(ព្រះសីហនុ)៖ ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានបញ្ជាក់ថា នៅថ្ងៃទី០៨ខែតុលាឆ្នាំ២០១៦​ នេះ អាកាសធាតុលើផ្ទៃសមុទ្រ​ ផ្ទៃមេឃខ្មៅ ងងឹត មានសភាពអាប់អួរ ភ្លៀងធ្លាក់ដោយកន្លែង កំលាំងខ្យល់បក់​​កន្ត្រាក់ម្តងៗបង្គួរនិង ទឹក រលកយោលបង្គួរ នៅចន្លោះឃ្លង។

លោកស្នងការបានបញ្ជាក់ថា «ចំពោះឆ្នេរបែរទៅលំហរសមុទ្រ ពិសេសឆ្នេរអូរឈើទាលខ្សល់បក់បង្គួរនិងទឹករលកយោលបែកផ្កាត្រែង។ អាកាសធាតុបែបនេះ ស្ថិតក្នុង ការ តាមដានរបស់សមត្ថកិច្ច ប្រចាំនៅតាមតំបន់ឆ្នេរនិងកោះ អាស្រ័យដូចបានជំរាបជូនព័ត៌មានខាងលើ សូមគោរពអញ្ជើញបងប្អូនប្រជាពលរដ្ឋ ភ្ញៀវទេសចរណ៍ជាតិ និងភ្ញៀវទេសចរណ៍អន្តរជាតិ មេត្តាមកកំសាន្តលេង នៅតាមបណ្ដាលឆ្នេរ និងកោះមានសម្រស់ស្រស់ស្អាត ក្នុងខេត្តព្រះសីហនុយើងឲ្យបានកាន់តែច្រើន ពីព្រោះនៅទីនេះ មានសមត្ថកិច្ចយើងខ្ញុំរងចាំផ្ដល់ព័ត៌មាន និងទំនាក់ទំនងបំរើសេវាជូន នៅក្បែរ»។

លោកឧត្តមសេនីយ៍ស្នងការបានថ្លែងថា សូមគោរព ស្នើសុំ ចូលរួម បំពាក់ពោងពេលធ្វើដំណើរកំសាន្តតាមបណ្ដាលកោះនានា និងការចុះកំសាន្តលេងទឹកក៏សូម ពាក់ពោងការពារ ដើម្បីសុវត្ថិភាព អស់លោកអ្នកឲ្យបានគ្រប់ៗគ្នាផងដែរ សូមអរគុណ គ្រប់យ៉ាងដែលបានសហការណ៏ជាមួយសមត្ថកិច្ចយើងខ្ញុំ៕

ប្រភព៖ Fresh News

កំណត់ត្រាខ្មែរឡូត៖

ងាកមកមើលពីស្ថានភាព​កម្ពស់ទឹក​ជំនន់ នៅតាមបណ្តាស្ថានីយ​​ជលសាស្ត្រ​ទាំង៧ ប្រចាំថ្ងៃទី ០៨ ខែតុលានេះវិញ បានឲ្យដឹងថា ស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន​ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល​ និងស្ថានីយទន្លេសាប​-ព្រែកក្តាម៕

សូមអានព្រឹត្តិបត្រព័ត៌មាន និងការព្យាករណ៍ពីកម្ពស់ទឹកជំនន់ របស់ក្រសួងធនធានទឹកទាំងស្រុង៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]