតែម្តង។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
