ភ្នំពេញ ៖ បន្ទាប់ពីបង្ហាញមុខគូស្នេហ៍ថ្មី របស់ខ្លួនតារាសម្តែងនិងបង្ហាញម៉ូដ មុខដូចកូនកាត់អឺរ៉ុប កញ្ញា ទឹម រដ្ឋា បានលើកឡើងថា បើសិនជាមានសាច់រឿងដែលតម្រូវ ថតឈុតស្រាតដូច ឌុច លីដា មិនមានអ្វីត្រូវខ្លាចផង ព្រោះមានកត្តា៣យ៉ាង ដែលត្រូវជឿជាក់ នេះជាការអះអាងកាលពីថ្ងៃសម្ពោធរឿង “នារីវេទមន្ត”។
កញ្ញា ទឹម រដ្ឋា បានឲ្យអ្នកសារព័ត៌មានដឹងថា រូបនាងគ្មានអ្វីត្រូវខ្លាចទេ ប្រសិនបើសាច់រឿងដែលនាងសម្តែងតម្រូវឲ្យថតឈុតស្រាតដូច ឌុច លីដា នៅក្នុងរឿង "នារីវេទមន្ត ។ សំរាប់នាងខ្ញុំផ្ទាល់ដូចជាមិនមានអ្វី ត្រូវខ្លាចផងបង ប្រសិនបើសាច់រឿងឲ្យខ្ញុំសម្តែងដូច លីដា។ ព្រោះទី១ខ្ញុំជឿជាក់លើខ្លួនឯងក្នុងការសម្តែង ទី២ ខ្ញុំជឿជាក់ ទៅលើបច្ចេកទេសថតគាត់ មិនធ្វើឲ្យយើងខូចកេរ្ត៍ឈ្មោះនោះទេ និងទី៣ត្រូវមានហេតុផលសមរម្យ មុនពេលថតហ្នឹងថារឿងហ្នឹងវាយ៉ាងម៉េច"។
ជាមួយនឹងស្នាមញញឹម កញ្ញាដែលទើបនឹងជួបស្នេហាថ្មីៗ បន្ថែមថា ពេលថតឈុតស្រាត នាងដឹងច្បាស់ថា នឹងមានការរិះគន់ពីសំណាក់មហាជនជៀសមិនផុតនោះទេ តែទោះបីជាយ៉ាងនេះក្តីនាងនៅតែមិនខ្លាច មតិរិះគន់ពីសំណាក់សារធាណៈជន ព្រោះនាងមានហេតុផលច្បាស់លាស់ដើម្បីបកស្រាយជូនប្រិយមិត្តជានិច្ច។
គួររំលឹកថា កន្លងមកកញ្ញា ទឹម រដ្ឋា ក៏ធ្លាប់ទទួលរងការរិះគន់ពីសំណាក់ទស្សនិកជននៅក្នុងសាច់រឿងមួយ ដែលនាងសម្តែងស្លៀកឈុតហែលទឹកបញ្ចេញសាច់សរខ្ចី បានធ្វើឲ្យមតិមួយចំនួនលើកឡើងថា ”ហេតុអ្វីតារាខ្មែរឥឡូវចូលចិត្តស្លៀកសិចស៊ីម៉្លេះ” ភ្លាមៗនោះនាងក៏បានបកស្រាយថា នៅអាងហែលទឹកបើមិនឲ្យស្លៀកឈុតហែលទឹក តើនាងគួរស្លៀកបែបណាវិញ។
សូមជម្រាបថា កញ្ញាទឹម រដ្ឋា បានបង្ហាញរូបភាពកៀកកើយ ជាមួយគូស្នេហ៍ថ្មីរបស់នាងតាមហ្វេសប៊ុក ពីទឹកដីអង្គរខេត្តសៀមរាប កាលពីពេល ថ្មីៗកន្លងមក ស្របពេលដែលគូស្នេហ៍ចាស់ របស់នាងក៏បានបង្ហាញមុខគូស្នេហ៍ថ្មី របស់ខ្លួនដែរ។ គូស្នេហ៍ថ្មីរបស់ទឹម រដ្ឋា គឺជាជនបរទេស មិនមែនជាជនជាតិខ្មែរទេ ។ សង្សាររបស់ ទឹម រដ្ឋា មិនដឹងជាជនជាតិអ្វី និងមានមុខរបរអ្វីនៅក្នុងស្រុក ឬនៅក្រៅស្រុកទេ ប៉ុន្តែគេគ្រាន់តែដឹងថា បុរសម្នាក់នោះឈ្មោះ Jovany Antonio ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]