ភ្នំពេញ៖ កញ្ញា ទឹម រដ្ឋា ដែលជាតារាសម្ដែង និងបង្ហាញម៉ូតមួយរូប មិនត្រឹមតែមានមុខមាត់ដូចកូនកាត់បរទេសនោះទេ តែសូម្បីតែកម្ពស់ និងរូបរាងក៏ស្រស់ស្អាតមិនធម្មតាដែរ។
ជាញឹកញាប់ កញ្ញា ទឹម រដ្ឋា តែងតុបតែងខ្លួនបែបរឹបរាង និងស៊ិចស៊ី បង្ហាញពីដងខ្លួនយ៉ាងស្រឡូន ទៅកាន់មហាជន មិនថាក្នុងដំណើរកម្សាន្ដ ថតកុន ឬហាត់កីឡា។ ក៏ដូចជា កាលពីម្សិលមិញ កញ្ញា បានបង្ហោះរូបភាពមួយសន្លឹកយ៉ាងប្លែក ដែលបង្ហាញពីដើមទ្រូងខុសពីរាល់ដង ជាមួយនឹងការពាក់វ៉ែនតាបែបសម័យថ្មី នៅក្នុងរថយន្ដ ចូលទៅក្នុងបណ្ដាញទំនាក់ទំនងសង្គមផ្ទាល់ខ្លួន។ សម្រាប់រូបភាពនេះផ្ទាល់ ទទួលបានការ likes និងការសរសើរយ៉ាងច្រើន ពីសំណាក់អ្នកគាំទ្រ ថាពិតជាស្រស់ស្អាត។
ចង់ដឹងយ៉ាងណា សូមមើលរូបភាពខាងក្រោម៖
ខាងក្រោមជារូបភាពផ្សេងៗ ដែលកញ្ញា ធ្លាប់បានបង្ហោះចូលទៅក្នុង បណ្ដាញសង្គមរបស់ខ្លួន កន្លងមក៖
កំណត់ត្រាខ្មែរឡូត៖
គួររំលឹកថា បន្ទាប់ពីបង្ហាញមុខគូស្នេហ៍ថ្មី របស់ខ្លួនកញ្ញា ទឹម រដ្ឋា ក៏ធ្លាប់លើកឡើងថា បើសិនជាមានសាច់រឿងដែលតម្រូវ ថតឈុតស្រាតដូច ឌុច លីដា មិនមានអ្វីត្រូវខ្លាចផង ព្រោះមានកត្តា៣យ៉ាង ដែលត្រូវជឿជាក់ នេះជាការអះអាងកាលពីថ្ងៃសម្ពោធរឿង “នារីវេទមន្ត”។
កញ្ញា ទឹម រដ្ឋា បានឲ្យអ្នកសារព័ត៌មានដឹងថា រូបនាងគ្មានអ្វីត្រូវខ្លាចទេ ប្រសិនបើសាច់រឿងដែលនាងសម្តែងតម្រូវឲ្យថតឈុតស្រាតដូច ឌុច លីដា នៅក្នុងរឿង "នារីវេទមន្ត ។ សំរាប់នាងខ្ញុំផ្ទាល់ដូចជាមិនមានអ្វី ត្រូវខ្លាចផងបង ប្រសិនបើសាច់រឿងឲ្យខ្ញុំសម្តែងដូច លីដា។ ព្រោះទី១ខ្ញុំជឿជាក់លើខ្លួនឯងក្នុងការសម្តែង ទី២ ខ្ញុំជឿជាក់ ទៅលើបច្ចេកទេសថតគាត់ មិនធ្វើឲ្យយើងខូចកេរ្ត៍ឈ្មោះនោះទេ និងទី៣ត្រូវមានហេតុផលសមរម្យ មុនពេលថតហ្នឹងថារឿងហ្នឹងវាយ៉ាងម៉េច"។
ជាមួយនឹងស្នាមញញឹម កញ្ញាដែលទើបនឹងជួបស្នេហាថ្មីៗ បន្ថែមថា ពេលថតឈុតស្រាត នាងដឹងច្បាស់ថា នឹងមានការរិះគន់ពីសំណាក់មហាជនជៀសមិនផុតនោះទេ តែទោះបីជាយ៉ាងនេះក្តីនាងនៅតែមិនខ្លាច មតិរិះគន់ពីសំណាក់សារធាណៈជន ព្រោះនាងមានហេតុផលច្បាស់លាស់ដើម្បីបកស្រាយជូនប្រិយមិត្តជានិច្ច៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
