ខេត្តព្រះវិហារ ៖ បុរសម្នាក់ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២៧ ខែកញ្ញា ឆ្នាំ២០១៦ ដោយចោទប្រកាន់ថា បានប្រើកាំភ្លើងច្នៃកាប៊ីនលបបាញ់សម្លាប់អ្នកភូមិជាមួយគ្នាខណៈទៅ ដេកចាំស្រែនៅភូមិស្រែវាល ឃុំធ្មា ស្រុកជ័យសែន ខេត្តព្រះវិហារ ។
ប្រភពពីសមត្ថកិច្ចបានឲ្យដឹងថា ជនសង្ស័យឈ្មោះ ឌី ជឿន ភេទប្រុស អាយុ៤០ឆ្នាំ រស់នៅភូមិកើតហេតុខាងលើ ចំណែកជនរងគ្រោះ ដែលត្រូវបាញ់សម្លាប់ឈ្មោះ ស៊ីម ធី ភេទប្រុស អាយុ២៧ឆ្នាំ រស់នៅភូមិកើតហេតុជាមួយគ្នា ។
ប្រភពព័ត៌មានពីប្រពន្ធជនរងគ្រោះបានឲ្យដឹងថា មុនពេលកើតហេតុខ្លួន និងប្ដីព្រមទាំងកូនស្រីបានមកដេកចាំស្រែ ។ នៅយប់ថ្ងៃទី២៦ ខែកញ្ញា ឆ្នាំ២០១៦ ស្រាប់តែឮប្ដីស្រែកឲ្យគេជួយ គាត់ក៏រត់មកមើលប្តី ស្រាប់តែឃើញប្ដីត្រូវគ្រាប់ គាត់បានស្រែកឲ្យគេជួយបន្ថែមទៀត តែដោយសារខ្ទមស្រែនៅឆ្ងាយពីភូមិ ហើយត្រូវចំកន្លែងសំខាន់បណ្ដាលឲ្យប្តីគាត់ស្លាប់បាត់បង់ជីវិត នៅកន្លែងកើតហេតុនោះតែម្ដង ។
ប្រភពពីសមត្ថកិច្ចបានឲ្យដឹងទៀតថា ជនរងគ្រោះបានមកដេកចាំស្រែ ក្នុងខ្ទមចម្ងាយយពីភូមិប្រមាណ២គីឡូម៉ែត្រ ។ នៅជុំវិញខ្ទមសុទ្ធតែព្រៃ ហើយខ្ទមមិនមានជញ្ជាំងនិងទ្វារទៀត ងាយស្រួលក្នុងការលួចធ្វើឃាត ។បើតាមការចុះធ្វើកោសល្យវិច្ច័យ ជនសង្ស័យត្រូវបានលួចបាញ់មិនឆ្ងាយ ពីកន្លែងកើតហេតុប៉ុន្មានទេ ព្រោះបាញ់ចំដៃផុតខាងស្ដាំធ្លាយមកក្រោមក្លៀកខាងស្ដាំ ទើបបណ្ដាលឲ្យស្លាប់ភ្លាមៗតែម្ដង ។
ប្រភពបានបន្តថា នៅកន្លែងកើតហេតុសមត្ថកិច្ចបានរកឃើញគ្រាប់ ដែកថ្នាំងអំពៅនៅលើរានកន្លែងកើតហេតុ ទើបធ្វើការសន្និដ្ឋានថា អាវុធ ដែលបាញ់មកលើជនរងគ្រោះគឺអាវុធកែច្នៃកាប៊ីន ។ ភ្លាមៗនោះសមត្ថកិច្ចបាន ដាក់កម្លាំងស៊ើបអង្កេតនិងស្រាវជ្រាវតាមដាន រហូតឈាមទៅចាប់ ខ្លួនជនសង្ស័យបានតែម្តង ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនមានគំនុំជាមួយគ្នា ទើបយកកាំភ្លើងច្នៃកាប៊ីនបាញ់គ្រាប់ដែកថ្នាំងអំពៅ ទៅធ្វើឃាតជនរងគ្រោះតែម្តង ៕
ប្រភព៖ កោះសន្ដិភាព
កំណត់ហេតុខ្មែរឡូត៖
ហេតុការណ៍ស្រដៀងនេះដែរ ក៏ទើបតែកើតឡើងនៅក្នុងខេត្ដសៀមរាប ដែលបុរសម្នាក់ត្រូវជនមិនស្គាល់មុខបាញ់ប្រហារ បណ្តាលឲ្យស្លាប់ភ្លាមៗ។
តាមប្រភពព័ត៌មានបានឲ្យដឹងថា បុរសម្នាក់ត្រូវឃាតកបាញ់សម្លាប់នៅកណ្តាលក្រុងសៀមរាប ដោយមិនទាន់ដឹងមូលហេតុ នៅព្រឹកថ្ងៃទី២៧ ខែកញ្ញា ឆ្នាំ២០១៦នេះ ខណ:កម្លាំងសមត្ថកិច្ចពាក់ព័ន្ធ បាននិងកំពុងធ្វើការសើុបអង្កេតករណីឃាតកម្មមួយនេះ។
លោក ភឹង ចិន្តារ៉េត ស្នងការរងនគរបាលខេត្តសៀមរាប ទទួលផែនព្រហ្មទណ្ឌ បានបញ្ជាក់ថា ហេតុការណ៍ភ្ញាក់ផ្អើលនេះបានកើតឡើងនៅចំណុច ក្រុមទី៤ ភូមិត្រពាំងរុន សង្កាត់អំពិល ក្រុងសៀមរាប។
លោកស្នងការរង បានបន្តថា «សម្រាប់មូលហេតុវិញ យើងមិនទាន់ដឹងនៅឡើយទេ ដោយកំពុងស្រាវជ្រាវសិន»។
សមត្ថកិច្ចមូលដ្ឋាន បានឲ្យដឹងថា ជនរងគ្រោះ ពាក់មួកពណ៌ខ្មៅ ស្លៀកខោកាបូយ ពណ៌ទឹកប៊ិច អាវពណ៌ខ្មៅ ហើយមានសាក់ រូបកងចាក់ នៅស្មារខាងឆ្វេង មានអាយុប្រហែលជិត ៣០ឆ្នាំ។
បច្ចុប្បន្នសពជនរងគ្រោះ ត្រូវបានកម្លាំងជំនាញ កំពុងធ្វើការពិនិត្យ និងស្វែងរកសាច់ញាតិ ឲ្យមកទទួលយកទៅធ្វើបុណ្យតាមប្រពៃណី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]