ភ្នំពេញ៖ តារាសម្ដែងស្រអែមស្រស់ សារ៉ាយ សក្ខណា ក្រោយពីមកកើបលុយពីការថតរឿង និងថតស្ពតពាណិជ្ជកម្ម ខណៈមកលេងមាតុភូមិកំណើត ។ អ្វីគួរឲ្យភ្ញាក់ផ្អើល គ្រាន់តែនាងវិលដល់ទឹកដីអាមេរិកភ្លាម ម្ដាយក្មេក បានជូនកាដូ ជាទីគាប់ចិត្ត នូវកាបូបយូរមួយភ្លែត តែម្ដង ដែលតម្លៃកាបូប ដ៏ស្រស់ស្អាតនេះ មានតម្លៃរាប់ពាន់ដុល្លារ ជាការលើកទឹកចិត្ត និងធ្វើឲ្យនាងបាត់ភាពនឿយហត់ អស់រលើង។
សារ៉ាយ សក្ខណា ពេលមកលែងស្រុកខ្មែរ មិនមែនត្រឹមតែមកលេងធម្មតាទេ ពោលគឺ នាងមកក្នុងបំណងសម្ពោធគ្លីនិក ថែរក្សាសម្ផស្ស «ស៊ីណូ» ដែលបានចំណាយលុយ អស់រាប់ម៉ឺនដុល្លារ ក្នុងការបើកឲ្យដំណើរការ បើទោះបីជានាង មិនបាននៅមើលការខុសត្រូវ ដោយផ្ទាល់ក៏ដោយ ក៏អ្នកនាងមិនបានព្រួយបារម្ភដែរ ព្រោះអ្វីៗ នាងបានរៀបចំជាប្រព័ន្ធ រួចស្រេចទៅហើយ ។
ប៉ុន្តែពេលនាង ត្រឡប់មកប្រទេសកំណើតវិញ ម្ដងៗ សារាយ សក្ខណា បានក្លាយជាផលិតផល ដែលផលិតករ ចង់បានយកមកសម្ដែងក្នុងរឿង របស់ខ្លួនបំផុត ។
តារាសម្ដែងស្រអែមស្រស់ កាន់តែភ្ញាក់ផ្អើលបំផុត ព្រោះគ្រាន់តែនាង ទៅដល់ សហរដ្ឋអាមេរិកភ្លាម ម្ដាយក្មេករបស់នាង បានធ្វើឲ្យភ្ញាក់ផ្អើល ដោយទទួលបាន កាបូបដៃ ម៉ាក អិលវី ដែលមានតម្លៃ ខ្ទង់ពាន់ដុល្លារឯណោះ។ សារ៉ាយ សក្ខណា ពិតជារំភើបចិត្តណាស់ រហូតបានថ្លែងអំណរគុណ ម្ដាយក្មេក ថា «សុំអួតមួយណា មកដល់ផ្ទះភ្លាម បានកាដូមួយភ្លែត អរគុណម្ដាយក្មេក»។
នាងក៏បានអរគុណម្ដាយក្មេក ដែលស្រឡាញ់នាង ពិសេស គាត់យកចិត្តទុកដាក់លើនាង ពិតជាជាភ័ព្វសំណាងរបស់មនុស្ស នៅពេលបានប្ដីល្អ ចេះស្រឡាញ់ថ្នាក់ថ្នម និងជាមនុស្សកាន់តែសំណាងជាងនេះ ពេលបានឪពុកម្ដាយក្មេក ប្រកបដោយទឹកចិត្តល្អ និងមានព្រហ្មវិហារធម៌ ចំពោះកូនប្រសារបែបនេះ៕
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]