រាជធានីភ្នំពេញ ៖ ខេត្តពោធិសាត់ កំពង់ឆ្នាំង កំពង់ស្ពឺ កណ្តាល តាកែវ និង ខេត្តកំពត ត្រូវយកចិត្តទុកដាក់ប្រុងប្រយ័ត្នចំពោះជំនន់ទឹកភ្លៀងដែលនឹងអាចកើតមានចាប់ពីថ្ងៃទី០១ដល់ថ្ងៃទី០៣ តុលា ២០១៦ ។
នេះបើយោងតាមការព្យាករណ៍អាកាសធាតុចាប់ពីថ្ងៃទី២៧ កញ្ញាដល់ថ្ងៃទី០៣ តុលា របស់ក្រសួងធនធានទឹកនិងឧតុនិយម ដែលចេញផ្សាយជាសាធារណៈនៅព្រឹកថ្ងៃអង្គារនេះ ។
បើតាមក្រសួងជំនាញដដែល កម្ពុជាបាននិងកំពុងទទួលរងនូវឥទ្ឋិពលខ្យល់មូសុងនិរតីនិងប្រព័ន្ឋសម្ពាធទាប បណ្តាលឲ្យមានភ្លៀងធ្លាក់រាយប៉ាយពីបង្គួរទៅច្រើននៅតំបន់វាលទំនាបនិងខ្ពង់រាប ។ ចំណែកតំបន់មាត់សមុទ្រ អាចនឹងមានភ្លៀងពីមធ្យមទៅច្រើនផងដែរ ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា ក្រសួងធនធានទឹក និងឧតុនិយម នៅថ្ងៃទី១២ ខែកញ្ញា ឆ្នាំ២០១៦ បានចេញសេចក្តីជូនដំណឹង អំពីអាកាសធាតុនៅកម្ពុជា ដោយបញ្ជាក់ថា ចាប់ពីថ្ងៃទី១៣-១៨ ខែកញ្ញា ឆ្នាំ២០១៦ ភ្លៀងនឹងបន្តធ្លាក់ រាយប៉ាយពីមធ្យមទៅច្រើន ក្នុងក្របខ័ណ្ឌទូទាំងប្រទេស ពិសេសនៅតាមតំបន់ខ្ពង់រាប នឹងមានភ្លៀងធ្លាក់ច្រើនជាប់ៗគ្នា។
ក្រសួងធនធានទឹកបញ្ជាក់ទៀតថា ជំនន់ទឹកភ្លៀងអាចនឹងកើតមានភ្លាមៗ នៅតាមតំបន់ខ្ពង់រាប និងផ្ទៃសមុទ្រ និងមានសភាពអាប់អួខ្លាំង ជាមួយនឹងរលកខ្ពស់ៗ ពិសេសចាប់ពីថ្ងៃទី១៤-១៦ ខែកញ្ញា ឆ្នាំ២០១៦៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
