(ភ្នំពេញ)៖ បន្ទាប់ពីមានការផ្ញើសារ ព្រមានប្តឹងពីសំណាក់ តារាសម្តែងសិចស៊ីកញ្ញា ហ្វីហ្វី លើម្ចាស់ Account Facebook ម្នាក់មានឈ្មោះថា Senghong Sin ប្រសិនជាបុរសម្នាក់នោះ មិនព្រមចេញមុខសុំទោសនាង ជាសាធារណៈ ជុំវិញការផ្ញើសារជេរប្រមាថ សុំនាងដេកជាមួយ ថែមទាំងពាក្យសម្តីអសុរោះ មួយចំនួនទៀតនោះ ភ្លាមៗនេះដែរ ម្ចាស់ Account Facebook ម្នាក់នេះ បែរជាមិនព្រមសុំទោស ស្រាប់តែផ្ទុះជម្លោះជាថ្មី និងជម្រុញឲ្យតារាសម្តែង នាង ហ្វីហ្វី ប្តឹងតាមចិត្ត ពោលគឺបុរសម្នាក់នេះ ខាច់ខាតមិនសុំទោសឡើយ។
ឆ្លើយតបនឹងការបង្ហោះ របស់តារាសម្តែង កញ្ញា ហ្វីហ្វី ភ្លាមៗនេះ ម្ចាស់ Account Facebook ឈ្មោះថា Senghong Sin បានចូលទៅ Comment វែកញែកសំអាងខ្លួនត្រូវថា « អ្នកមានសិទ្ធិប្តឹងចុះ អ្នកឯង ជេរម៉ាក់ញ៉ុម (ខ្ញុំ)ហ្នឹង ញ៉ុម(ខ្ញុំ)គ្មានសិទ្ធប្តឹងមែនទេ? និយាយអីឲ្យចេះគិតផងចែ!។ បើអ្នកឯងថ្លៃថ្នូរ អ្នកឯងមិនមែនចេញមកជេរម៉ែគេទេ។ អ្នកឯងមិនយល់ពាក្យគេយាយ(និយាយ) អ្នកសួរគេសិនមក មិនមែនហាមាត់ឡើង ជេរម៉ែគេទេ..!»។
ម្ចាស់ Account Facebook ដដែលនេះបានបន្តថា «អ្នកឯងជេរគេហើយ អ្នកឯងឲ្យខ្ញុំសុំទោស ឲ្យខ្ញុំទទួលកំហុស ហរ ដេកចាំទៅ ពៅ កុំយូរពេក ថ្ងៃនេះម៉ងទៅ។ ខ្ញុំមិនបាននិយាយអីប៉ះពាល់ ដល់គ្រួសារអ្នកឯងមុនទេ អ្នកឯងទេ ដែលនិយាយប៉ះពាល់ដល់ខ្ញុំមុននោះ ហើយខ្ញុំលេងឆាត ជាមួយអ្នកឯង ក៏គ្មាននិយាយពាក្យមិនល្អ ដល់អ្នកឯងដែរ។ អ្នកឯងហាឡើងជេរម៉ែគេហ្មង ឡូយណាស់ហ្ន៎ !»។
«មុនធ្វើអីមួយ គិតឲ្យច្បាស់ទៅ អ្នកណាជេរអ្នកណាមុន។ ខ្ញុំបានបកស្រាយអស់ហើយ ពាក្យ wtf = welcome to facebook. ហើយតាំងពីលេងឆាតជាមួយគ្នាមក ខ្ញុំមិនដែល និយាយអីអាក្រក់ៗដល់អ្នកឯងទេ។ គួរគិតមើលផង។ ហេតុអីនៅសុខៗ ខ្ញុំទៅហ៊ានជេរមនុស្សស្រីនោះ ឲ្យចេះ គិតផង មុនធ្វើអីមួយ ឲ្យចេះសួរគេផងទៅ កុំតែឯងៗពេក »។ នេះជាសម្តីបុរសខាងលើ។
ដោយឡែកកញ្ញា ហ្វីហ្វី ក៏បានឆ្លើយតបយ៉ាងហូរហែដែរថា «លោកឯងភ្លើមែន លោកឯងជេរខ្ញុំមុន អ្នកឯង មិនមើលទេអី យីអត់មើលឆាតអ្នកឯង សារឡើងវិញទេអី។ អ៉ីចឹងអត់អីទេ គេគ្រប់គ្នា គេបានមើលឃើញឆាតលោកឯង និងខ្ញុំ ហើយយកឲ្យប៉ូលិសនឹងអ្នកកាសែត បកប្រែនិងគ្រូ បង្រៀនភាសាអង់គ្លេស គេបកប្រែឲ្យពាក្យ wtf នឹងចុះបានឈប់និយាយ !»។
ទោះបីជាមយ៉ាណា ជម្លោះពាក្យសម្ដីរបស់តារាសម្ដែងសិចស៊ី និងបុរសខាងលើនេះ អាចនឹងមានបណ្ដឹងឡើងតុលាការពិតមែន ឬយ៉ាងណាទេ ខណៈដែលគេដឹងថា ហ្វីហ្វី ក៏មានអ្នកនៅពីក្រោយខ្នង ជាមនុស្សមានស័ក្តិយសធំផងដែរ ហើយនាងក៏ជាមនុស្ស មិនដែលចុះចាញ់អ្វីដោយងាយៗឡើយ។ អ្នកដែលបានដឹងរឿងនេះ កំពុងតែរងចាំមើលថា តើស្រីស្រស់ ហ្វីហ្វី ប្ដឹងបុរសនោះមែន ឬយ៉ាងណា?
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
